ⴰⴷ ⴷ-ⵜⴻⴱⴷⵓ ⴰⵣⴻⴽⴽⴰ ⵏ ⵍⴰⵔⴻⴱⵄⴰ ⵜⴰⴷⵢⴰⵏⵜ ⵜⴰⵖⴻⵍⵏⴰⵡⵜ ⵏ ⵓⵙⵎⴻⴽⵜⴰⵢ ⵉ ⵓⵃⵔⴰⵣ ⵎⴳⴰⵍ ⵜⵉⵎⴰⵙⵉⵜ ⵏ ⵓⴱⵔⵉⴷ ⴷⴻⴳ ⵜⴰⵍⵍⵉⵜ ⵏ ⵓⵏⴻⴱⴷⵓ, ⴰⵔⴰ ⵉⴽⴻⵎⵎⵍⴻⵏ ⴰⵔ ⵜⴰⴳⴳⴰⵔⴰ ⵏ ⵡⴰⴳⴳⵓⵔ ⵏ ⵖⵓⵛⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ.
ⵜⵙⴻⴳⵣⵉ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵜⴰⴷⵢⴰⵏⵜ-ⴰⴳⵉ ⵉ ⴷ-ⵜⴻⵙⵙⵓⴷⴷⴻⵙ ⵜⴰⵏⵉⵎⵀⴰⵣⵜ (ⴷéⵍéⴳⴰⵜⵉⵓⵏ) ⵜⴰⵖⴻⵍⵏⴰⵡⵜ ⵏ ⵓⴼⵔⴰⴳ ⴷⴻⴳ ⵢⵉⴱⴻⵔⴷⴰⵏ ⴰⴷ ⴷ-ⵜⵉⵍⵉ ⵙ ⴷⴷⴰⵡ ⵏ ⵓⵣⵡⴻⵍ: "ⴷⴻⴳ ⵢⵉⵎⵓⵔⴰⵙ: ⵜⴰⴼⵍⴻⵙⵜ ⵏ ⵓⵏⴰⵀⴰⴼ-ⵉⵡ.. ⵜⵃⴻⵔⵔⴻⵣ ⵜⴰⵡⴰⵛⵓⵍⵜ-ⵉⵡ", ⵢⴻⵔⵏⴰ ⴰⴷ ⴷ-ⵜⴻⴷⴷⵓ ⴰⵔ 31 ⵖⵓⵛⵜ ⵉ ⴷ-ⵉⵜⴻⴷⴷⵓⵏ.
ⵜⴻⴱⴷⴻⵔ-ⴷ ⵀⵚⵉⵍⴰ ⵏ ⵜⴰⵏⵉⵎⴻⵣⴷⴰⴳⵜ ⵜⴰⵖⴻⵍⵏⴰⵡⵜ ⵏ ⵓⴼⵔⴰⴳ ⴷⴻⴳ ⵢⵉⴱⴻⵔⴷⴰⵏ, ⵉ ⴷ-ⵉⵙⴱⴻⴳⴳⵏⴻⵏ ⴰⵣⴰⵍ ⵏ 7430 ⵏ ⵜⵎⴰⵙⵉⵜ ⵏ ⵓⴱⵔⵉⴷ ⴷⴻⴳ ⵜⵎⵓⵔⵜ ⴽⴰⵎⴻⵍ ⴷⴻⴳ ⵓⵏⴻⴱⴷⵓ ⵉⵄⴻⴷⴷⴰ, ⵉ ⴷ-ⵢⴻⵯⵯⴰⵏ 1131 ⵏ ⵡⵉⴷ ⵢⴻⵎⵎⵓⵜⴻⵏ ⴷ 10694 ⵏ ⵡⵉⴷ ⵉⵊⴻⵔⵃⴻⵏ.
ⴰⵀⵉⵍ ⵏ ⵜⴰⴷⵢⴰⵏⵜ-ⴰⴳⵉ ⵏ ⵓⵙⵎⴻⴽⵜⴰⵢ ⴷⴻⴳ-ⵙ ⵉⵎⴻⵀⵍⴰⵏ ⵏ ⵜⵎⴻⵜⵜⵉ ⴷ ⵢⵉⵙⴰⵍⵍⴻⵏ ⵉ ⵢⵉⵎⴻⵔⵣⵉⵢⴻⵏ ⵏ ⵓⴱⵔⵉⴷ, ⵙ ⵜⵎⴻⵔⵏⵉⵡⵜ ⵏ ⵜⴽⴰⵔⵔⵉⵙⵜ (ⵛⴰⵔⴰⵠⴰⵏⴻ) ⵏ ⵓⵙⵎⴻⴽⵜⴰⵢ ⴰⵔⴰ ⴷ-ⵢⴻⵣⵣⵉⵏ ⵖⴻⴼ 6 ⵏ ⵜⵡⵉⵍⴰⵢⵉⵏ ⵏ ⵢⵉⵔⵉ ⵏ ⵢⵉⵍⴻⵍ: ⵜⵉⵃⴰⵣⴰ, ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⴳⴰⵢⴻⵜ, ⵙⴽⵉⴽⴷⴰ, ⵡⴻⵀⵔⴰⵏ ⴷ ⵜⵉⵣⵉ ⵡⴻⵣⵣⵓ.
ⵜⴰⵡⵉⵍⴰⵢⵜ ⵏ ⵜⵉⵃⴰⵣⴰ ⴰⴷ ⵜⴻⵙⵙⴻⵙⵜⴻⴳ ⴰⵙⴻⵏⴽⴻⵔ ⵓⵙⵙⵍⵉⴼ ⵏ ⵜⴰⴷⵢⴰⵏⵜ-ⴰⴳⵉ ⴷⴻⴳ ⵓⵙⴰⵢⴻⵙ ⵏ ⵢⵉⵎⴻⵖⵔⴰⵙⴻⵏ, ⵙ ⵓⵍⴷⵉ ⵏ ⵜⴻⵡⵡⵓⵔⴰ ⵢⴻⵍⴷⵉⵏ ⵖⴻⴼ ⵓⴼⵔⴰⴳ ⴷⴻⴳ ⵓⴱⵔⵉⴷ ⵙⴻⴳ ⵎⵔⴰⵡ ⵏ ⵚⵚⴱⴻⵃ (10:00), ⵙ ⴷⴷⴰⵡ ⵏ ⵍⵉⵏⴰⵢⴰ ⵏ ⵍⵡⴰⵍⵉ ⵏ ⵜⵡⵉⵍⴰⵢⵜ ⴷ ⵜⴰⵍⵍⴻⵍⵜ ⵏ ⵢⵉⵎⵛⴻⵕⴽⴻⵏ ⴰⴽⴽ ⴰⵎ: ⵜⴷⵔⴰⵓⴽⵜ ⵜⴰⵖⴻⵍⵏⴰⵡⵜ, ⴰⴼⵔⴰⴳ ⴰⵖⴻⵍⵏⴰⵡ, ⴷ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ.
ⴷⴻⴳ ⵓⵙⵡⵉⵔ ⵏ ⵜⵎⵏⴰⴹⵜ, ⴰⴽⴽ ⵜⴰⵏⵉⵎⵀⴰⵣⵜ ⵏ ⵜⵡⵉⵍⴰⵢⵉⵏ ⵏ ⵓⴼⵔⴰⴳ ⴷⴻⴳ ⵢⵉⴱⴻⵔⴷⴰⵏ ⵙⴱⴻⴷⴷⴻⵏⵜ ⴰⵀⵉⵍ ⵏ ⵓⵙⵎⴻⴽⵜⴰⵢ. ⵜⴰⴷⵢⴰⵏⵜ-ⴰⴳⵉ ⵜⴻⵜⵜⵡⴰⵙⵓⴷⴷⴻⵙ ⵉ ⵓⵙⴻⴳⴳⴰⵙ ⵡⵉⵙ ⵙⵉⵏ ⵙ ⵓⵏⵢⵓⴷⴷⵓ ⴳⴰⵔ ⵜⴰⵏⵉⵎⴻⵣⴷⴰⴳⵜ ⵜⴰⵖⴻⵍⵏⴰⵡⵜ ⴷ ⵜⴽⴻⴱⴱⴰⵏⵉⵜ ⵏ ⵙⵓⵏⴰⵜⵔⴰⴽ.
ⴰⵔⵏⵓ ⵖⴻⵔ
