ⵜⵉⵖⵔⴰⴷ ⵏ ⵍⵄⴻⵙⴽⴻⵔ ⵏ ⵍⴻⵣⵣⴰⵢⴻⵔ (ANP), ⴷⴻⴳ ⵢⵉⵡⴻⵜ ⵏ ⵜⵉⴳⴰⵡⵜ ⵏ ⵓⵏⴰⴷⵉ ⴷ ⵓⴱⴻⵛⴽⴻⴷ ⴰⵙⵙ-ⴰ ⵏ ⵍⵃⴻⴷ ⴷⴻⴳ ⵜⴻⵎⵏⴰⴹⵜ ⵏ ⵓⴷⵔⴰⵔ ⵏ "ⴰⵎⵔⵓⵏⴰ" ⴷⴻⴳ ⵄⵉⵏ ⴻⴷⴷⵉⴼⵍⴰ, ⵙⵙⴰⵡⴹⴻⵏⵜ ⴰⴷ ⵏⵖⴻⵏⵜ 4 ⵏ ⵢⵉⵔⴻⴱⵔⴰⴱⴻⵏ ⵓ ⵙⵙⵓⴼⴼⵖⴻⵏ-ⴷ 4 ⵏ ⵉⵎⵙⴻⵜⴹⴻⵏ ⵏ ⵔⵔⵛⴰⵛ (ⴽⵍⴰⵛⵏⵉⴽⵓⴼ) ⴷ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵍⴱⴰⵔⵓⴷ (ⵍⴽⴻⵔⵟⵓⵛ), ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ ⵏ ⵓⵎⵎⴻⵙⵜⴻⵏ ⴰⵖⴻⵍⵏⴰⵡ.
ⵉⵙⴰⵍⵉ-ⴰⴳⵉ ⵢⴻⵏⵏⴰ-ⴷ ⴷⴰⵖⴻⵏ: "ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⴰⵔⴻⴱⵔⴰⴱ, ⵓ ⵙⵙⴻⴱⴱⴰ ⵏ ⵜⵉⴳⴰⵡⵜ ⵏ ⵓⵏⴰⴷⵉ ⴷ ⵓⴱⴻⵛⴽⴻⴷ ⴷⴻⴳ ⵜⴻⵎⵏⴰⴹⵜ ⵏ ⵓⴷⵔⴰⵔ ⵏ ⴰⵎⵔⵓⵏⴰ ⴷⴻⴳ ⵓⵃⵔⵉⵛ ⵏ ⵍⵄⴻⵙⴽⴻⵔ ⵏ ⵄⵉⵏ ⴻⴷⴷⵉⴼⵍⴰ (ⵜⴻⵎⵏⴰⴹⵜ ⵏ ⵍⵄⴻⵙⴽⴻⵔ ⵜⴰⵎⴻⵣⵡⴰⵔⵓⵜ), ⵙⵙⴰⵡⴹⴻⵏⵜ ⴰⵙⵙ-ⴰ ⵏ 01 ⴼⵓⵔⴰⵔ 2026, ⵜⵉⵖⵔⴰⴷ ⵏ ⵍⵄⴻⵙⴽⴻⵔ ⵏ ⵍⴻⵣⵣⴰⵢⴻⵔ ⴰⴷ ⵙⵏⴻⴳⵔⴻⵏⵜ ⴽⵓⵥ (4) ⵏ ⵢⵉⵔⴻⴱⵔⴰⴱⴻⵏ ⵓ ⴷⴷⴻⵔⵣⴻⵏ-ⴷ ⴽⵓⵥ (4) ⵏ ⵉⵎⵙⴻⵜⴹⴻⵏ ⵏ ⵔⵔⵛⴰⵛ (ⴽⵍⴰⵛⵏⵉⴽⵓⴼ) ⴷ ⴽⵔⴰ ⵏ ⵍⴱⴰⵔⵓⴷ".
ⵜⴰⵏⴻⵖⵍⴰⴼⵜ ⵏ ⵓⵎⵎⴻⵙⵜⴻⵏ ⴰⵖⴻⵍⵏⴰⵡ ⵜⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ: "ⵜⵉⴳⴰⵡⵜ-ⴰⴳⵉ ⵉ ⵎⴰⵣⴰⵍ ⵜⵜⴻⴽⴽⴻⵎⵎⴻⵍ, ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵏⵄⴻⵜ ⴷ ⴰⴽⴽⴻⵏ ⵉⵖⴰⵍⵍⴻⵏ ⵏ ⵍⵄⴻⵙⴽⴻⵔ ⵏ ⵍⴻⵣⵣⴰⵢⴻⵔ ⵎⴰⵣⴰⵍ-ⵉⵜⴻⵏ ⴷ ⵉⵄⴻⵙⵙⴰⵙⴻⵏ ⵓ ⵖⴻⵔ-ⵙⴻⵏ ⵍⴻⴱⵖⵉ ⴰⴷ ⴷ-ⴹⴻⴼⴼⵔⴻⵏ ⵜⴰⴳⵡⴻⵔⵢⴰ ⵏ ⵢⵉⵎⴻⴼⴼⴰⴷⴻⵏ-ⴰⴳⵉ ⴰⵍⴰⵎⵎⴰ ⵙⵏⴻⴳⵔⴻⵏ-ⵜⴻⵏ ⵉ ⵔⵔⴻⴱⵉ".
ⴰⵔⵏⵓ ⵖⴻⵔ
