ⴰⵙⵇⴰⵎⵓ ⴰⵖⴻⵍⵏⵉⵜ ⵏ ⵜⴷⴰⵎⵙⴰ, ⵏ ⵜⵎⴻⵜⵜⵉ ⴷ ⵜⴻⵡⵏⴻⵜ ⵢⴻⴳⴳⴰ ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵙ ⵓⵣⵡⴻⵍ: "ⴳⴰⵔⴰ ⴷⵊⴻⴱⵉⵍⴻⵜ: ⵙⴻⴳ ⵡⴰⴷⴻⴳ ⵏ ⵓⵎⵉⵏⵉ ⵖⴻⵔ ⵓⴼⵔⴰⴳ ⵏ ⵓⵏⴻⵔⵏⵉ ⵉⵉⴷⵓⵎⴻⵏ". ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵜⴻⴽⴽⵉ ⵏ ⵎⴰⵙⵙⴰ ⴽⴰⵔⵉⵎⴰ ⴱⴰⴽⵉⵔ ⵟⴰⴼⴻⵔ, ⵜⴰⵎⴰⵔⵉ ⵏ ⵓⵡⴰⵏⴰⴽ ⵖⴻⵔ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵟⴻⴱⴱⵔⴻⵏ ⵖⴻⴼ ⵢⵉⵙⵓⴼⴰ ⴷ ⵢⵉⵎⵉⵏⵉⵢⴻⵏ.
ⵍⵍⴰⵏ ⴷⴰⵖⴻⵏ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵎⴰⵙⵙ ⴼⴰⵔⵉⴷ ⵢⴰⵢⵙⵉ, ⴰⵎⵛⴻⵡⵡⴻⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴽⴰⵎⴰⵍ ⵚⴰⵏⵒⴰⴷⵊⵉ, ⴷ ⵎⴰⵙⵙ ⵓⵎⴰⵔ ⵔⴻⴽⴽⴰⵛ.
ⴷⴻⴳ ⵡⴰⵡⴰⵍ-ⵉⵙ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵎⴰⵙⵙ ⵎⵓⵒⴰⵎⴻⴷ ⴱⵓⵅⴰⵔⵉ ⵉⵡⴻⴽⴽⴻⴷ-ⴷ ⴱⴻⵍⵍⵉ ⴰⵎⵉⵏ-ⴰⴳⵉ ⵏ ⵓⵣⵣⴰⵍ ⴷ ⵍⵍⵙⴰⵙ ⵉ ⵓⵏⴻⵔⵏⵉ ⵏ ⵜⵎⴰⴼⴻⵍⵜ (ⵉⵏⴷⵓⵙⵜⵔⵉⴻ) ⵏ ⵜⵎⵓⵔⵜ. ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⵢⴻⵜⵜⵏⴻⵔⵏⵉ ⵜⴰⵏⴰⵢⴰ ⵏ ⵜⵎⵓⵔⵜ.
ⵎⴰⵙⵙⴰ ⵟⴰⴼⴻⵔ, ⵙⴻⴳ ⵜⴰⵎⴰ-ⵙ, ⵜⴻⵏⵏⴰ-ⴷ ⴱⴻⵍⵍⵉ ⴰⵎⵉⵏ ⵏ ⴳⴰⵔⴰ ⴷⵊⴻⴱⵉⵍⴻⵜ ⴷ "ⴰⵣⵔⵓ ⵏ ⵜⵉⵣⴰ" ⵉ ⵓⵙⴻⵊⵒⴻⴷ ⵏ ⵜⴰⵏⴰⵢⴰ ⵜⴰⴷⴰⵎⵙⴰⵏⵜ ⵏ ⵍⴻⵣⵣⴰⵢⴻⵔ. ⵜⴻⴱⴷⴻⵔ-ⴷ ⴱⴻⵍⵍⵉ ⴰⴱⵔⵉⴷ ⵏ ⵙⵙⴻⴽⴽⴰ ⵏ ⵜⵎⴰⵛⵉⵏⵜ ⴳⴻⵔ ⵜⵉⵏⴷⵓⴼ ⴷ ⴱⴻⵛⵒⴰⵔ ⴷ ⵜⴰⴳⵏⵉⵜ ⵏ ⵓⴱⴻⴷⴷⴻⵍ ⵏ ⵚⵚⴻⵒ. ⵜⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴰⴷ ⴷ-ⵢⴻⴼⴽ 24 ⵏ ⵡⴰⴳⵉⵎ ⵏ ⵢⵉⵎⵓⴽⴰⵏ ⵏ ⵍⵅⴻⴷⵎⴰ.
ⵎⴰⵙⵙ ⵎⴰⵍⴻⴽ ⵓⵍⴷ ⵒⴰⵎⵎⵓ ⵉⵡⴻⴽⴽⴻⴷ-ⴷ ⵙ ⵜⵓⵙⵙⵏⴰ ⴱⴻⵍⵍⵉ ⵓⵣⵣⴰⵍ ⵏ ⵓⵎⵉⵏ-ⴰⴳⵉ ⵢⵉⴼ-ⵉⵜ ⴰⴽⴽⴻⵏ ⵢⴻⵍⵍⴰ ⴷⴻⴳ ⴷⴷⵓⵏⵉⵜ ⵎⴻⵔⵔⴰ.
ⴰⵔⵏⵓ ⵖⴻⵔ
