ⴰⵙⵇⴰⵎⵓ ⴰⵖⴻⵍⵏⴰⵡ ⵏ ⴰⵖⴰⵔⴼⴰⵏ: ⴰⵙⴻⵏⵜⴻⵎ ⵏ ⵍⵇⴰⵏⵓⵏ ⵏ ⵍⵍⵙⴰⵙ ⵢⴻⵄⵏⴰⵏ ⵜⴰⵖⴷⴻⵎⵜ

ⵙⴻⵏⵜⵎⴻⵏ ⵏⵏⵓⵡⴰⴱ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵡⴻⴳⴷⵓⴷ, ⴰⵙⵙ-ⴰ ⵏ ⵍⴰⵔⴻⴱⵄⴰ, ⵖⴻⴼ ⵍⵇⴰⵏⵓⵏ ⵏ ⵍⵍⵙⴰⵙ ⵢⴻⵄⵏⴰⵏ ⵜⴰⵖⴷⴻⵎⵜ ⵉ ⵢⴻⴱⵖⴰⵏ ⴰⴷ ⵢⴻⵙⵙⴻⵏⵔⵏⵉ ⴰⵍⵃⵓ ⵏ ⵡⵓⴷⵎⴰⵡⴻⵏ ⵏ ⵜⵖⴷⴻⵎⵜ.

ⴰⵙⴻⵏⵜⴻⵎ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵜⵖⵉⵎⵉⵜ ⵏ ⵜⵎⵓⵖⵍⵉ ⵉ ⵢⴻⵙⵙⴻⵍⵡⴰⵢ ⵉⴱⵔⴰⵀⵉⵎ ⴱⵓⵖⴰⵍⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ, ⵙ ⵜⵉⵍⵍⴰ ⵏ ⵜⵏⴻⵖⵍⴰⴼ ⵏ ⵡⴰⵙⵙⴰⵖⴻⵏ ⴷ ⵍⴱⴰⵔⵍⴰⵎⴰⵏ, ⵎⴰⵙⵙⴰ ⵏⴰⴷⵊⵉⴱⴰ ⴷⵊⵉⵍⴰⵍⵉ, ⴷ ⵓⵏⴻⵖⵍⴰⴼ ⵏ ⵜⵖⴷⴻⵎⵜ, ⵎⴰⵙⵙ ⵍⵓⵟⴼⵉ ⴱⵓⵊⴻⵎⵄⴰ, ⴰⴽⴽⴻⴷ ⵢⵉⵄⴻⴳⴳⴰⵍⴻⵏ ⵏ ⵓⵏⴰⴱⴰⴹ.

ⵍⵇⴰⵏⵓⵏ-ⴰⴳⵉ ⵢⴻⵜⵜⴰⴽ ⴰⴼⵓⵙ ⵉ ⵓⵙⵇⴰⵎⵓ ⵓⵏⵏⵉⴳ ⵏ ⵜⵖⴷⴻⵎⵜ (CSM) ⵉⵡⴰⴽⴽⴻⵏ ⴰⴷ ⵢⴻⵙⵙⴻⵍⵃⵓ ⵢⴰⵍ ⵜⴰⵍⵓⴼⵜ ⵢⴻⵄⵏⴰⵏ ⴰⵎⴰⵀⵉⵍ ⴷ ⵓⵙⴻⴳⴳⴻⵎ ⵏ ⵍⵇⴰⴹⵉ, ⵙ ⵓⵙⴻⴱⴷⴻⴷ ⵏ ⵓⵙⵇⴰⵎⵓ ⵓⵏⵏⵉⴳ ⴷ ⴰⵎⴰⵙⴰⵢ ⴰⵡⵃⵉⴷ ⵖⴻⴼ ⵓⴱⵔⵉⴷ ⵏ ⵓⵅⴻⴷⴷⵉⵎ ⵏ ⵍⵇⴰⴹⵉ.

ⴰⴽⴽⴻⵏ ⴷⴰⵖⴻⵏ ⵉ ⴷ-ⵢⴻⵙⵙⴻⴱⴷⴰⴷ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉⵎⴰⵢⵏⵓⵜⴻⵏ ⵉⵡⴰⴽⴽⴻⵏ ⴰⴷ ⵙⵙⴰⵍⵉⵏ ⵍⵇⴰⴹⵉ ⵖⴻⵔ ⵜⴰⵙⴻⵇⵓⵎⵜ ⵜⵓⴽⴽⵔⵉⵣⵜ (Cour Suprême) ⴷ ⵓⵙⵇⴰⵎⵓ ⵏ ⵜⵎⵓⵔⵜ (Conseil d'État), ⴷ ⵓⴼⴽⴰ ⵏ ⵜⴻⵣⵎⴻⵔⵜ ⵉ ⵓⵙⵇⴰⵎⵓ ⵓⵏⵏⵉⴳ ⵉ ⵓⵙⵜⴻⴳ (nomination) ⴷⴻⴳ-ⵙⴻⵏⵜ. ⴰⵢⴰ ⵢⴻⵄⵏⴰ ⴰⵎⴽⴰⵏ ⵏ "ⵍⵇⴰⴹⵉ ⴰⵎⵄⵉⵡⴻⵏ".

ⴷⴻⴳ ⵡⴰⵢⴻⵏ ⵢⴻⵄⵏⴰⵏ "ⴰⵙⵙⴻⵊⵀⴻⴷ ⵏ ⵜⵉⵍⵍⴻⵍⵍⵉ ⵏ ⵍⵇⴰⴹⵉ ⴷ ⵓⵃⵔⴰⵣ ⵏ ⵍⵃⴻⵔⵎⴰ ⵏ ⵜⵖⴷⴻⵎⵜ", ⵍⵇⴰⵏⵓⵏ ⵢⴻⵙⵙⴻⵔⵙ ⵉⵍⵓⴳⴰⵏ ⵏ ⵓⴱⴻⴷⴷⴻⵍ ⵏ ⵍⵇⴰⴹⵉ ⴷ ⵜⴻⴳⵏⵉⵜ ⵏ ⵓⵙⵓⵜⴻⵔ ⵏ ⵓⴱⴻⴷⴷⴻⵍ ⴷⴻⴳ ⵓⵣⴻⵟⵟⴰ ⵏ ⵓⵙⴻⴳⴳⴰⵙ ⵏⴻⵖ ⵖⴻⴼ ⵙⴻⴱⴱⴰ ⵉⵚⴻⵃⵃⴰⵏ