ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⵜⴰⴳⴷⵓⴷⴰ, ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵡⴰⵙⵙ-ⴰ ⵏ ⵍⴰⵔⴱⴻⵄⴰ, ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵔⵔⴰ ⴰⵎⵢⴻⵄⵡⴻⵏ ⴰⴼⵔⵉⵇⵉ ⴷ ⴰⵙⴻⵏⴼⴰⵔ ⴰⵎⴻⵇⵇⵔⴰⵏ ⴷⴻⴳ ⵜⵙⴻⵔⵜⵉⵜ-ⵉⵙ ⵏ ⴱⴻⵔⵔⴰ. ⵢⴻⵙⵙⴻⴽⵏ-ⴷ ⴱⴻⵍⵍⵉ ⵜⵉⴳⴻⵎⵎⵉⵢⵉⵏ ⵜⵉⴳⴰⵎⴰⵏⵉⵏ ⵏ ⵓⵎⴻⵏⵥⵓ ⵏ ⵜⴼⵔⵉⵇⵜ ⴷ ⵜⴰⵢⵢⵓⴳⴰ ⵏ ⵜⵏⴻⴼⵍⵉⵜ ⵜⴰⴷⴰⵎⵙⴰⵏⵜ ⴷ ⵜⵎⴻⵜⵜⵉⵜ ⵉⵙⵜⵓⵎⴰⵏⴻⵏ, ⵎⴰ ⵢⴻⵍⵍⴰ ⵢⴻⵍⵍⴰ-ⴷ ⵓⵙⴻⴼⵔⴻⴷ ⵢⴻⵍⵀⴰⵏ ⵏ ⵡⴰⵢⵍⴰ-ⵢⴰⴳⵉ.
ⴷⴻⴳ ⵡⴰⵡⴰⵍ ⵉ ⴷ-ⵢⴻⴼⴽⴰ ⵉ ⵢⵉⵎⴻⴽⴽⵉⵢⴻⵏ ⴷⴻⴳ ⵓⵎⴰⴼⵔⴰⵣ ⴰⴳⵔⴰⵖⵍⴰⵏ ⵏ ⵍⵎⵄⴰⴷⴻⵏ ⴷ ⵢⵉⵖⵓⵣⴰⵏ "ⵙⵉⵎⵉⴽⴰ ⵜⵛⴰⴷ 2026" ⴷⵉ ⵏ'ⴷⵊⴰⵎⴻⵏⴰ, ⵉ ⴷ-ⵢⴻⵖⵔⴰ ⵓⵏⴻⵖⵍⴰⴼ ⵏ ⵓⵡⴰⵏⴽ ⵎⵓⵃⴰⵎⴻⴷ ⵄⴻⵔⵇⴰⴱ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵜⴰⴼⵔⵉⵇⵜ, ⵢⴰⵙ ⴰⴽⴽⴻⵏ ⵜⴻⵙⵄⴰ ⴰⵟⴰⵙ ⵏ ⵜⵔⵉⴽⴰ, ⵜⴻⵜⵜⵎⴰⴳⴰⵔ-ⴷ ⴰⵙⴻⵏⴼⴰⵔ ⴰⵎⴻⵇⵇⵔⴰⵏ ⵉ ⵢⴻⵍⵍⴰⵏ ⴷ ⴰⵔⵔⴰⵢ ⵏ ⵜⵔⵉⴽⴰ-ⵢⴰⴳⵉ ⴷ ⴰⵣⴰⵍ ⵏ ⵜⵎⴻⵔⵏⴰ ⵉ ⵢⵉⴳⴷⵓⴷⴻⵏ ⵏ ⵜⴼⵔⵉⵇⵜ ⴷ ⵓⵙⵏⴻⴼⵍⵉ ⵏ ⵡⵓⵎⵓⵔⴻⵏ ⵏ ⵓⵛⵖⴰⵍ.
ⴷⴰⵖⴻⵏ, ⵢⴻⵙⵙⴻⴽⵏ-ⴷ ⴱⴻⵍⵍⵉ ⵉⵍⴰⵇ ⵓⵙⴻⴷⴷⴻⵜ ⵏ ⵜⵎⵓⵙⵏⵉ ⴷ ⵓⵙⵉⵡⴻḍ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵃⴻⵔⵣ ⵏ ⵜⵡⴻⵏⵏⴰⴹⵜ, ⴰⴽⴽⴻⴷ ⵓⵃⵔⴰⵣ ⵏ ⵓⵎⵢⴻⵄⵡⴻⵏ ⴳⴰⵔ ⵜⵎⵓⵔⴰ ⵏ ⵜⴼⵔⵉⵇⵜ ⵉⵡⴰⴽⴽⴻⵏ ⵢⴰⵍ ⵜⴰⵎⵓⵔⵜ ⴰⴷ ⵜⴻⵙⵜⴻⴼⴰⵢⴻⴷ.
ⴰⵙⴻⵍⵡⴰⵢ ⵜⴻⴱⴱⵓⵓⵏⴻ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵀⴻⵢⵢⴰ ⴰⴷ ⵜⴻⴱⴹⵓ ⵜⴰⵔⵎⵉⵜ ⵏⵏⴻⵙ ⴷ ⵜⵎⵓⵔⴰ ⵜⵉⵎⴷⵓⴽⴰⵍ, ⵍⴰⴷⵖⴰ ⵜⴰⵎⵓⵔⵜ ⵏ ⵜⵛⴰⴷ, ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵃⵔⵉⵛ ⵏ ⵢⵉⵖⵓⵣⴰⵏ ⴷ ⵍⵎⵄⴰⴷⴻⵏ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵎⵢⴻⵄⵡⴻⵏ-ⴰⴳⵉ ⵢⴻⴱⵏⴰ ⵖⴻⴼ ⵜⴹⴰⵎⴰⵏⵜ ⵜⴰⴼⵔⵉⵇⵉⵜ ⴷ ⵓⵎⵢⴻⵄⵡⴻⵏ.
ⴷⴻⴳ ⵜⴰⴳⴰⵔⴰ, ⴰⵙⴻⵍⵡⴰⵢ ⵢⴻⵛⴽⴻⵔ ⵡⴰⵙⵙⴰⵖⴻⵏ ⵢⴻⵍⵍⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵛⴰⴷ, ⵢⴻⴱⴷⴻⵔ-ⴷ ⴷⴰⵖⴻⵏ ⵜⵉⵏⵏⴰⵏⵜ ⵏ ⵓⵎⴰⴼⵔⴰⵣ ⵏ ⵜⵏⴻⵣⵣⵓⵜ ⵉ ⴷ-ⵢⴻⵍⵍⴰⵏ ⴷⵉ ⵍⴻⵣⵣⴰⵢⴻⵔ ⴷⴻⴳ ⵛⵜⴻⵎⴱⴻⵔ 2025, ⵉ ⵢⴻⵍⵍⴰⵏ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵢⴻⵏⵏⴻⵔⵏⵉ ⵓⴷⵉⵡⴻⵏ ⴷ ⵜⴷⴰⵎⵙⴰ ⴳⴰⵔ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
