ⵜⴰⵙⵇⴰⵎⵓⵜ ⵏ ⵜⵎⴻⵚⵍⵉⵡⵉⵏ ⵏ ⵍⵇⴰⵏⵓⵏ ⴷ ⵢⵉⵣⴻⵔⴼⴰⵏ ⵏ ⵢⵉⵎⴷⴰⵏⴻⵏ ⴷⴳ ⵓⵙⵇⴰⵎⵓ ⵏ ⵜⵎⵓⵔⵜ, ⵜⴻⵙⵍⴰ ⴰⵙⵙ ⵏ ⵡⴰⵢⵏⴰⵙ ⵉ ⵢⵉⵡⴻⵏ ⵓⵙⴼⴻⵔⴷ ⵉ ⵢⴻⴼⴽⴰ ⵓⵏⴻⵖⵍⴰⴼ ⵏ ⵍⵄⴻⴷⵍ, ⵍⵓⵟⴼⵉ ⴱⵓⵊⴻⵎⵄⴰ, ⵖⴻⴼ ⵙⵉⵏ ⵏ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ: ⵡⵉⵏ ⵢⴻⵔⵣⴻⵏ ⵢⵉⵎⵙⴻⴼⵔⴰⴷ ⵏ ⵍⵃⴻⵇ ⴷ ⵡⵉⵏ ⵏ ⵜⵖⴻⵍⵏⴰⵡⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵓⵙⵇⴰⵎⵓ.
ⴷⴳ ⵓⵃⵔⵉⵛ-ⴰ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵍⵇⴰⵏⵓⵏ ⵏ ⵢⵉⵎⵙⴻⴼⵔⴰⴷ ⵏ ⵍⵃⴻⵇ ⵢⴻⴷⴷⵓ-ⴷ ⵉⵡⴰⴽⴽⴻⵏ ⴰⴷ ⵢⴻⵇⵇⴻⴷ ⴰⵢⴻⵏ ⵢⴻⵍⵍⴰⵏ ⴷⴳ ⵜⵎⴻⵏⴹⴰⵡⵜ , ⵍⴰⴷⵖⴰ ⵉ ⵓⵊⴻⵀⵀⴻⴷ ⵏ ⵜⴰⵍⴻⵍⵍⵉ ⵏ ⵍⵃⴻⵇ ⴷ ⵓⵙⵍⴻⵍⵍⵉ ⵏ ⵓⵎⵙⴻⴼⵔⴻⴷ (Judge) ⵙⵉ ⵢⴰⵍ ⵓⴹⴻⵇⵇⴻⵔ ⵏⴻⵖ ⴰⴱⴰⵣ.
ⵉⵙⵡⵉ ⵏ ⵍⵇⴰⵏⵓⵏ-ⴰ ⴷ ⴰⵙⵎⴰⵢⵏⵓ ⵏ ⵓⴱⵔⵉⴷ ⵏ ⵓⵇⴻⴷⴷⵉⵛ ⵏ ⵢⵉⵎⵙⴻⴼⵔⴰⴷ, ⵙ ⵓⴼⴽⴰ ⵏ ⵢⵉⵡⴻⵏ ⵡⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵙⵇⴰⵎⵓ ⴰⴼⴻⵍⵍⴰⵢ ⵏ ⵍⵃⴻⵇ ⴷⴳ ⵓⴼⵔⴰⵏ, ⵜⴰⵔⴼⵓⴷⵜ ⴷ ⵓⵙⴻⴼⵔⴻⴷ ⵏ ⵢⵉⵎⵙⴻⴼⵔⴰⴷ ⵙ ⵜⵓⴼⵔⴰⵢⵜ. ⴰⵢⴰ ⵢⴻⴱⵖⴰ ⴰⴷ ⵢⴻⵙⵏⴻⵔⵏⵉ ⴰⵇⴻⴷⴷⵉⵛ ⵏ ⵍⵄⴻⴷⵍ ⵉⵡⴰⴽⴽⴻⵏ ⵓⵎⴷⴰⵏ ⴰⴷ ⵢⴰⵎⴻⵏ ⵓⴳⴰⵔ ⴷⴳ ⵍⵃⴻⵇ-ⵉⵙ.
ⴱⵓⵊⴻⵎⵄⴰ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵍⵇⴰⵏⵓⵏ-ⴰ ⵢⴻⵜⵜⴰⴽ ⵜⵉⵎⴰⵏⵜⵉⵏ ⵉ ⵓⵎⵙⴻⴼⵔⴻⴷ ⵉⵡⴰⴽⴽⴻⵏ ⴰⴷ ⵢⴻⵇⵇⵉⵎ ⴷⴳ ⵓⵇⴻⴷⴷⵉⵛ-ⵉⵙ ⵢⴻⵔⵏⴰ ⴰⴷ ⵢⴻⵜⵜⵡⴰⵃⴻⵔⵣ ⵎⴳاⵍ ⵢⴰⵍ ⵓⴳⵓⵔ ⴷⴳ ⵜⵎⴰⵙⵉⵜ-ⵉⵙ.
ⵖⴻⴼ ⵍⵇⴰⵏⵓⵏ ⵏ ⵜⵖⴻⵍⵏⴰⵡⵜ, ⵓⵏⴻⵖⵍⴰⴼ ⵢⴻⴽⴽⴻⴷ ⴱⴻⵍⵍⵉ ⴰⵢⴰ ⵢⴻⵔⵣⴰ ⴰⵃⴻⵔⵣ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ⵏ ⵍⴷⵣⴰⵢⵔ, ⵉⵎⵉ ⴷ ⴰⵙⵙⴰⵖ ⴰⵎⴻⵇⵇⵔⴰⵏ ⴳⴻⵔ ⵓⵎⴷⴰⵏ ⴷ ⵜⵎⵓⵔⵜ. ⵢⴻⵏⵏⴰ-ⴷ ⴱⴻⵍⵍⵉ ⴰⵙⵎⴰⵢⵏⵓ ⵏ ⵍⵇⴰⵏⵓⵏ-ⴰ ⵢⴻⴱⵖⴰ ⴰⴷ ⵢⴻⵙⵙⵓⴷⴷⴻⵙ ⴰⵎⴻⴽ ⵢⴻⵜⵜⵡⴰⴽⴽⴻⵙ ⵍⵃⴻⵇ ⵏ ⵜⵖⴻⵍⵏⴰⵡⵜ ⴷⴳ ⵜⴳⵏⴰⵜⵉⵏ ⵜⵓⵥⵍⴰⵢⵉⵏ ⵉ ⵢⴻⵣⵎⵔⴻⵏ ⴰⴷ ⴹⴻⵔⵔⴻⵏⵜ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⵎⵓⵔⵜ.
ⵢⴻⵔⵏⴰ-ⴷ ⵢⴻⵏⵏⴰ ⴱⴻⵍⵍⵉ ⵍⵇⴰⵏⵓⵏ-ⴰ ⵢⴻⵜⵜⴰⴽ ⵜⵉⴼⵔⴰⵢ ⵉⵡⴰⴽⴽⴻⵏ ⵓⵔ ⵢⴻⵜⵜⵉⵍⵉ ⵓⴽⴻⵔⴽⴻⵙ ⴷⴳ ⵓⴽⴽⴻⵙ ⵏ ⵜⵖⴻⵍⵏⴰⵡⵜ, ⵢⴻⵔⵏⴰ ⵢⴻⵇⵇⴰⴷ ⵢⵉⵣⴻⵔⴼⴰⵏ ⴷ ⵜⴰⵍⴻⵍⵍⵉ ⵏ ⵢⵉⵎⴷⴰⵏⴻⵏ ⵉ ⵢⴻⵍⵍⴰⵏ ⴷⴳ ⵜⵎⴻⵏⴹⴰⵡⵜ.
ⵙⴻⴳ ⵢⵉⵡⴻⵏ ⵓⵃⵔⵉⵛ ⵏⵏⵉⴹⴻⵏ, ⴰⵇⴻⵔⵔⵓ ⵏ ⵜⵙⵇⴰⵎⵓⵜ, ⵎⵓⵃⴰⵎⵎⴻⴷ ⵔⴰⴱⴰⵃ, ⵢⴻⴱⴷⴻⵔ-ⴷ ⴰⵣⴰⵍ ⴰⵎⴻⵇⵇⵔⴰⵏ ⵏ ⵢⵉⵙⴻⵏⴼⴰⵔⴻⵏ-ⴰ ⴷⴳ ⵓⴱⵔⵉⴷ ⵏ ⵓⵙⵎⴰⵢⵏⵓ ⵏ ⵍⵇⴰⵏⵓⵏ ⵉ ⵢⴻⵙⵙⴻⵏⵜⴰ ⵓⵙⴻⵍⵡⴰⵢ ⵏ ⵜⴳⴻⴷⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ.
ⴰⴷ ⵏⵥⴻⵔ ⴱⴻⵍⵍⵉ ⴰⴳⵔⴰⵡ-ⴰ ⵢⴻⵍⵍⴰ-ⴷ ⴷⴰⵜ ⵏ ⵢⵉⵎⴰⵔⵔⵉⵡⴻⵏ ⵏ ⵓⵙⵇⴰⵎⵓ ⴷ ⵜⵏⴻⵖⵍⴰⴼⵜ ⵏ ⵜⵎⴻⵚⵍⵉⵡⵉⵏ ⴷ ⵓⵙⵇⴰⵎⵓ. ⵜⴰⵙⵇⴰⵎⵓⵜ ⵜⴻⵜⵜⵀⴻⵢⵢⵉ-ⴷ ⵜⵉⵣⵔⴰⵡⵉⵏ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵙⴽⴰⵙⵉ ⵖⴻⴼ ⵍⵇⴰⵏⵓⵏⴻⵏ-ⴰ ⴰⵙⵙ ⵏ 13 ⴷ 20 ⵢⴻⵏⵏⴰⵢⴻⵔ.
ⴰⵔⵏⵓ ⵖⴻⵔ
