ⵢⴻⴷⵔⴰ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⵙ ⵓⴷⵎⴰⵡ ⵏ ⵜⵎⴰⵙⴰⵢⵜ ⴼⴻⵔⵉⴷⴰ ⵉⵍⵎⵉ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⴷⴻⴳ ⵢⴰⵜ ⵜⵎⵍⵉⵍⵉⵜ ⵙ ⵜⴰⵍⵍⴻⵍⵜ ⵏ ⵜⵉⵍⵉⵥⵔⵉ ⵖⴻⴼ ⵡⵓⴳⴳⵉⵢⴻⵏ ⵏ ⵓⵙⴻⵏⵖⴻⵍ ⵏ ⵔⵔⴻⴱⵔⴰⴱ. ⵜⴰⵎⵍⵉⵍⵉⵜ-ⴰⴳⵉ ⵜⴻⵜⵜⴻⴽⴽⴰ ⴷⴻⴳ ⵍⴻⵇⴷⵉⵛⴰⵜ ⵏ ⵜⴻⵙⵇⴰⵎⵓⵜ ⵏ ⵓⵙⴻⵊⵀⴻⴷ ⵏ ⵡⴰⴷⴰⵔ ⵏ ⵓⵙⴰⴷⵓⴼ ⴰⴳⵔⴰⵖⵍⴰⵏ ⴰⵎⴷⴰⵏ ⵏ ⵜⴷⵓⴽⵍⵉ ⵜⴰⴱⴻⵔⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ (UIP), ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵓⵙⵇⴰⵎⵓ.
ⴷⴻⴳ ⵜⵉⵎⵍⵉⵍⵉⵜ-ⴰⴳⵉ, ⵉ ⵢⴻⵍⵍⴰⵏ ⵙ ⵓⵣⴻⵏⵜⴻⵍ: "ⴰⵎⵢⴰⴳ ⴰⴽⴽⴻⴷ ⵡⵓⴳⴳⵉⵢⴻⵏ ⵏ ⵓⵙⴻⵏⵖⴻⵍ ⵏ ⵔⵔⴻⴱⵔⴰⴱ: ⴰⵎⴻⴽ ⴰⵔⴰ ⵃⴰⴷⵔⴻⵏ ⵢⵉⴱⴻⵔⵍⴰⵎⴰⵏⴻⵏ ⵍⴻⵇⴷⵉⵛ ⴰⵎⴷⴰⵏ ⴷ ⵓⵙⴻⴷⵍⴻⵍ ⵏ ⵡⴰⴷⴰⵔ ⵏ ⵓⵙⴰⴷⵓⴼ ⴰⴳⵔⴰⵖⵍⴰⵏ ⴰⵎⴷⴰⵏ", ⵜⴰⵎⴰⵙⴰⵢⵜ ⵉⵍⵎⵉ ⵜⴻⵙⵙⴻⴼⵔⴻⵔ-ⴷ ⵜⵉⵔⵎⴰⵏⵜ ⵜⴰⵣⵣⴰⵢⵔⵉⵜ ⴷⴻⴳ ⵓⵙⴻⵏⵖⴻⵍ ⵏ ⵔⵔⴻⴱⵔⴰⴱ ⴷ ⵡⴰⵣⴰⵍ ⵏ ⵜⵎⵓⵖⵍⵉ ⵜⵓⵎⵎⵉⴷⴻⵏⵜ ⵉ ⵜⴻⴹⴼⴻⵔ ⵍⴻⵣⵣⴰⵢⴻⵔ.
ⵜⴻⵏⵏⴰ-ⴷ ⵡⴰⴽⴽⴻⵏ ⵜⵉⵔⵎⴰⵏⵜ-ⴰⴳⵉ "ⵓⵔ ⵜⴻⵇⵇⵉⵏ ⴽⴰⵏ ⵖⴻⵔ ⵜⵖⴻⵍⵍⵉⵙⵜ (security) ⴷⴻⴳ ⵓⵙⴻⵏⵖⴻⵍ ⵏ ⵔⵔⴻⴱⵔⴰⴱ, ⵢⴻⴷⴷⴰ-ⴷ ⴷⴻⴳ-ⵙ ⵓⴷⵎⴰⵡ ⴰⵎⴷⴰⵏ ⴷ ⵜⴻⵏⴻⴼⵍⵉⵜ". ⵜⴻⵙⵙⴻⴷⴷⴻⴷ ⵡⴰⴽⴽⴻⵏ "ⵜⴰⵎⵓⵖⵍⵉ-ⴰⴳⵉ ⵜⵓⵎⵎⵉⴷⴻⵏⵜ ⵜⴻⴼⴽⴰ ⴰⵣⴰⵍ ⵉ ⵢⵉⵣⵓⵔⴼⴰⵏ ⵏ ⵡⴰⴽⴽ ⵢⵉⴼⴻⵔⴷⵉⵙⴻⵏ ⵙ ⵢⵉⴱⵔⵉⴷⴻⵏ ⵏ ⵓⵙⵉⴷⴷⴻⵔ (compensation) ⴷ ⵓⵙⵉⴷⴷⴻⵔ ⵏ ⵍⵛⴰⵏ, ⴰⴽⴽⴻⴷ ⵢⵉⴱⵔⵉⴷⴻⵏ ⵏ ⵙⵙⵎⴰⵃ ⴷ ⵓⵙⴻⴷⴷⵓⴽⴽⴻⵍ (integration), ⴰⵢⴻⵏ ⵉ ⵢⴻⵙⵙⴻⴽⵏⴰⵢⴻⵏ ⴰⴽⴽⴰⴼⴻⴹ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⵍⵓⴳⴰⵏ ⵏ ⵜⵖⴷⴻⵎⵜ ⴷ ⵓⵎⵚⴰⵍⴻⵃ".
ⵜⴻⵔⵏⴰ-ⴷ ⵡⴰⴽⴽⴻⵏ ⵜⵉⴳⴳⴰⵙ-ⴰⴳⵉ "ⵙⵙⴻⵊⵀⴻⴷⵏⵜ ⴷⴷⵓⵍⴰ ⵏ ⵓⵙⴰⴷⵓⴼ ⴷ ⵓⵙⵓⴷⴷⴻⵏ (cohesion) ⴰⵎⴻⵜⵜⵉ", ⴰⵢⴻⵏ ⵉ ⴷ-ⵢⴻⵍⴷⴰⵏ ⵜⵉⵡⵡⵓⵔⴰ ⵉ ⵓⵃⴰⴷⴻⵔ ⵏ ⵢⵉⵣⵓⵔⴼⴰⵏ ⵏ ⵓⵎⴷⴰⵏ ⴷ ⵓⵙⴻⴼⵔⴻⵔ ⵏ ⵓⵇⴻⴷⴷⵉⵛ ⴰⵎⴷⴰⵏ, ⵙ ⵡⴰⴷⴰⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ, ⵍⴰⴷⵖⴰ ⵓⵙⴰⴷⵓⴼ ⴰⴳⵔⴰⵖⵍⴰⵏ ⴰⵎⴷⴰⵏ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙⴰ ⵉⵍⵎⵉ ⵜⴻⵙⵙⵓⵜⴻⵔ "ⴰⵙⴻⵊⵀⴻⴷ ⵏ ⵓⵎⵢⴰⵍⵍⴻⵍ ⴰⴳⵔⴰⵖⵍⴰⵏ ⴷ ⵓⵎⵢⴰⵡⴰⴹ ⵏ ⵜⵉⵔⵎⴰⵏⵉⵏ ⴳⴰⵔ ⵢⵉⴱⴻⵔⵍⴰⵎⴰⵏⴻⵏ ⵉⵡⴰⴽⴽⴻⵏ ⴰⴷ ⵇⴰⴱⵍⴻⵏ ⵡⴻⴳⴳⵉⵢⴻⵏ ⵏ ⵔⵔⴻⴱⵔⴰⴱ, ⵙ ⵓⵃⴰⴷⴻⵔ ⵏ ⵓⵇⴻⴷⴷⵉⵛ ⴰⵎⴷⴰⵏ ⴷ ⵡⴰⴷⴰⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ".
ⴰⵔⵏⵓ ⵖⴻⵔ
