ⵢⴻⴷⴷⴻⵇⵇ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵖⴻⴼ ⵡⴰⵣⴰⵍ ⵉ ⵜⴻⴼⴽⴰ ⵍⴻⵣⵣⴰⵢⴻⵔ ⵉ ⵓⵙⴶⴻⵀⴻⴷ ⵏ ⵜⵏⴻⵣⵣⵓⵜ ⵜⴰⴷⵓⵙⵜⵓⵔⵉⵜ ⴷⴻⴳ ⵜⵎⴻⵏⵏⴰⴹⵜ ⵏ ⵜⴼⵔⵉⵇⵜ. ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⵓⵔⵜ-ⵏⵏⴻⵖ ⵜⴻⵇⵇⵉⵎ ⴷ ⴰⴼⵓⵙ ⵏ ⵜⵡⵉⵣⴰ ⵉ ⵜⴼⵔⵉⵇⵜ ⵢⴻⵔⵏⴰ ⵜⴻⵜⵜⴰⵏⴰⴹ ⵖⴻⴼ ⵍⵃⴻⵇ ⵏ ⵢⵉⵖⴻⵔⴼⴰⵏ-ⵉⵙ ⵉⵡⴰⴽⴽⴻⵏ ⴰⴷ ⵙⴱⴻⴷⴷⴻⵏ ⵜⵓⴷⴷⵎⵉⵡⵉⵏ ⵉⵊⴻⵀⴷⴻⵏ ⵢⴻⵔⵏⴰ ⵃⵔⵓⵔⴻⵏⵜ.
ⴷⴻⴳ ⵢⵉⵡⴻⵜ ⵏ ⵜⴳⵓⵔⵉ ⵉ ⵢⵓⵣⴻⵏ ⵉ ⵢⵉⵎⴻⵜⵜⴻⴽⴽⵉⵢⴻⵏ ⴷⴻⴳ ⵍⴻⵛⵖⴰⵍ ⵏ ⵜⵙⵉⵡⴻⵍⵜ ⵜⵉⵙ 19 ⵏ ⵓⵙⵇⴰⵎⵓ ⵏ ⵓⵙⴻⵍⴻⴹ ⵏ ⵜⵎⵓⵙⵏⵉⵡⵉⵏ ⵏ ⵜⵏⴻⵣⵣⵓⵜ ⵜⴰⴷⵓⵙⵜⵓⵔⵉⵜ ⵏ ⵜⴻⴼⵔⵉⵇⵜ, ⵉ ⵜⴻⵖⵔⴰ ⵜⵙⴻⵍⵡⴰⵢⵜ ⵏ ⵜⵉⵅⴰⵎⵜ ⵜⴰⴷⵓⵙⵜⵓⵔⵉⵜ, ⵍⵉⵍⴰ ⵄⴻⵙⵍⴰⵡⵉ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ, "ⵙ ⵜⵎⵓⵖⵍⵉ-ⵏⵏⴻⵙ ⵉⴷⵓⵎⴻⵏ ⵖⴻⵔ ⵜⴼⵔⵉⵇⵜ, ⴰⴷ ⵜⵇⵇⵉⵎ ⴷ ⴰⵎⵄⵉⵡⴻⵏ ⴷⴻⴳ ⵢⵉⵃⴰⵛⴻⵏ ⵏ ⵜⵙⴻⵔⵜⵉⵜ, ⵍⵇⴰⵏⵓⵏ, ⵜⵓⴷⴷⵎⵉⵡⵉⵏ ⴷ ⵓⵙⵏⴻⵔⵢⴻⵔⵏⴰ ⴰⴷ ⵜⴰⵏⴰⴹ ⵖⴻⴼ ⵍⵃⴻⵇ ⵏ ⵢⵉⵖⴻⵔⴼⴰⵏ ⵉⵡⴰⴽⴽⴻⵏ ⴰⴷ ⴱⵏⵓⵏ ⵜⵓⴷⴷⵎⵉⵡⵉⵏ ⵉⵊⴻⵀⴷⴻⵏ".
ⵢⴻⵔⵏⴰ-ⴷ ⵓⵙⴻⵍⵡⴰⵢ ⴱⴻⵍⵍⵉ "ⵍⴻⵣⵣⴰⵢⴻⵔ ⵜⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵙⴶⴻⵀⴻⴷ ⵏ ⵜⵏⴻⵣⵣⵓⵜ ⵜⴰⴷⵓⵙⵜⵓⵔⵉⵜ ⵜⴰⴼⵔⵉⵇⵉⵜ, ⴰⴽⴽⴻⵏ ⴰⴷ ⵜⵉⵍⵉ ⴷ ⵜⴰⴹⴰⵎⴻⵏⵜ ⵉ ⵍⵇⴰⵏⵓⵏ ⴰⵎⴰⵜⴰ, ⴷ ⵓⴼⵔⴰⵇ ⵏ ⵜⵣⴻⵎⵎⴰⵔ, ⴷ ⵓⵃⴰⴹⴻⵔ ⵏ ⵢⵉⵣⴻⵔⴼⴰⵏ ⴷ ⵜⵍⴻⵍⵍⵉⵡⵉⵏ ⴷ ⵓⵙⴱⴻⴷⴷⵉ ⵏ ⵍⴻⵀⵏⴰ".
ⵖⴻⴼ ⵓⵙⵜⴻⵇⴱⴻⵍ ⵏ ⵍⴻⵣⵣⴰⵢⴻⵔ ⵉ ⵜⵎⵍⵉⵍⵉⵜ-ⴰⴳⵉ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰ ⵢⴻⴷⴷⴰ-ⴷ ⴷ ⵓⴷⵓⵔ ⵏ ⵍⴻⵣⵣⴰⵢⴻⵔ "ⴷⴻⴳ ⵜⵓⴳⴳⵓⵜ ⵏ ⵜⵎⴻⵖⵔⵉⵡⵉⵏ ⵜⵉⴼⵔⵉⵇⵉⵢⵉⵏ, ⴰⵎ ⵜⵎⴻⵖⵔⴰ ⵏ ⵜⵏⴻⵣⵣⵓⵜ ⵜⴰⴼⵔⵉⵇⵉⵜ ⴷ ⵓⴳⵔⴰⵡ ⴰⴼⵔⵉⵇⵉ ⵏ ⵜⴼⵉⵔⵎⵉⵡⵉⵏ ⵜⵉⵎⴰⵢⵏⵓⵜⵉⵏ (Startups), ⵉ ⵢⴻⵍⵍⴰⵏ ⴷ ⵉⵙⴻⵏⵜⴰⵢ ⵉⵎⴻⵇⵇⵔⴰⵏⴻⵏ ⵉ ⵓⵙⵏⴻⵔⵏⵉ ⵏ ⵜⴷⴰⵎⵙⴰ ⴷ ⵜⵎⵓⵙⵏⵉ ⴷⴻⴳ ⵜⴼⵔⵉⵇⵜ".
ⵢⴻⴱⴷⴻⵔ-ⴷ ⵓⵍⴰ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵢⵉⵡⴻⵏ ⵓⵙⴰⵜⴰⵔ ⴰⵖⴻⵍⵏⴰⵡ ⴰⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴻⵅⴷⴻⵎ "ⴰⵙⴻⴳⵎⴻⵔ ⵏ ⴷⴷⵓⵙⵜⵓⵔ ⵏ 2020 ⵉ ⵢⴻⵍⵍⴰⵏ ⴷ ⵜⴰⴳⵏⵉⵜ ⵜⴰⵎⴻⵇⵇⵔⴰⵏⵜ ⵉ ⵢⴻⵙⴱⴻⴷⴷⴻⵏ, ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ, ⵜⵅⴰⵎⵜ ⵜⴰⴷⵓⵙⵜⵓⵔⵉⵜ, ⵉⵡⴰⴽⴽⴻⵏ ⴰⴷ ⵏⴻⵙⵙⵉⴷⴷⴻⴳ ⵜⴰⵏⴻⵣⵣⵓⵜ ⵜⴰⴷⵓⵙⵜⵓⵔⵉⵜ ⴷ ⵓⵙⴶⴻⵀⴻⴷ ⵏ ⵜⵎⵓⵔⵜ ⵏ ⵍⵇⴰⵏⵓⵏ".
ⴰⵙⴻⵍⵡⴰⵢ ⵢⴻⴷⴷⴻⵇⵇ ⵖⴻⴼ ⵡⴰⵢⴻⵏ ⴱⴻⵍⵍⵉ "ⴰⴱⴻⴷⴷⴻⵍ-ⴰⴳⵉ ⵢⴻⵄⴰⵡⴻⵏ ⴰⴷ ⵜⵉⵍⵉ ⵜⵍⴻⵍⵍⵉ ⵏ ⵜⵏⴻⵣⵣⵓⵜ ⴷ ⵓⴼⵔⴰⵇ ⴳⴰⵔ ⵜⵣⴻⵎⵎⴰⵔ, ⴷ ⵓⵙⴶⴻⵀⴻⴷ ⵏ ⵓⵃⴰⴹⴻⵔ ⵏ ⵢⵉⵣⴻⵔⴼⴰⵏ ⴷ ⵜⵍⴻⵍⵍⵉⵡⵉⵏ ⵏ ⵓⵎⴻⵣⴷⴰⵖ". ⴷⴻⴳ ⵓⵏⴻⴳⴳⴰⵔⵓ, ⴰⵙⴻⵍⵡⴰⵢ ⵢⴻⵛⴽⴻⵔ ⵡⵉⵢⵉⵏ ⵏ ⵜⵉⵅⴰⵎⵜ ⵜⴰⴷⵓⵙⵜⵓⵔⵉⵜ ⵖⴻⴼ ⵍⴻⵛⵖⴰⵍ-ⵏⵙⴻⵏ ⴷⴻⴳ ⵓⴼⴻⵔⵔⴻⵇ ⵏ ⵜⵎⵓⵙⵏⵉ ⵜⴰⴷⵓⵙⵜⵓⵔⵉⵜ, ⵉ ⵢⴻⵍⵍⴰⵏ ⴷ ⵜⴰⵔⵉⵛⵜ ⵉⵡⴰⴽⴽⴻⵏ ⴰⴷ ⵜⴻⵜⵜⵓⴱⵏⵓ ⵜⵎⵓⵔⵜ ⵏ ⵍⵇⴰⵏⵓⵏ.
ⴰⵔⵏⵓ ⵖⴻⵔ
