ⴰⵙⴻⵎⵔⴻⵙ ⵏ ⵓⴱⴰⵖⵓⵣ ⵏ ⵡⵓⵣⵣⴰⵍ ⵏ ⴳⴰⵔⴰ ⴶⴱⵉⵍⴻⵜ ⴷⴻⴳ ⵜⵡⵉⵍⴰⵢⵜ ⵏ ⵜⵉⵏⴷⵓⴼ ⴷ ⵢⵉⵡⴻⵏ ⵏ ⵢⵉⵙⴻⵏⴼⴰⵔⴻⵏ ⵉⵙⵜⵔⴰⵜⵉⴳⵉⵢⴻⵏ ⵉ ⴷ-ⵢⵓⵙⴰⵏ ⵉⵡⴰⴽⴽⴻⵏ ⴰⴷ ⵉⵊⵀⴻⴷ ⵜⴰⵙⵓⵎⵜⴰⵏⵜ ⵜⴰⴷⴰⵎⵙⴰⵏⵜ ⵏ ⵜⵎⵓⵔⵜ ⵓ ⴰⴷ ⵉⵙⴻⵎⵔⴻⵙ ⵍⴻⵔⵢⵓⵍ-ⵉⵙ ⵏ ⵍⵇⴰⵄⴰ. ⴰⴱⴰⵖⵓⵣ-ⴰⴳⵉ ⴷ ⵢⵉⵡⴻⵏ ⵙⴻⴳ ⵡⵉⴷ ⵎⴻⵇⵇⵔⴻⵏ ⴰⴽⴽ ⴷⴻⴳ ⴷⴷⵓⵏⵉⵜ, ⵉⵎⵉ ⵢⴻⵙⵄⴰ ⵍⴻⵔⵢⵓⵍ ⵏ 3.5 ⵏ ⵢⵉⵎⴻⵍⵢⴰⵔⴻⵏ ⵏ ⵜⵜⴰⵏⵜ ⵏ ⵡⵓⵣⵣⴰⵍ.
ⴰⵍⵍⵓⵢ ⵏ ⵓⵙⴻⵎⵔⴻⵙ-ⴰⴳⵉ ⵏ ⵓⴱⴰⵖⵓⵣ-ⴰⴳⵉ, ⵉ ⴳⴻⵍⵍⴰⵏ ⴷ ⵡⵉⵙ ⴽⵔⴰⴷ ⴷⴻⴳ ⴷⴷⵓⵏⵉⵜ, ⴷ ⵍⴰⵡⴰⵏ ⴰⵎⴻⵣⵔⴰⵢ ⴷⴻⴳ ⵜⴷⴰⵎⵙⴰ ⵏ ⵍⴻⵣⵣⴰⵢⴻⵔ ⵙⴻⴳ ⵡⴰⵙⵎⵉ ⵉ ⴷ-ⵜⴻⵡⵡⵉ ⵜⵉⵎⵓⵏⴻⵏⵜ. ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⴷⴻⴳ ⵓⵏⴻⵊⵎⵓⵄ ⵏ ⵡⴻⵇⵇⵓⵎⵓ ⵏ ⵢⵉⵏⴻⵖⵍⴰⴼⴻⵏ ⴷⴻⴳ ⵏⵡⴻⵎⴱⴻⵕ ⵉ ⴳⵄⴻⴷⴷⴰⵏ, ⴰⵙⴻⵏⴼⴰⵔ-ⴰⴳⵉ ⵉ ⴳⴻⵍⵍⴰⵏ ⴷ ⵜⴰⵔⴳⵉⵜ ⵉ ⵡⴰⵟⴰⵙ ⵏ ⵢⵉⵙⴻⴳⴳⴰⵙⴻⵏ, ⴷ ⴰⵣⴰⵎⵓⵍ ⵏ ⵡⴻⴱⵔⵉⴷ ⴰⵎⴰⵢⵏⵓⵜ ⵏ ⵜⴷⴰⵎⵙⴰ ⵉⵡⴰⴽⴽⴻⵏ ⴰⴷ ⵏⴻⵅⴹⵓ ⵉ ⵍⵒⴻⵜⵔⵓⵍ ⵓ ⴰⴷ ⵏⴻⵔⵔ ⵜⴰⵙⵓⵎⵜⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⵡⵓⵍ ⵏ ⵍⴻⵛⵢⴰⵍ.
ⴰⵙⴻⵏⴼⴰⵔ-ⴰⴳⵉ ⵢⴻⵜⵜⵡⴰⵥⴷⴻⵎ ⵙ ⵜⵖⴰⵡⵍⴰ ⵎⴻⵇⵇⵔⴻⵏ. ⵍⴻⵛⵢⴰⵍ ⴱⴷⴰⵏ ⴷⴻⴳ ⵢⵓⵍⵢⵓ 2022, ⵎⴱⴻⵄⴷ-ⴰⵙ ⵢⵓⵙⴰ-ⴷ ⵓⵙⴻⵏⴼⴰⵔ ⵏ ⵓⵙⵏⴻⵇⴷⵉⵢ ⵏ ⵡⵓⵣⵣⴰⵍ ⴷⴻⴳ ⴷⵓⵊⴻⵎⴱⴻⵔ 2023. ⴷⴰⵖⴻⵏ, ⴰⴱⵔⵉⴷ ⵏ ⵜⵎⴰⵛⵉⵏⵜ ⵏ ⵓⵣⵣⴰⵍ ⴰⵎⴰⵢⵏⵓⵜ ⵉ ⵢⴻⵣⴷⵉⵏ ⵜⵉⵏⴷⵓⴼ ⴷ ⴱⴻⵛⵛⴰⵔ ⵖⴻⴼ 950 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴻⴼⵓⴽⴽ ⵙ ⵡⴰⵟⴰⵙ ⵏ ⵢⵉⵛⵓⴱⴱⴰⴽ-ⵉⵙ, ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵡⵓⵣⵣⴰⵍ ⵙⴻⴳ ⵜⵉⵏⴷⵓⴼ ⴰⵍⴰⵎⵎⴰ ⴷ ⵍⴳⴰⵕ ⵏ ⵜⵓⵙⵢⴰⵍⵉ ⴷⴻⴳ ⵡⴻⵀⵔⴰⵏ, ⵖⴻⴼ ⵢⵉⵡⴻⵜ ⵏ ⵍⵎⴻⵙⴰⴼⴰ ⵏ 2000 ⵏ ⵢⵉⴽⵉⵍⵓⵎⵉⵜⵔⴻⵏ.
ⵡⵓⵊⴷⴻⵏ ⴰⴽⴽ ⵜⵜⴰⵡⵉⵍⴰⵜ ⵏ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⵉⵡⴰⴽⴽⴻⵏ ⴰⴷ ⵙⵏⴻⵇⵙⴻⵏ ⵍⴼⵓⵙⴼⵓⵔ ⴷⴻⴳ ⵡⵓⵣⵣⴰⵍ ⵓ ⴰⴷ ⵙⵏⴻⵔⵏⵉⵏ ⵍⵊⵉⴷ-ⵉⵙ, ⵔⵏⵓ ⵖⵓⵔ-ⵙ ⵓⵃⵔⴰⵣ ⵏ ⵡⴰⵎⴰⵏ ⴷ ⵍⴻⵔⵢⵓⵍ ⵏ ⵜⵎⴻⵔⵖⵉⵡⵜ ⵉ ⴳⵅⴻⴷⴷⵎⴻⵏ ⴷⴻⴳ ⵓⴱⴰⵖⵓⵣ. ⴷⴷⴰⵡⵍⴰ ⵜⴳⴻⵔ-ⴷ ⵍⴱⴰⵍ-ⵉⵙ ⴷⴰⵖⴻⵏ ⵖⴻⵔ ⵓⵃⵔⵉⵛ ⵏ ⵢⴻⵎⴷⴰⵏⴻⵏ ⵙ ⵓⵀⴻⴳⴳⵉ ⵏ ⵢⵉⵍⵎⴻⵣⵢⴻⵏ ⵏ ⵜⴻⵎⵏⴰⴹⵜ ⴷⴻⴳ ⵡⴰⵟⴰⵙ ⵏ ⵍⴻⵛⵢⴰⵍ ⵏ ⵓⴱⴰⵖⵓⵣ ⵙ ⵜⴷⵓⴽⵍⵉ ⴷ ⵓⵃⵔⵉⵛ ⵏ ⵓⵙⵉⵍⴻⵖ ⴰⵎⴻⵣⵣⴰⵢⴰⵏ.
ⴰⵎⴷⴻⴱⴱⴻⵔ ⵏ ⵜⵎⴻⵔⵖⵉⵡⵜ ⵏ ⵜⵉⵏⴷⵓⴼ, ⵎⵓⵙⵜⴰⴼⴰ ⴱⴻⵏ ⵄⴰⴱⴷⴻⵍⵇⴰⴷⴻⵔ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴱⴰⵖⵓⵣ-ⴰⴳⵉ ⴷ ⵍⵙⴰⵙ ⵎⴻⵇⵇⵔⴻⵏ ⵉ ⵜⴷⴰⵎⵙⴰ ⵏ ⵜⵎⵓⵔⵜ ⴷ ⵓⴱⵔⵉⴷ ⵏ ⵓⵙⵏⴻⵔⵏⵉ ⵏ ⵜⵡⵉⵍⴰⵢⵉⵏ ⵏ ⵓⵏⵥⵓⵍ. ⵢⴻⵔⵏⴰ-ⴷ ⴷ ⴰⴽⴽⴻⵏ ⵍⵍⴰⵏ ⵉⵙⴻⵏⴼⴰⵔⴻⵏ ⵏⵏⵉⴹⴻⵏ ⴰⵎ ⵜⵎⴰⵛⵉⵏⵜ ⵏ ⵜⵔⵉⵙⵉⵜ ⵙ ⵢⵉⵟⵉⵊ (200 ⵎⵡ) ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵜⴰⵎⴻⵔⵖⵉⵡⵜ ⵉ ⵓⴱⴰⵖⵓⵣ. ⵉⵙⵉⴳ (ⵓⴱⵊⴻⵛⵜⵉⴼ) ⴰⵎⴻⵏⵣⵓ ⴷ ⴰⴼⴰⵔⴻⵣ ⵏ 2 ⴰⵍⴰⵎⵎⴰ ⴷ 3 ⵏ ⵢⵉⵎⴻⵍⵢⵓⵏⴻⵏ ⵏ ⵜⵜⴰⵏⵜ ⴷⴻⴳ ⵓⵙⴻⴳⴳⴰⵙ ⵉⵡⴰⴽⴽⴻⵏ ⴰⴷ ⵏⵡⴰⵍⴻⵏ ⵜⵜⴰⵡⵉⵍⴰⵜ ⵏ ⵓⵙⴰⵡⴰⴹ.
ⵖⴻⴼ ⴷⴷⴻⵎⵎⴰ ⵏ ⵓⴱⵔⵉⴷ ⵏ ⵜⵎⴰⵛⵉⵏⵜ ⵏ ⵓⵣⵣⴰⵍ ⵏ ⵓⵜⴰⵔⴰⵎ, ⴰⵎⴻⵣⵡⴰⵔⵓ ⵏ ⵡⴰⵎⵎⴰⵙ ⵏ ⵓⵙⴻⵏⵇⴻⴷ ⵏ ⵢⵉⵙⴻⵏⴼⴰⵔⴻⵏ ⵏ ⵓⵣⵣⴰⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⴱⵔⵉⴷ-ⴰⴳⵉ ⵢⴻⵣⵎⴻⵔ ⴰⴷ ⴷ-ⵢⴰⵡⵉ 50 ⵏ ⵢⵉⵎⴻⵍⵢⵓⵏⴻⵏ ⵏ ⵜⵜⴰⵏⵜ ⵏ ⵡⵓⵣⵣⴰⵍ ⴷⴻⴳ ⵓⵙⴻⴳⴳⴰⵙ. ⵜⴰⵏⴻⵖⵍⴰⴼⵜ ⵏ ⵜⵎⵓⵔⴰ ⵏ ⵓⴱⴰⵖⵓⵣ, ⴽⴰⵔⵉⵎⴰ ⴱⴰⴽⵉⵔ ⵜⴰⴼⴻⵔ, ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⴼⴰⵔⴻⵣ ⴰⴷ ⵢⴰⵍⵉ ⵙⴻⴳ 1 ⵏ ⵓⵎⴻⵍⵢⵓⵏ ⴷⴻⴳ 2026 ⵖⴻⵔ 8 ⵏ ⵢⵉⵎⴻⵍⵢⵓⵏⴻⵏ ⴷⴻⴳ ⵓⵙⴻⴳⴳⴰⵙ ⵏ 2030, ⵓ ⴰⴷ ⴷ-ⴼⴽⴻⵏ 500 ⵏ ⵢⵉⵎⴻⴽⴰⵏ ⵏ ⵍⵅⴻⴷⵎⴰ ⵉ ⵢⵉⵍⵎⴻⵣⵢⴻⵏ ⵏ ⵜⵉⵏⴷⵓⴼ.
ⵙ ⵡⴰⴽⴽⴰ, ⴰⴱⴰⵖⵓⵣ ⵏ ⴳⴰⵔⴰ ⴶⴱⵉⵍⴻⵜ ⴷ ⴰⵣⴰⵎⵓⵍ ⵏ ⵍⴻⵔⵢⵓⵍ ⵏ ⴷⴷⴰⵡⵍⴰ ⵉ ⵓⵙⴻⵎⵔⴻⵙ ⵏ ⵍⴻⵔⵢⵓⵍ ⵏ ⵜⵎⵓⵔⵜ ⵓ ⴰⴷ ⵜⵉⵍⵉ ⵍⴻⵣⵣⴰⵢⴻⵔ ⴷ ⵍⵊⵀⴻⴷ ⴰⵎⴻⵇⵇⵔⴻⵏ ⴷⴻⴳ ⴷⴷⵓⵏⵉⵜ ⵏ ⵜⵙⵏⴻⴹⵜ ⴷ ⵓⴱⴰⵖⵓⵣ.
ⴰⵔⵏⵓ ⵖⴻⵔ
