ⵜⴻⴳⴳⴰ ⵜⴻⵙⵇⵓⵎⵜ ⵜⴰⴱⴰⵔⵍⴰⵎⴰⵏⵉⵜ ⵜⴰⵎⵢⴻⵍⵍⵉⵜ, ⴰⵙⵙ-ⴰ ⵏ ⵜⵍⴰⵜⴰ, ⵜⵉⵎⵍⵉⵍⵉⵜ ⵉ ⵓⵙⴻⵍⵍⴻⴷ ⵉ ⵓⵏⴻⴱⴱⴻⵔ ⵏ ⵓⵎⴰⵡⴰⵙ ⵏ ⵜⵖⴻⴷⴻⵎⵜ, ⵎⴰⵙⵙ ⵍⵓⵟⴼⵉ ⴱⵓⴊⴻⵎⵄⴰ, ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵄⵏⴰⵏ ⴰⴱⴻⴷⴷⴻⵍ ⵏ ⵜⴻⴽⵏⵉⴽ ⵏ ⵜⵎⴻⵏⴹⴰⵡⵜ , ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⴰⵛⵔⵉⴽ ⵏ ⵙⵏⴰⵜ ⵏ ⵜⵙⴻⵅⵔⵉⵏ ⵏ ⵓⴱⴰⵔⵍⴰⵎⴰⵏ.
ⵢⴻⵏⵏⴰ-ⴷ ⵡⴰⵍⵖⵓ-ⴰⴳⵉ ⴱⴻⵍⵍⵉ ⴷⴻⴳ ⵓⵃⵔⵉⵛ ⵏ ⵓⴽⴻⵎⵎⴻⵍ ⵏ ⵍⵅⴻⴹⵎⴰ ⵏ ⵜⴻⵙⵇⵓⵎⵜ, ⴷ ⵓⵙⴻⵏⴼⴻⴷ ⵏ ⵓⵎⴻⵔⵙⵓⵎ ⴰⵙⴻⵍⵡⴰⵏ ⵓⵟⵟⵓⵏ 26-119, ⵜⴻⴳⴳⴰ ⵜⴻⵙⵇⵓⵎⵜ ⴰⵙⵙ-ⴰ 24 ⵎⴻⵖⵔⴻⵙ 2026, ⵙ ⵜⵉⵙⴻⵍⵡⵉⵜ ⵏ ⵎⴰⵙⵙ ⵔⴰⴱⴰⵃ ⴱⴻⵖⴰⵍⵉ, ⵜⵉⵎⵍⵉⵍⵉⵜ ⵉ ⵓⵙⴻⵍⵍⴻⴷ ⵉ ⵓⵏⴻⴱⴱⴻⵔ ⵏ ⵓⵎⴰⵡⴰⵙ ⵏ ⵜⵖⴻⴷⴻⵎⵜ ⵎⴰⵙⵙ ⵍⵓⵟⴼⵉ ⴱⵓⴊⴻⵎⵄⴰ, ⵙ ⵜⵃⴰⴷⵔⵉⵜ ⵏ ⵓⵎⴻⵙⵙⵉⴹⴻⵍ ⵏ ⵜⴻⵙⵇⵓⵎⵜ ⵎⴰⵙⵙ ⴼⴰⵅⵓⵔ ⵉⴱⵔⴰⵀⵉⵎ, ⴷ ⵜⵎⴰⵡⴰⵙⵜ ⵏ ⵢⵉⵎⵢⴻⴳⴳⵉⵜⴻⵏ ⴷ ⵓⴱⴰⵔⵍⴰⵎⴰⵏ ⵎⴰⵙⵙⴰ ⵏⴻⴊⵉⴱⴰ ⴊⵉⵍⴰⵍⵉ.
ⴷⴻⴳ ⵜⵎⵍⵉⵍⵉⵜ-ⴰ, ⵓⵎⴰⵡⴰⵙ ⵢⴻⴼⴽⴰ-ⴷ ⴰⵏⴻⴱⴱⴻⵔ ⵢⴻⴼⵙⴰⵏ ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ, ⵉ ⴷ-ⵢⵓⵙⴰⵏ ⴷⴻⴼⴼⵉⵔ ⵓⵙⴻⵍⴽⴻⵏ ⵏ ⵜⵎⴻⵏⴹⴰⵡⵜ ⵏ 2020, ⵉⵡⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⴱⴻⴷⴷⵉⵍⴻⵏ ⵏ ⵜⴻⴽⵏⵉⴽ ⵉ ⵓⵙⴻⵀⴻⴷ ⵏ ⵜⵓⴷⴷⵙⵉⵡⵉⵏ ⴷ ⵓⵃⵔⴰⵣ ⵏ ⵓⴽⴻⵎⵎⴻⵍ ⵏ ⵡⴰⵏⴰⴽ (L'État).
ⴷⴻⴳ ⵓⵙⴻⵏⴼⴰⵔ-ⴰ, ⴱⴻⴷⵔⴻⵏ-ⴷ ⴰⵙⵓⵜⴻⵔ ⵏ ⵓⵙⴻⵍⴽⴻⵏ ⵏ ⵜⵎⵓⵙ ⵉ ⵡⵉⵏ ⵢⴻⴱⵖⴰⵏ ⴰⴷ ⵢⵉⵍⵉ ⴷ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷ ⵓⵙⵓⴷⴷⴻⵙ ⵏ ⵜⴳⴰⵍⵍⵉⵜ (Lyamin) ⵣⴷⴰⵜ ⵏ ⵓⴱⴰⵔⵍⴰⵎⴰⵏ ⵙ ⵙⵏⴰⵜ ⵏ ⵜⵙⴻⵅⵔⵉⵏ-ⵉⵙ. ⴷⴰⵖⴻⵏ, ⴰⵙⴻⵏⴼⴰⵔ ⵢⴻⴼⴽⴰ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵣⵎⴻⵔⵜ ⵉ ⵡⴻⵍⴷⴰⵢ ⵏ ⵜⵉⴼⵔⴰⵏⵉⵏ ⵜⵉⴷⵉⴳⴰⵏⵉⵏ ⵓⵇⴱⴻⵍ ⵡⴰⴽⵓⴷ-ⵏⵙⴻⵏⵜ.
ⴷⴰⵖⴻⵏ, ⴰⵙⴻⵏⴼⴰⵔ ⴰⴷ ⵢⴻⴱⴷⴻⵍ ⴰⵎⴻⴽ ⴰⵔⴰ ⵢⵉⵍⵉ ⵓⵎⴻⵜⵜⴻⵍ ⵏ ⵜⵡⵉⵍⴰⵢⵉⵏ ⴷⴻⴳ ⵓⵙⵇⴰⵎⵓ ⵏ ⵜⵎⵓⵔت (Sénat) ⵙ ⵍⴻⵃⵙⴰⴱ ⵏ ⵢⴻⵖⵔⵉⵎⴻⵏ ⵎⴰⵛⵉ ⵙ ⵓⴳⴷⵓⴷ, ⴷ ⵓⵙⴻⴊⵀⴻⴷ ⵏ ⵡⴰⴽⵓⴷ ⵏ ⵜⵉⵙⴻⵍⵡⵉⵜ ⵏ ⵓⵙⵇⴰⵎⵓ ⵏ ⵜⵎⵓⵔⵜ ⵙ ⵚⴹⵉⵙ (06) ⵏ ⵢⵉⵙⴻⴳⴳⴰⵙⴻⵏ. ⴷⴰⵖⴻⵏ ⴰⴷ ⵢⴻⵔⵔ ⴰⵍⴷⴰⵢ ⵏ ⵜⵙⴻⵖⵍⴰ ⵜⴰⴱⴰⵔⵍⴰⵎⴰⵏⵉⵜ ⴷⴻⴳ ⵡⴰⴳⴳⵓⵔ ⵏ ⵛⵜⴻⵎⴱⴻⵔ ⵎⴻⴱⵍⴰ ⴰⴷ ⴷ-ⵢⵉⵍⵉ ⵡⴰⵙⵙ ⵓⴷⴷⵉⵎ.
ⴷⴻⴳ ⵓⵃⵔⵉⵛ ⵏ ⵜⵖⴻⴷⴻⵎⵜ, ⴰⵙⴻⵏⴼⴰⵔ ⴰⴷ ⵢⴻⴱⴷⴻⵍ ⵜⵓⴷⴷⵙⴰ ⵏ ⵓⵙⵇⴰⵎⵓ ⴰⵄⵍⴰⵢⴰⵏ ⵏ ⵜⵖⴻⴷⴻⵎⵜ ⵙ ⵓⴽⴽⵓⵙ ⵏ ⵢⵉⵎⴻⵜⵜⴰⵍⴻⵏ ⵏ ⵜⵏⴻⵇⵇⴰⴱⵉⵏ, ⴷ ⵓⴷⴻⴼ ⵏ ⵓⵎⴻⵏⴱⴰⴷ ⴰⵎⴰⵜⵓ ⵏ ⵜⵏⴻⴱⴱⴰⴹⵜ ⵜⴰⵄⵍⴰⵢⴰⵏⵜ. ⴷⴰⵖⴻⵏ, ⴰⴷ ⵢⴻⵙⵙⵉⵖⴻⵔ ⵜⵉⵣⵎⴰⵔ ⵏ ⵜⴳⴻⵏⵙⴰⵏⵜ ⵜⴰⵖⴻⵍⵏⴰⵡⵜ ⵜⴰⵎⵓⵏⴻⵏⵜ ⵏ ⵜⵉⴼⵔⴰⵏⵉⵏ (ANIE).
ⴷⴻⴼⴼⵉⵔ ⵓⵏⴻⴱⴱⴻⵔ, ⵢⴻⵍⴷⴰ ⵡⴰⵡⴰⵍ ⵉ ⵢⵉⵎⴻⴳⴳⵉⵜⴻⵏ ⴳⴰⵔ ⵢⵉⵄⴻⴳⴳⴰⵍⴻⵏ ⵏ ⵜⴻⵙⵇⵓⵎⵜ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜⵉⵏ ⵉ ⵢⵉⵙⵜⴻⵇⵙⵉⵢⴻⵏ-ⵏⵙⴻⵏ. ⵜⴰⵙⵇⵓⵎⵜ ⵜⴰⵎⵢⴻⵍⵍⵉⵜ ⴰⴷ ⵜⴻⵀⴻⵢⵢⵉ ⴰⵍⵖⵓ-ⵉⵙ ⵉⵡⴰⴽⴽⴻⵏ ⴰⴷ ⵜ-ⵜⴻⵙⵙⴻⵏⴼⴻⴷ ⵣⴷⴰⵜ ⵏ ⵓⴱⴰⵔⵍⴰⵎⴰⵏ ⴰⵙⵙ ⵏ ⵡⴻⵣⴳⴰ (ⴰⵣⴻⴽⴽⴰ) ⴰⵢⵢⴰⵔ (ⵍⴰⵔⴱⵄⴰ) ⵉ ⵓⵇⴱⴰⵍ-ⵉⵙ.
ⴰⵔⵏⵓ ⵖⴻⵔ
