ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴷⴻⴳ ⵓⴳⴻⵞⴷⵉ ⵏ ⵓⵏⵢⵓⴷⴷⵓ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⵉⵏ ⵉ ⵢⴻⵙⵙⴻⵍⵡⵉ ⵡⴰⵙⵙ-ⴰ ⵏ ⵍⵀⴻⴷ, ⵉⵏⴻⵔⵡⴰⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⵎⵔⴻⵙ ⵢⴻⵍⵀⴰⵏ ⵏ "ⵜⵎⴰⴼⴽⵉⵢⵉⵏ" ⴷ ⵡⵉⴷⴻⵏⴻⴷ ⵉ ⴷ-ⵢⴻⵍⵍⴰⵏ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴷⴻⴳ ⵓⵏⴰⴳⵔⴰⵡ ⵏ ⵓⵙⴻⵍⵡⴰⵢ ⵉⵚⴻⵃⵃⴰⵏ ⵉ ⵓⵟⵎⴰⵏ ⵏ ⵓⵏⴻⴽⵛⵓⵎ ⵏ ⵓⵖⴻⵔⴱⴰⵣ 2026-2027 ⵙ ⵓⵔⵔⴱⵉⵃ.
ⵖⴻⴼ ⵜⴰⵎⵙⴰⵍⵜ ⵏ ⵓⵏⴻⴽⵛⵓⵎ ⵏ ⵓⵖⴻⵔⴱⴰⵣ, ⵓⴷⵢⴰⵏ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⵉⵏ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵢⴻⴼⴽⴰ ⵉⵏⴻⵔⵡⴰⵢⴻⵏ ⵉ ⵓⵏⴻⵖⵍⴰⴼ ⵏ ⵓⵃⵔⵉⵛ ⵉⵡⴰⴽⴽⴻⵏ ⴰⴷ "ⵉⵙⵙⴻⵎⵔⴻⵙ ⴰⴽⴽ ⵡⵉⴷⴻⵏⴻⴷ ⴷ ⵢⵉⴳⵎⴰⴷ ⵏ ⵓⵃⵔⵉⵛ ⵏ ⵓⵙⵙⴻⴳⵎⵉ, ⵙ ⵓⴱⵔⵉⴷ ⵏ ⵓⵙⴻⴷⴷⴻⵙ ⴷ ⵓⵙⴻⵍⵡⴰⵢ ⴰⵔⴰ ⴷ-ⵢⴻⴳⵍⵓⵏ ⵙ ⵓⴼⴰⵔⵉⵙ ⴷ ⵜⵉⴷⴷⵉ ⵢⴻⵍⵀⴰⵏ ⵉ ⵓⵏⴻⴽⵛⵓⵎ ⴰⵙⴷⴰⵡⴰⵏ ⴷ ⵓⵖⴻⵔⴱⴰⵣⴰⵏ".
ⴷⴰⵖⴻⵏ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⴰⵡⴻⵍ ⵉ "ⵓⵙⴻⵏⵜⴻⵎ (ⵉⵏⵠⴻⵙⵜⵉⵙⵙⴻⵎⴻⵏⵜ) ⴷⴻⴳ ⵡⴰⵍⵍⴰⵍⴻⵏ ⵏ ⵓⵎⴷⴰⵏ ⵉⵎⴻⵇⵇⵔⴰⵏⴻⵏ ⵉ ⵢⴻⵙⵄⴰ ⵓⵃⵔⵉⵛ". ⴷⴻⴳ ⵡⴰⵏⵏⴰⵔ-ⵏⵏⵉ ⴷⴰⵖⴻⵏ, ⴰⵙⴻⵍⵡⴰⵢ ⵢⴻⴼⴽⴰ ⵉⵏⴻⵔⵡⴰⵢⴻⵏ ⵉⵡⴰⴽⴽⴻⵏ "ⴰⴷ ⵜⴻⵙⵙⵉⵡⴻⴹⴹ ⵜⵙⵓⴷⴰ ⵏ ⵓⵙⵙⴻⴳⵎⵉ ⵙⴻⴳ ⵢⴰⵍ ⵜⵓⴷⴷⴰⵔ ⵏ ⵜⵢⵉⴷⵉⵢⵓⵍⵓⵊⵉⵜ ⴷ ⵓⵎⴻⵏⵏⵓⵖ ⴰⵙⴻⵔⵜⵉ, ⵉⵡⴰⴽⴽⴻⵏ ⵓⴷⵉⵡⴻⵏ ⴷⴻⴳ ⵓⵃⵔⵉⵛ ⴰⴷ ⵢⵇⵇⵉⵎ ⴷ ⴰⵃⴻⴷⴰⴳⵓⵊⵉ ⴽⴰⵏ".
ⴰⵔⵏⵓ ⵖⴻⵔ
