ⵢⴻⵙⵙⴻⵍⵡⴰⵢ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴼⵔⴰⴳ ⵏ ⵢⵉⵙⴰⵢⴻⵙⴻⵏ ⴷⴻⴳ ⵢⵉⵣⵓⵎⴱⵉ ⵏ ⵢⵉⵍⵍⴻⵍ (ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ), ⴰⵍⴷⴰⵢ ⵏ ⵜⵙⴻⵎⵎⵓⵏⵜ ⵜⵉⵙ ⵅⴻⵎⵙⴰ ⵏ ⵜⵎⴻⵔⵡⵉⵏ ⴷ ⵙⴰ (57) ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵍⴻⵣⵣⴰⵢⴻⵔ. ⵜⴰⵍⵍⵉⵜ-ⴰⴳⵉ ⵜⵓⵙⴰ-ⴷ ⵙ ⵓⵣⴻⵏⵣⵉⵖ "ⵜⴰⴼⵍⴻⵙⵜ ⴷ ⵡⵓⵔⴰⴽⵓ ⵉ ⵏⴼⴰⵄ ⵏ ⵓⵙⵏⴻⴼⵍⵉ ⵉ ⵉⵜⴻⴷⴷⵓⵏ , ⵙ ⵓⵜⴻⴽⴽⵉ ⵏ ⵡⴰⵟⴰⵙ ⵏ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ ⴷ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ ⴷ ⵜⵉⴷ ⵏ ⴱⴻⵕⵕⴰ.
ⵢⴻⵍⵍⴰ ⴷⴻⴳ ⵓⵎⵎⴰⴳⴻⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⵉ ⵉ ⴷ-ⵢⴻⵡⵡⴻⴹ ⵖⴻⵔ ⵓⴼⵔⴰⴳ ⵏ ⵢⵉⵙⴰⵢⴻⵙⴻⵏ, ⵉⵎⴹⴻⴱⴱⵔⴻⵏ ⵉⵄⵍⴰⵢⴻⵏ ⵏ ⵓⵡⴰⵏⴰⴽ ⴷ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ, ⵙ ⵜⴰⵎⴰ ⵏ ⵢⵉⵎⴰⵣⴰⵏ ⵏ ⵜⵓⴷⴷⵙⵉⵡⵉⵏ ⴷ ⵜⵎⵓⵙⵏⵉⵡⵉⵏ ⵜⵉⴷⴰⵎⵙⴰⵏⵉⵏ.
ⵢⴻⴱⴷⴰ ⵎⴰⵙⵙ ⴰⵙⴻⵍⵡⴰⵢ ⵜⵉⵔⵣⵉ-ⵉⵙ ⴷⴻⴳ ⵓⵙⴰⵢⴻⵙ ⵙ ⵓⵃⵔⵉⵛ ⵏ ⵙⴱⴻⵏⵢⵓⵍ, ⵉ ⵢⴻⵍⵍⴰⵏ ⴷ ⵉⵏⴻⴱⴳⵉ ⵏ ⵍⵀⵉⴱⴰ ⵏ ⵜⵙⴻⵎⵎⵓⵏⵜ-ⴰⴳⵉ, ⵉ ⴷ-ⵢⴻⵜⵜⴻⴽⴽⵉⵢⴻⵏ ⵙ ⵡⴰⵟⴰⵙ ⵏ ⵜⵎⵓⵙⵏⵉⵡⵉⵏ ⵜⵉⴷⴰⵎⵙⴰⵏⵉⵏ.
ⵉⵙⴼⵓⵍⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴰⵍⵍⵉⵜ-ⴰⴳⵉ ⵢⵉⵡⴻⵏ ⵏ ⵓⵙⴻⵏⴽⴻⴷ ⵍⵇⴰⵢⴻⵏ ⵙ ⵢⵉⵙⵉⴹⵏⴻⵏ ⴷ ⵢⵉⵎⴹⴰⵏⴻⵏ ⵖⴻⴼ ⵜⵙⴻⵎⵎⵓⵏⵜ ⵜⵉⵙ 57 ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵍⴻⵣⵣⴰⵢⴻⵔ, ⵉ ⴷ-ⵜⴻⵡⵡⵉ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴷⴰⵅⴻⵍ ⴷ ⵓⵚⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ, ⵎⴰⵙⵙⴰ ⴰⵎⴰⵍ ⴰⴱⴷⴻⵍⵍⴰⵟⵉⴼ.
ⴷⴰⵖⴻⵏ, ⵢⴻⵔⵣⴰ ⵎⴰⵙⵙ ⴰⵙⴻⵍⵡⴰⵢ ⵖⴻⵔ ⵓⵃⵔⵉⵛ ⵏ ⵜⵏⴻⵖⵍⴰⴼⵜ ⵏ ⵓⵎⴻⵙⵜⵓⵏ ⴰⵖⴻⵍⵏⴰⵡ, ⴰⵏⵉⴷⴰ ⵉ ⴷ-ⵓⵡⵢⴻⵏ ⵉⵙⴻⴳⵣⴰⵢⴻⵏ ⵍⵇⴰⵢⴻⵏ ⵖⴻⴼ ⵜⴻⵎⴳⵓⵔⵉⵡⵉⵏ ⵜⵉⵙⴻⵔⴷⴰⵙⵉⵏ ⴷ ⵜⵓⴷⴷⵙⵉⵡⵉⵏ ⵏ ⵓⴼⴰⵔⵉⵙ ⵏ ⵢⵉⵙⴻⵔⴷⴰⵙⴻⵏ ⵏ ⵓⵖⵔⴻⴼ ⴰⵖⴻⵍⵏⴰⵡ .
ⵔⵏⵉ-ⴷ ⵖⴻⵔ ⵡⴰⵏⵏⴻⵛⵜ-ⴰ, ⵢⴻⵔⵣⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⵔ ⵢⵉⵎⵔⴰⵃⴻⵏ ⵏ ⵜⵛⴰⴷ, ⵜⵓⵏⴻⵙ ⴷ ⵜⵙⴻⵍⵟⴰⵏⵜ ⵏ ⵄⵓⵎⴰⵏ ⵉ ⴷ-ⵢⴻⵜⵜⴻⴽⴽⵉⵢⴻⵏ ⵙ ⵡⴰⵟⴰⵙ ⵏ ⵜⵎⵓⵙⵏⵉⵡⵉⵏ ⴷ ⵜⵙⵏⵓⵔⴻⴼⵉⵏ ⴷⴻⴳ ⵡⴰⵟⴰⵙ ⵏ ⵜⵎⵓⵀⴰⵍ ⴷ ⵢⵉⵏⵏⴰⵔⴻⵏ.
ⴰⵔⵏⵓ ⵖⴻⵔ
