ⵉⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴱⴻⵍⵍⵉ ⴰⵙⴻⴳⴳⴰⵙ ⵏ 2027 ⴰ ⴷ-ⵢⵉⵍⵉ ⴷ ⴰⵎⴻⵙⵙⵓⵔ ⴷⴻⴳ ⵓⴽⴰⵜⴰⵔ ⵏ ⵓⵟⵟⵡⴰⵇⵇⴻⵍ ⵉ ⴷ-ⵉⵟⵄⴻⴷⴷⴰⵢⴻⵏ ⵖⴻⴼ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵙ ⵓⵙⴷⵓⵙⵓ ⴷ ⵓⵙⴻⴳⴷⴻⵔ ⵏ ⵓⴼⴰⵔⴻⵙ ⴰⵖⴻⵍⵏⴰⵡ ⴷ ⵡⴰⵍⵍⴰⵖ ⵏ ⵓⴽⴰⵜⴰⵔ ⵏ ⵓⵙⵉⵡⴻⴹ ⴱⴻⵔⵔⴰ ⵏ ⵉⵎⴻⵀⵔⵓⵇⴻⵏ, ⵙ ⵓⵃⵔⴰⵣ ⵏ ⵜⵏⴻⴼⵍⴻⵙⵜ ⵜⴰⵏⵎⴻⵜⵜⵉⵜ ⵏ ⵓⵡⴰⵏⴽ.
ⴷⴻⴳ ⵓⵙⴻⵏⴽⴻⴷ-ⵉⵏⴻⵙ ⵉ ⵓⵙⴰⴳⵔⵓ ⴰⵙⴻⴳⴳⴰⵙⴰⵏ ⴰⴽⴽⴻⴷ ⵉⵎⵙⴻⴽⵜⴰⵢⴻⵏ ⵉⴷⴰⵎⵙⴰⵏⴻⵏ ⴷⴻⴳ ⵍⴰⵔⴻⴱⵄⴰ ⵉ ⴷ-ⵉⵄⴻⴷⴷⴰⵏ, ⵙ ⵓⵖⴰⵍ ⴰⵔ ⵜⵙⴻⵔⵜⵉⵢⵉⵏ-ⵉⵏⴻⵙ ⵉ ⴷ-ⵉⵙⴱⴻⴷⴷⴻⵏ ⵍⴱⴰⵍ ⵏ ⵓⵖⴻⵍⵏⴰⵡ ⴷ ⵓⴳⵔⴰⵖⵍⴰⵏ, ⵍⴰⴷⵖⴰ ⵙⴻⴳ ⵢⵉⵎⴰⵙⵙⴰⵏⴻⵏ ⴷ ⵢⵉⵎⴰⵣⴰⴳⴰⵏⴻⵏ ⴷ ⵢⵉⵎⵙⴻⴽⵜⴰⵢⴻⵏ ⵉⴷⴰⵎⵙⴰⵏⴻⵏ, ⵉⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ ⴰⵙⴻⴳⴳⴰⵙ ⵏ 2027 ⴰ ⴷ-ⵢⵉⵍⵉ ⴷ "ⴰⵎⴻⵙⵙⵓⵔ" ⴷⴻⴳ ⵓⵟⵟⵡⴰⵇⵇⴻⵍ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵙ ⵓⴽⴻⵎⵎⴻⵍ ⴷⴻⴳ ⵓⵙⴷⵓⵙⵓ ⵏ ⵓⴼⴰⵔⴻⵙ ⴰⵖⴻⵍⵏⴰⵡ ⴷ ⵡⴰⵍⵍⴰⵖ ⵏ ⵓⴽⴰⵜⴰⵔ ⵏ ⵓⵙⵉⵡⴻⴹ ⴷ ⵓⵙⴻⵏⵇⴻⵙ ⵏ ⵓⵙⵜⴻⵔⵔⴻⴷ ⵉ ⴷ-ⵉⵙⵙⴻⵏⴼⴰⵍ ⵓⴼⴰⵔⴻⵙ ⴰⵖⴻⵍⵏⴰⵡ.
ⵉⵙⴱⴻⴷⴷ ⵍⴱⴰⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ "ⵙ ⵓⵙⴷⵓⴽⴽⴻⵍ ⵏ ⵜⵣⴻⵎⵎⴰⵔ ⵏ ⴰⴽⴽ ⵉⵎⴷⴰⵏⴻⵏ, ⴰ ⵏⵙⵉⵡⴻⴹ ⴷⴻⴳ ⵓⵙⴻⴳⴳⴰⵙ ⵏ 2027 ⴰⵔ ⵓⵡⵡⴰⴹ ⵏ ⵜⴷⴰⵎⵙⴰ ⵜⵓⵃⵔⵉⵙⵜ ⵉ ⵉⵟⵇⴰⴷⴰⵔⵔⴻⵏ ⵜⴰⵎⵏⴰⴹⵜ ⵜⴰⵏⵎⴻⵜⵜⵉⵜ ⵏ ⵓⵡⴰⵏⴽ", ⵙ ⵓⴱⴻⴳⴳⴻⵏ ⴱⴻⵍⵍⵉ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ "ⵜⵉⵊⵊⴻⵊⵊⴻⴳ ⵓ ⴰ ⵏⴻⴽⵎⴻⵍ ⴷⴻⴳ ⵢⵉⵡⴻⵜ ⵏ ⵜⴱⵔⵉⴷⵜ, ⵙ ⵜⴷⵓⴽⵍⵉ ⴷ ⵓⵙⴷⵓⴽⴻⵍ ⴰⴽⴽⴻⴷ ⴰⴽⴽ ⵜⵣⴻⵎⵎⴰⵔ ⵏ ⵜⵎⵓⵔⵜ, ⴰ ⵏⴼⵓⴽⴽ ⴷⴻⴳ 2027 ⵍⴻⴱⵏⵉ ⵏ ⵜⴷⴰⵎⵙⴰ ⵜⵓⵃⵔⵉⵙⵜ".
ⵉⵙⴱⴻⴳⴳⴻⵏ-ⴷ ⴱⴻⵍⵍⵉ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⵜⴻⵜⵜⵉⵍⵉ ⴷⴻⴳ "ⵜⴰⴽⵜⵓⵜ ⵏ ⵓⵟⵟⵡⴰⵇⵇⴻⵍ ⴰⵎⴰⵜⵓ ⵙⴻⴳ ⵜⴷⴰⵎⵙⴰ ⵉⵟⵟⵓⵡⴰⴷⴻⴱⴱⵔⴻⵏ ⴰⵔ ⵜⴷⴰⵎⵙⴰ ⵜⵉⵍⴻⵍⵍⵉ", ⵍⴰⴷⵖⴰ ⵉⵎⵉ ⵓⴳⴰⵔ ⵏ 85 ⴷⴻⴳ ⵜⵛⴰⵡⵉⵜ (%) ⵙⴻⴳ ⵓⴷⵓⵎ-ⵉⵙ ⵉⵟⵟⴰⵡⴻⵙ ⴷⴻⴳ ⴰⵎⵓⵔ ⵓⵙⵍⵉⴳ.
ⵙ ⴷⴻⴼⴼⵉⵔ ⵎⴰ ⵢⴻⵙⴽⴻⵏ-ⴷ ⴱⴻⵍⵍⵉ ⴰⵟⴰⵙ ⵏ ⵜⵉⵡⵓⵏⴰ "ⵙⵙⵏⴻⵏ ⵉⵜⵜⵡⴰⵇⵇⵍⴻⵏ-ⴰ ⵓ ⴰⵙⴰⴽⴰ-ⵏⵙⴻⵏ ⵢⴻⵍⵍ-ⴰⴷ ⴷ ⴰⵡⴻⵄⵔⴰⵏ ⴰⵟⴰⵙ ⵓ ⴷ-ⵢⴻⵡⵡⵉ ⵉⴽⵓⴽⵔⴰ ⵉⴷⴰⵎⵙⴰⵏⴻⵏ", ⵉⵙⴻⴳⵣⴰ-ⴷ ⵎⴰⵙⵙ ⴰⵙⴻⵍⵡⴰⵢ ⵙ ⵢⵉⵏⵏⴰ: "ⵏⵓⴽⴽⵏⵉ ⵏⵅⴻⴷⴷⴻⵎ ⴰⴷ ⵏⵄⴻⴷⴷⵉ ⵙ ⵜⴻⵍⵡⵉⵜ ⴷ ⵡⴰⵔ ⴰⴷ ⴷ-ⵉⵖⵍⵉ ⴽⵔⴰ ⵏ ⵓⵣⴰⴳⵍⵓ ⵖⴻⴼ ⵡⴰⴷⴷⴰⴷ ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ".
ⴷⴻⴳ ⵓⴽⴰⵜⴰⵔ-ⴰ, ⵉⴱⴷⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ "ⵡⴰⴷⴷⴰⴷ ⵉⵟⵟⵓⵡⴰⵖⵔⴻⵏ" ⵉ ⵢⴻⵍⵍⴰⵏ ⵉⵃⴽⴻⵎ ⵖⴻⴼ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵓⵇⴱⴻⵍ ⴰⵙⴻⴳⴳⴰⵙ ⵏ 2019, ⵉⵎⵉ ⵓⵔ ⵢⴻⵍⵍⵉ ⴰⵔⴰ -ⴰⵎ ⴰⴽⴽⴻⵏ ⵉ ⴷ-ⵢⴻⵏⵏⴰ- "ⴽⵔⴰ ⵏ ⵓⵙⴻⵏⴼⴰⵍ ⴳⴰⵔ ⵢⴰⵎⵓⵔⴻⵏ ⵉ ⵜⴻⵏ-ⵢⴻⵙⵙⴰⵡⴹⴻⵏ ⴰⴷ ⴷ-ⴼⴰⵢⴷⴻⵏ ⵙⴻⴳ ⵡⴰⵢⵡⴰⵢⴻⵏ, ⴷ ⵡⵓⵍⴰⵛ ⵏ ⵜⵎⵓⴳⵔⵉ ⵜⴰⵙⵏⴻⴼⵙⵉⵡⵜ, ⵓ ⴰⴱⵔⵉⴷ ⵢⴻⵍⵍⴰ ⴷ ⴰⵎⴰⵜⵓ ⴰⵔ ⵓⵙⵜⴻⵔⵔⴻⴷ".
ⵉⵙⵙⴻⵏⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵓⴽⴰⵜⴰⵔ-ⴰ "ⵉⵏⴻⴼⵙⵉⵢⵏ ⵉⵢⴻⵍⵙⵉⵢⴻⵏ" ⵉ ⴷ-ⵉⵟⴱⴻⴳⴳⵉⵏⴻⵏ ⵜⵓⵔⴰ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⵉ ⵢⴻⵍⵍⴰⵏ ⴷ "ⵜⵉⵙ ⴽⵔⴰⴷⴻⵜ ⴷⴻⴳ ⵜⴻⴼⵔⵉⵇⵜ ⵓ ⴰ ⵏⴻⴽⵎⴻⵍ ⴰⴷ ⵏⵉⵍⵉ ⴷ ⵉⴼⴰⵣⴻⵏ ⵙ ⵓⴽⴻⵎⵎⴻⵍ ⴷⴻⴳ ⵓⵙⵙⴻⴳⴳⴻⵎ ⵏ ⵓⵏⵇⴰⵙ", ⵙ ⵓⵡⵄⴻⴷ-ⵉⵙ ⵙ ⵡⴰⵔ ⴰⴵⴵⵉ ⵏ ⵜⴰⵎⵍⵉⵍⵜ ⵜⴰⵏⵎⴻⵜⵜⵉⵜ ⵏ ⵓⵡⴰⵏⴽ.
ⴷⴻⴳ ⵓⵙⵉⵡⴻⴹ-ⵉⵙ ⴰⵔ ⵢⵉⵙⵎⴻⴽⵜⴰⵢⴻⵏ ⵓⵎⴹⵉⵏⴻⵏ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵉⵙⴱⴻⴷⴷ ⵍⴱⴰⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ "ⴰⵙⵜⴻⵔⵔⴻⴷ ⵉⵙⴻⵏⵇⴻⵙ ⴳⴰⵔ 40 ⴷ 42 ⵏ ⵉⵎⵉⵍⵍⵉⵢⴰⵔⴻⵏ ⵏ ⵉⴷⵓⵍⴰⵔ ⵙ ⴷⴻⴼⴼⵉⵔ ⵎⴰ ⵜⴻⵟⵟⵓⵙⵜⴻⵔⵔⴻⴷ ⵍⴻⵣⵣⴰⵢⴻⵔ ⵓⵇⴱⴻⵍ 62 ⵏ ⵉⵎⵉⵍⵍⵉⵢⴰⵔⴻⵏ ⵏ ⵉⴷⵓⵍⴰⵔ", ⴷ ⵉⵙⴻⴼⴽⴰ ⵉ ⴷ-ⵉⵟⴱⴻⴳⴳⵉⵏⴻⵏ ⵜⴰⵣⵎⴻⵔⵜ ⵉ ⵜⴻⵡⵡⴻⴹ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ, ⵙ ⵜⵎⴻⵔⵏⴰ ⵏ ⵢⵉⵏⵏⴰ: "ⴰ ⵏⵙⵜⴻⵔⵔⴻⴷ ⴰⵢⴻⵏ ⴽⴰⵏ ⵉ ⴰⵖ-ⵉⵙⵙⴻⴼⴽⴻⵏ", ⵓ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⴻⴱⴷⴻⴷ ⴷⴻⴳ ⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⵖⴻⴼ ⵓⵙⵜⴻⵔⵔⴻⴷ ⵏ ⵍⵉⵙⴰⵏⵙ ⴷ ⵓⴽⵉⵔⵓⵣⵉⵏ (ⴰⵍⵓⴳ ⵏ ⵜⵜⴰⵡⵉⵔⴰⵜⵉⵏ) ⵓ ⴰ ⵜⴱⴻⴷⴷ ⴽⵉⴼⴽⵉⴼ ⵖⴻⴼ ⵓⵙⵜⴻⵔⵔⴻⴷ ⵏ ⵍⵎⴰⵣⵓⵟ ⵙ ⵓⵣⵣⵡⴻⵔ ⵏ ⵓⴼⴰⵔⴻⵙ ⴷⴻⴳ ⵜⵎⴻⵚⵏⴰⴼⵜ ⵜⴰⵎⴰⵢⵏⵓⵜ ⵏ ⵃⴰⵙⵉ ⵎⴻⵙⵄⵓⴷ ⴷⴻⴳ 2026/2027".
ⵉⴽⴻⵎⵎⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴻⵎⵙⴰⵍⵜ-ⴰ ⵙ ⵢⵉⵏⵏⴰ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⴻⵚⵚⴰⵡⴻⴹ ⴰⴷ ⴷ-ⵜⵙⴻⴽⵜⴰⵢ 84 ⴷⴻⴳ ⵜⵛⴰⵡⵉⵜ ⵙⴻⴳ ⵓⵙⵙⵓⵜⴰⵔ-ⵉⵙ ⵏ ⴷⴷⵡⴰ, ⴳⴰⵔ-ⴰⵙⴻⵏ ⵉⴷⴷⵡⴰⵢⴻⵏ ⵉⵡⵄⵔⴰⵏⴻⵏ ⵏ ⵙⵙⴽⴻⵕ ⴷ ⵓⴽⴰⵏⵙⴻⵔ, ⵎⴳⴰⵍ ⴰⵜⴰⵢ ⵏ ⵓⴼⴰⵔⴻⵙ ⵉ ⵢⴻⵍⵍⴰⵏ ⴳⴰⵔ 9 ⴰⵔ 10 ⴷⴻⴳ ⵜⵛⴰⵡⵉⵜ ⴽⴰⵏ" ⴷⴻⴳ ⵉⵙⴻⴳⴳⴰⵙⴻⵏ ⵉⵄⴻⴷⴷⴰⵏ. ⴷⴻⴳ ⴰⵢⴻⵏ ⵢⴻⵔⵣⴰⵏ ⴰⵎⵓⵔ ⵏ ⵜⵎⵓⴳⵔⵉ, ⵢⴰⴱⴷⴻⵔ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ ⴰⵎⵓⵔ-ⴰ ⴷⴻⴳ ⵓⴼⴰⵔⴻⵙ ⴰⴳⴻⵏⵙⴰⵢ ⴰⵎⴰⵜⵓ "ⵢⴰⵍⵉ ⵙ 10 ⴷⴻⴳ ⵜⵛⴰⵡⵉⵜ ⴷⴻⴳ 2026 ⵙ ⴷⴻⴼⴼⵉⵔ ⵎⴰ ⵢⴻⵍⵍⴰ ⴷ ⴰⵏⵇⴰⵙ" ⴷⴻⴳ ⵉⵙⴻⴳⴳⴰⵙⴻⵏ ⵉⵄⴻⴷⴷⴰⵏ ⵙ ⵓⵙⵙⴻⵔⵔⴻⴷ, ⵓ ⵍⴻⵣⵣⴰⵢⴻⵔ ⴰⵙⵙ-ⴰ "ⵜⴻⵚⵚⴰⵡⴻⴹ ⴰⴷ ⴷ-ⵜⵎⵓⴳⴳⴻⵔ ⴷ ⴰⴷ ⵜⵙⵉⵡⴻⴹ ⴰⵟⴰⵙ ⵏ ⵜⵖⴰⵡⵙⵉⵡⵉⵏ ⵉ ⵜⴻⵟⵟⵓⵙⵜⴻⵔⵔⴻⴷ ⵓⵇⴱⴻⵍ".
ⵢⴰⴱⴷⴻⵔ-ⴷ ⴷⴻⴳ ⵓⴽⴰⵜⴰⵔ-ⴰ ⵜⵉⵎⵚⵏⴰⴼⵉⵏ ⵉ ⴷ-ⵉⵟⵟⴻⵍⴹⴻⵏ, ⴰⴽⴽⴻⴷ "ⵜⴰⵎⵙⴻⴽⵜⵉ ⵏ ⵓⵎⵓⵔ ⵏ ⵜⴼⴻⵍⵍⴰⵃⵜ ⵙ 15 ⴷⴻⴳ ⵜⵛⴰⵡⵉⵜ ⴷⴻⴳ ⵓⴼⴰⵔⴻⵙ ⴰⴳⴻⵏⵙⴰⵢ ⴰⵎⴰⵜⵓ ⴰⴽⴽⴻⴷ ⵉⵙⴻⵔⴼⵉⵢⴻⵏ ⵓⵙⵍⵉⴳⴻⵏ ⵏ ⵓⴼⴰⵔⴻⵙ ⵏ ⵓⵣⴰⵢⵓⴷ ⴷ ⵓⵙⴽⴻⵕ, ⴰⴽⴽⴻⴷ ⵓⵡⵡⴰⴹ ⵏ ⵓⵃⵔⴰⵣ ⴷⴻⴳ ⵢⵉⵎⴻⵏⴷⵉ ⴷ ⵜⵖⴰⵡⵙⵉⵡⵉⵏ ⵏⵏⵉⴹⴻⵏ ⴰⵔ ⵜⴰⴳⴳⴰⵔⴰ ⵏ 2027", ⴷ ⴰⵢⴻⵏ ⵉ ⴷ-ⵉⵟⴱⴻⴳⴳⵉⵏⴻⵏ -ⵉ ⴷ-ⵢⴻⵔⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ- "ⵏⴻⴼⵙⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵓⵙⴻⵏⵇⴻⵙ ⵏ ⵓⴽⴰⵜⴰⵔ ⵏ ⵓⵙⵜⴻⵔⵔⴻⴷ".
ⴽⵉⴼⴽⵉⴼ ⵉⵃⴽⴰ-ⴷ ⵖⴻⴼ ⵓⵎⵓⵔ ⵏ ⵜⵎⵓⴳⵔⵉ ⵏ ⵜⴽⴰⵔⵔⵓⵙⵉⵏ, ⵙ ⵓⴱⴻⴳⴳⴻⵏ ⴱⴻⵍⵍⵉ "ⵎⴰ ⵢⴻⵍⵍⴰ ⴰⴷⵔⵉⵎ ⴷ ⴽⵔⴰ ⵏ ⴰⵢⴻⵏ ⵉ ⵏⴻⵇⵚⴻⴷ ⴰⴽⴽⴻⴷ ⵢⵉⵍⵎⴰⵏⵉⵢⴻⵏ ⴷ ⵢⵉⵟⴰⵍⵉⵢⴰⵏⴻⵏ, ⴰ ⵏⵙⵉⵡⴻⴹ ⴰⵔ ⵜⴽⴰⵔⵔⵓⵙⵜ ⵜⴰⵣⵣⴰⵢⵔⵉⵜ ⴰⵔ ⵜⴰⴳⴳⴰⵔⴰ ⵏ 2028, ⵙ ⵓⵎⵓⵜⵓ ⴰⵣⵣⴰⵢⵔⵉ, ⴷ ⵜⴻⵙⵔⴰⴼⵜ ⵏ ⵓⵏⵢⴰ ⵜⴰⵣⵣⴰⵢⵔⵉⵜ, ⴷ ⵉⵔⴰⵡⴻⵏ ⵉⵣⵣⴰⵢⵔⵉⵢⴻⵏ, ⵎⵓⵞⵞⵉ ⴷ ⴰⵙⵓⴼⴼⴻⵖ ⵏ ⵉⵔⴰⵡⴻⵏ ⴽⴰⵏ" ⵙ ⵓⵎⴻⵙⵍⴰⵢ ⵖⴻⴼ ⴰⵢⴻⵏ ⵢⴻⵍⵍⴰⵏ ⵓⵇⴱⴻⵍ 2019, "ⵍⵃⴰⵚⵓⵏ ⴷ ⴰⵄⴻⵡⵡⴻⵍ ⴰ ⵜ-ⵏⵉⴷ-ⵏⴻⵙⵙⴻⴹⵔⵓ".
ⵢⴻⴱⴷⴻⵔ-ⴷ ⴷⴰⵖⴻⵏ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ "ⵉⵙⵓⵔⵉⴼⴻⵏ ⵉⵎⴻⵇⵇⵔⴰⵏⴻⵏ ⵉ ⴷ-ⵉⵟⵡⴰⵚⴰⵡⴹⴻⵏ ⴷⴻⴳ ⵓⵎⵓⵔ ⵏ ⵓⵙⴼⵓⴽⵜⵉ ⵙ ⴷⴻⴼⴼⵉⵔ ⵏ ⵓⴼⴻⵇⵇⵓⴻⴷ ⵏ ⵓⵏⴰⴳⵔⴰⵡ ⴰⵙⴰⴹⵓⴼ ⴷ ⵓⵊⴻⵃⵃⴻⴹ ⵏ ⵓⵎⵙⴻⴹⵔⵓ ⵉ ⵉⵙⵙⴻⴼⴽⴻⵏ", ⵙ ⵓⴱⴻⴳⴳⴻⵏ ⵏ "ⵜⵉⵍⵉⵏ ⵏ 13 ⵏ ⴰⵍⴼ ⵏ ⵓⵙⴻⵏⴼⴰⵔ ⵏ ⵓⵙⴼⵓⴽⵜⵉ ⴰⵃⵇⴰⵏⵉ ⴰ ⴷ-ⵉⵅⴻⵍⵇⴻⵏ ⴰⵟⴰⵙ ⵏ ⵉⵎⴽⴰⵏⴻⵏ ⵏ ⵓⵅⴻⴷⴷⵉⵎ". ⵙ ⴷⴻⴼⴼⵉⵔ ⵎⴰ ⵢⴰⴱⴷⴻⵔ-ⴷ ⴰⵣⴰⵍ ⵏ ⵓⵎⵙⴻⴹⵔⵓ ⴰⴽⴽⴻⴷ ⵉⵎⵙⴻⴽⵜⴰⵢⴻⵏ ⵉⴷⴰⵎⵙⴰⵏⴻⵏ, ⵉⵙⴱⴻⴳⴳⴻⵏ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ ⵜⴰⵏⴰⵔⵉⵜⵜ ⵜⴰⵡⵃⵉⴷⵜ ⵜⴰⵖⴻⵍⵏⴰⵡⵜ ⵏ ⵓⵙⴼⵓⴽⵜⵉ ⴷ "ⵜⴰⵎⵢⴻⴼⵜⴻⵏⵜ ⵜⴰⵎⴻⵣⵡⴰⵔⵓⵜ", ⵉⵎⵉ ⴷ ⴰⵙⵓⴷⴷⵓⵙ ⵉ ⴷ-ⵉⵊⴻⴱⴱⴷⴻⵏ ⵉⵙⴻⵔⴼⵉⵢⴻⵏ ⵉⵖⴻⵍⵏⴰⵡⴻⵏ ⴷ ⵢⵉⴱⴻⵔⵔⵉⵢⴻⵏ ⵓ ⵜⴻⵙⴻⵄ ⵙ ⵍⴻⴽⵎⴰⵍ ⵜⴰⵣⵎⴻⵔⵜ ⵏ ⵓⵙⴼⵓⴽⵜⵉ, ⵙ ⵓⴱⴻⴳⴳⴻⵏ ⴱⴻⵍⵍⵉ ⴰⵏⴰⴳⵔⴰⵡ ⵏ ⵜⵏⴰⵔⵉⵜⵜ ⵜⴰⵡⵃⵉⴷⵜ "ⴰ ⴷ-ⵢⴻⴽⵛⵎⴻⴷ ⴷⴻⴳ ⵓⵔⵎⴰⴷ ⴷⴻⴳ ⵓⵎⴻⵣⵡⴰⵔⵓ ⵏ ⵢⴻⵏⵏⴰⵢⴻⵔ ⵉ ⴷ-ⵉⵟⴻⴷⴷⵓⵏ ⴰⴽⴽⴻⴷ ⵓⴽⵛⵛⵓⵎ ⵏ ⵓⵙⴰⴹⵓⴼ ⵏ ⵜⵙⴻⵔⵜⵉⵜ ⵏ ⵜⴰⴷⵔⵉⵎⵜ ⵏ ⵓⵙⴻⴳⴳⴰⵙ 2027".
ⵉⴽⴻⵎⵎⴻⵍ ⵙ ⵢⵉⵏⵏⴰ ⴱⴻⵍⵍⵉ ⴰⵙⴻⵏⴼⴰⵍⵉ-ⴰ ⵉⵟⵟⴰⵔⵔⴰ-ⴷ "ⵍⴻⴱⵖⵉ ⵉⴱⴰⵏ ⵉ ⵓⴽⴻⵎⵎⴻⵍ ⵏ ⵓⵙⵙⴻⵀⴻⵍ ⵏ ⵓⵙⴼⵓⴽⵜⵉ", ⵙ ⵓⵙⴷⵓⵙⵓ ⵖⴻⴼ ⵜⵙⴻⵇⵇⴰⵎⵓⵜ ⵏ ⴰⴽⴽ ⵉⵎⴷⴰⵏⴻⵏ ⵉ "ⵡⴰⵍⵍⴰⵖ ⵏ ⵓⵙⵉⵡⴻⴹ ⴱⴻⵔⵔⴰ ⵏ ⵉⵎⴻⵀⵔⵓⵇⴻⵏ, ⵍⴰⴷⵖⴰ ⴷⴻⴳ ⵓⴽⴰⵜⴰⵔ ⵏ ⵓⵄⵉⵡⴻⵏ ⴷ ⵓⵙⵙⴻⵀⴻⵍ ⵉ ⴷ-ⵜⴻⵟⵟⴰⴽ ⵜⵡⴰⵏⴽ ⵉ ⵓⵎⵙⴼⵓⴽⵜⵉ".
ⵉⵙⴱⴻⴷⴷ ⵍⴱⴰⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⵖⴻⵏ ⵖⴻⴼ "ⵓⵙⵎⴻⵔⵡⴻⵔ" ⵉ ⴷ-ⵢⴻⴹⵔⴰⵏ ⵎⵍⵉⵃ ⴷⴻⴳ ⵡⴰⵣⴰⵍⴻⵏ ⵏ ⴽⵔⴰ ⵏ ⵜⵖⴰⵡⵙⵉⵡⵉⵏ ⵏ ⵓⵛⵞⵞⵉ, ⵍⴰⴷⵖⴰ ⵜⵉⵊⴻⵔⵊⵉⴳⵉⵏ ⴷ ⵍⴼⴰⴽⵢⴰ, ⵙ ⵓⵙⵙⵓⵜⴻⵔ ⵏ "ⵓⵙⵙⴻⴱⵄⴻⴷ ⵏ ⵓⵃⵔⵓⵔⵉ ⴷ ⵓⵅⴻⵎⵎⴻⵎ ⵖⴻⴼ ⵓⵖⴻⵔⵎⴰⵏ ⴰⵎⴻⵙⴱⴰⵖⵓⵔ ⵓⵔ ⵏⴻⵙⵄⵉ", ⵙ ⵓⴱⴻⴳⴳⴻⵏ ⵏ ⵓⵡⵡⴻⴹ ⵏ ⵓⵙⵙⵉⵙⵉ ⵏ ⵓⵙⴱⴻⴷⴷ ⵏ ⵓⵙⵓⴷⴷⵓⵙ ⴰⴷⴰⵎⵙⴰⵏ ⵉ ⵅⴻⴷⴷⵎⴻⵏ ⵖⴻⴼ ⵓⵙⵙⴻⴳⴳⴻⵎ ⵏ ⵜⵎⴻⵙⴽⴰⵏⵉⵏ ⵙ ⵜⴻⵙⵏⵉⴼⵉⵜ ⴷ ⵓⵙⵖⵉ ⵏ ⴷⴷⵓⴼⵔⴰⵜ ⵏ ⵓⴼⴰⵔⴻⵙ ⵙⴻⴳ ⵢⵉⴼⴻⵍⵍⴰⵃⴻⵏ ⴷ ⵢⵉⵎⴼⴻⵣⴰ.
ⵢⴰⴱⴷⴻⵔ-ⴷ ⵙⴻⴳ ⵜⴰⵎⴰ ⵏⵏⵉⴹⴻⵏ ⵉⵙⴻⵏⴼⴰⵔⴻⵏ ⵉ ⴷ-ⵉⵟⵟⵓⵡⴰⵅⴻⴷⵎⴻⵏ ⴰⴽⴽⴻⴷ ⵜⵉⵍⵉⵏ ⵏ ⵓⵙⴼⵓⴽⵜⵉ ⴰⵃⵇⴰⵏⵉ ⴷ ⵍⵙⴰⵙ ⴰⵎⵓⴳⵔⴰⵏ ⵓⵃⵔⵉⵙ, ⴷⴻⴳ ⵓⴽⴰⵜⴰⵔ ⵏ "ⵏⴻⴼⵙⵉ ⴷ ⵓⴳⴻⵎⵎⵓ" ⵉ ⴷ-ⵉⵟⵟⴰⵍⵉⵢⴻⵏ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⴷⴻⴳ ⴰⵢⴻⵏ ⵢⴻⵔⵣⴰⵏ "ⵜⴰⴳⵔⴰⵢⵜ ⵜⴰⵏⴻⴼⵙⵉⵙⵜ" ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⵖⴻⴼ ⵉⵙⴻⵇⵙⵉⵢⴻⵏ-ⵉⵙ ⵏ ⵓⵃⵔⴰⵣ ⵏ ⵓⵙⴻⵏⴼⴰⵍ ⴷⴻⴳ ⵍⴻⵣⵣⴰⵢⴻⵔ, ⵉⵙⴼⴻⵀⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⴻⵄ "ⵜⵉⵣⴻⵎⵎⴰⵔ ⵉ ⵓⴼⴰⵔⴻⵙ ⵏ ⴰⴽⴽ ⴰⵢⴻⵏ ⵉ ⵜⴻⵚⵔⴰ ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⵇⴻⵙ ⵏ ⵡⴰⵣⴰⵍ ⵏ ⵓⵙⵜⴻⵔⵔⴻⴷ ⴷ ⵡⴰⵍⵍⴰⵖ ⵏ ⵓⵙⵉⵡⴻⴹ", ⵙ ⵓⴱⴻⴳⴳⴻⵏ ⵏ ⵓⵏⴰⴷⵉ ⵏ ⵓⵡⵡⴰⴹ ⴰⵔ 30 ⵏ ⵉⵎⵉⵍⵍⵉⵢⴰⵔⴻⵏ ⵏ ⵉⴷⵓⵍⴰⵔ ⵏ ⵓⵙⵉⵡⴻⴹ ⴷⴻⴳ ⵉⵙⴻⴳⴳⴰⵙⴻⵏ ⵏ 2030, ⵙ ⵜⵎⴻⵔⵏⴰ ⵏ ⵓⵙⵉⵡⴻⴹ ⵏ ⵓⴼⵓⵙⴼⴰⵜ ⴷ ⵓⵙⵙⵎⴻⴷ ⴷ ⵓⵣⵉⵏⴽ ⵙ ⴷⴻⴼⴼⵉⵔ ⵏ ⵓⴼⵓⴽ ⵏ ⵉⵙⴻⵏⴼⴰⵔⴻⵏ-ⵏⵙⴻⵏ ⴷ ⵓⴽⴻⵎⵎⴻⵍ ⵏ ⵜⵓⵇⵇⵏⴰ ⵙ ⵓⴱⵔⵉⴷ ⴰⵊⵓⵎⵎⴰⵏ ⵏ ⵚⵚⴻⵃⵔⴰ ⴰ ⴷ-ⵉⵅⴻⵍⵇⴻⵏ "ⴰⵎⵓⵙⵙⵓ ⴰⴷⴰⵎⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⴰⵟⴰⵙ ⵏ ⵜⵉⵡⵓⵏⴰ ⵏ ⵜⵏⴰⵔⵉⵜ ⴰⵎ ⵜⵙⴰⴷ, ⵏⵉⵊⵉⵔ ⴷ ⵎⴰⵍⵉ".
ⵉⵙⴼⵓⴽ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵓⴽⴰⵜⴰⵔ ⵏ ⵓⵎⴻⵙⵍⴰⵢ-ⵉⵙ ⵖⴻⴼ ⵓⵣⴰⵍ ⵏ ⵉⴳⵎⵎⴰⴹ ⵉ ⴷ-ⵉⵟⵟⵓⵡⴰⵚⴰⵡⴹⴻⵏ ⴷ ⵜⵉⴷⴻⵔⵡⵉⵜ ⵜⴰⴷⴰⵎⵙⴰⵏⵜ ⵜⴰⵃⵇⴰⵏⵉⵜ, ⵉ ⴷ-ⵉⵙⴱⴻⴳⴳⵉⵏⴻⵏ ⵉⵎⴹⵉⵏⴻⵏ ⵉⵚⴻⵃⵃⵉⵃⴻⵏ ⴷ ⵉⵙⴻⴼⴽⴰ ⵉⵎⴻⵙⴱⴻⴷⴷⴻⵏ, ⵙ ⵓⵙⵙⵓⵜⴻⵔ ⵉ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ ⵉ ⵓⵎⴻⵙⵍⴰⵢ ⴰⴽⴽⴻⴷ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⵙⵓⵏⴷⵓⵇ ⴰⴳⵔⴰⵖⵍⴰⵏ ⵏ ⵜⴰⴷⵔⵉⵎⵜ (IMF) ⵉ ⵓⴼⴻⵇⵇⵓⴻⴷ ⵏ ⵉⵙⴻⴼⴽⴰ ⵢⴻⵔⵣⴰⵏ ⵜⴻⵎⵙⴰⵍⵜ-ⴰ.
ⴰⵔⵏⵓ ⵖⴻⵔ
