ⴰⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⵎⴰⵙⵙ ⵄⴻⴱⴷⴻⵍⴽⵔⵉⵎ ⴱⵓⵡⴰⵍⵣⴻⵔⴷ, ⵢⴻⵙⴼⴻⵙⵙⴻⵔ ⴰⵙⵙ-ⴰ ⵏ ⴰⵔⵉⵎ ⴰⵙⴻⵏⴼⴰر ⵏ ⵍⵇⴰⵏⵓⵏ ⵏ ⵓⵙⵓⵏⴻⴼⴼⴻⴷ ⵏ ⵜⵎⴻⵣⵢⴰⵏⵜ (تسوية الميزانية) ⵏ ⵓⵙⴻⴳⴳⴰⵙ 2023 ⵣⴷⴰⵜ ⵏ ⵜⵙⴻⵇⵇⴰⵎⵓⵜ ⵏ ⵜⴻⴷⵔⵉⵎⵜ ⴷ ⵜⵎⴻⵣⵢⴰⵏⵜ ⴷⴻⴳ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵎⴷⴰⵏⴻⵏ
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵉ ⵢⴻⵙⵍⴻⵡⵉ ⵎⵓⵃⴰⵎⴻⴷ ⴱⴻⵏ ⵀⴰⵛⴻⵎ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⴰⵢⴻⵏ ⵉ ⴷ-ⵢⴻⴽⵛⴻⵎⵏ ⵏ ⵜⴻⴷⵔⵉⵎⵜ ⴷⴻⴳ ⵓⵙⴻⴳⴳⴰⵙ ⵏ 2023 ⵢⴻⴼⴼⴻⵖ 9017 ⵏ ⵍⵎⴻⵔⵢⴰⵔ ⵏ ⴷⴷⵉⵏⴰⵔ. ⴰⵢⴰ ⴷ ⴰⵙⵏⴻⵔⵏⵉ ⵏ ⵓⴳⴰⵔ ⵏ 24 % ⵖⴻⴼ ⵡⴰⵢⴻⵏ ⵉ ⴷ-ⵢⴻⴽⵛⴻⵎⵏ ⴷⴻⴳ 2022. ⵎⴰ ⴷ ⴰⵢⴻⵏ ⵜⴻⵙⵙⴻⴼⵖⴻⴷ ⴷⴷⵓⵍⴻⵜ (نفقات) ⵢⴻⵡⵡⴻⴹ ⴰⵔ 10592 ⵏ ⵍⵎⴻⵔⵢⴰⵔ ⵏ ⴷⴷⵉⵏⴰⵔ.
ⵖⴻⴼ ⵡⴰⵢⴻⵏ ⵉ ⴷ-ⵢⴻⴽⵛⴻⵎⵏ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵊⴱⴰⵢⵜ ⵜⴻⵙⵙⴻⴽⵛⴻⵎ-ⴷ 7396 ⵏ ⵍⵎⴻⵔⵢⴰⵔ, ⴷⴻⴳ-ⵙⴻⵏ 3856 ⵏ ⵍⵎⴻⵔⵢⴰⵔ ⵙⴻⴳ ⵍⴱⵉⵟⵔⵓⵍ. ⵎⴰ ⴷ ⴰⵢⵍⴰ ⵏ ⴷⴷⵓⵍⴻⵜ ⵢⴻⵙⵙⴻⴽⵛⴻⵎ-ⴷ 86 ⵏ ⵍⵎⴻⵔⵢⴰⵔ.
ⴷⴻⴳ ⵓⵃⵔⵉⵛ ⵏ ⵢⵉⵙⵓⴼⴼⴰⵖⴻⵏ , 3340 ⵏ ⵍⵎⴻⵔⵢⴰⵔ ⵔⵔⴰⵏ-ⵜⴻⵏ ⵉ ⵡⵓⵙⴻⴳⴳⴻⵎ ⴷ ⵜⴰⵍⵍⴰⵍⵜ , 3213 ⵏ ⵍⵎⴻⵔⵢⴰⵔ ⵉ ⵜⴻⴷⵔⵉⵎⵜ ⵏ ⵢⵉⵇⴻⴷⴷⴰⵛⴻⵏ (, ⵢⴻⵔⵏⴰ 1188 ⵏ ⵍⵎⴻⵔⵢⴰⵔ ⵉ ⵓⵙⵉⵜⵎⴻⵔ .
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵙⵙⴻⵎⵔⴻⵙⴻⵏ 72 % ⵙⴻⴳ ⵜⴻⴷⵔⵉⵎⵜ ⵉ ⴷ-ⵢⴻⵜⵜⵡⴰⵀⴻⵢⵢⴰⵏ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⴳⴳⴰⵙ ⵏ 2023 ⴷ ⴰⵙⴻⴳⴳⴰⵙ ⴰⵎⴻⵏⵣⵓ ⵏ ⵓⵙⴻⵎⵔⴻⵙ ⵏ ⵡⴰⵎⴻⴽ ⴰⵎⴰⵢⵏⵓ ⵏ ⵜⵎⴻⵣⵢⴰⵏⵜ ⵉ ⵢⴻⴱⵏⴰⵏ ⵖⴻⴼ ⵢⵉⵀⴰⵢⵍⴻⵏ . ⵢⴻⵏⵏⴰ-ⴷ ⴱⴻⵍⵍⵉ ⵍⵍⴰⵏ ⴽⵔⴰ ⵏ ⵢⵉⴼⵓⴽⴰⵢ (نقائص) ⵉⵎⵉ ⴰⵎⴻⴽ ⴰⵔⴰ ⵙⵙⴻⵎⵔⴻⵙⴻⵏ ⵜⴻⴷⵔⵉⵎⵜ-ⴰⴳⵉ ⵓⵔ ⵢⴻⴼⵔⵉⵣ ⴰⵔⴰ ⵎⵍⵉⵃ ⵉ ⵡⵉⴷ ⵉⴽⴻⵍⴼⴻⵏ ⵙ ⵓⵙⴻⴼⵖⴻⴷ.
ⵖⴻⴼ ⵓⴷⴰⵎⴰⵙ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⴰⵏⴻⵣⵣⵓⵔ ⵏ ⵓⴷⴰⵎⴰⵙ ⵢⴻⵡⵡⴻⴹ ⴰⵔ 4,10 % ⴷⴻⴳ 2023, ⵢⴻⵍⵍⴰ ⴷ 3,6 % ⴷⴻⴳ 2022.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴱⵓⵡⴰⵍⵣⴻⵔⴷ ⵢⴻⵎⵎⴻⵙⵍⴰⵢ-ⴷ ⵖⴻⴼ ⵍⵇⴰⵏⵓⵏ ⴰⵎⴰⵢⵏⵓ ⵏ ⵜⴻⴷⵔⵉⵎⵜ ⵉ ⵢⴻⵜⵜⴻⵔⵔⴰⵏ ⵢⴰⵍ ⴰⵎⴻⵙⴼⴻⵖ ⴰⴷ ⴷ-ⵢⴻⴳ ⴰⵍⵖⵓ ⵖⴻⴼ ⵡⴰⵢⴻⵏ ⵢⴻⵣⵡⴰⵔⴰⵏ ⴷ ⵡⴰⵎⴻⴽ ⴰⵔⴰ ⵢⴻⴷⴷⵓ ⵓⵅⴻⴷⴷⵉⵎ, ⵢⴻⵔⵏⴰ ⵢⴻⵡⵡⴻⴽⴻⴷ-ⴷ ⴱⴻⵍⵍⵉ ⵢⵉⵇⴻⴷⴷⴰⵛⴻⵏ ⴱⴷⴰⵏ ⵜⵜⴰⵏⴰⴼⴻⵏ ⵉⵎⴰⵏ-ⵉⵙⴻⵏ ⴷ ⵡⴰⵎⴻⴽ-ⴰⴳⵉ ⴰⵎⴰⵢⵏⵓ.
ⴰⵔⵏⵓ ⵖⴻⵔ
