ⵢⴻⵙⵙⵓⴷⴷⴻⵙ ⵓⵙⵇⴰⵎⵓ ⵏ ⵜⵖⴷⴻⵎⵜ ⵏ ⵍⵣⵣⴰⵢⴻⵔ, ⴰⵙⵙ-ⴰ ⵏ ⵍⴰⵔⴱⵄⴰ, ⴰⵙⵙ ⵏ ⵜⴻⵣⵔⴰⵡⵜ ⵖⴻⴼ "ⵓⵎⴰⵢⵏⵓⵜ ⴷⴻⴳ ⵓⵃⴰⴷⴻⵔ ⵎⴳⴰⵍ ⴰⵙⵉⵔⴻⴷ ⵏ ⵢⴻⴷⵔⵉⵎⴻⵏ ⴷ ⵓⴼⵉⵏⴰⵙ ⵏ ⵜⵜⴻⵔⵓⵔ ⴷ ⵓⴽⴰⵜⵓⵜ-ⵏⵙⴻⵏ ⴷⴻⴳ ⵜⵉⴼⴰⵡⵜ ⵏ ⵍⵇⴰⵏⵓⵏ 25-10".
ⴷⴻⴳ ⵓⵏⴻⵊⵎⵓⵄ-ⴰ, ⵡⵉⴷ ⵉⴷ-ⵢⵓⵙⴰⵏ ⵙⵙⴻⴽⵏⴻⵏ-ⴷ ⴰⵡⴰⵊⴻⴱ ⵏ ⵓⴹⴼⴰⵔ ⵏ "ⵜⴻⴷⵎⵉ ⵜⴰⵣⵡⴰⵔⴰⵏⵜ" ⵢⴻⴱⵏⴰⵏ ⵖⴻⴼ ⵓⵙⴻⵍⴽⴻⵏ ⵓⵎⵔⵉⴷ ⵏ ⵢⵉⵎⵉ ⵏ ⵓⵙⵉⵔⴻⴷ ⵏ ⵢⴻⴷⵔⵉⵎⴻⵏ ⴷ ⵓⵙⵊⴻⵀⴻⴷ ⵏ ⵓⵎⵢⴰⵡⴰⵙ ⵉ ⵓⵃⴰⴷⴻⵔ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ ⴷ ⵓⵔⴳⴰⴳⴰⵢ ⵏ ⵓⵎⴻⵜⵜⵉ.
ⴷⴻⴳ ⵡⴰⵡⴰⵍ-ⵉⵙ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵜⵖⴷⴻⵎⵜ ⵏ ⵍⵣⵣⴰⵢⴻⵔ, ⵎⴰⵙⵙ ⵎⵓⵃⴰⵎⴻⴷ ⴱⵓⴷⴻⵔⴱⴰⵍⴰ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⵙ-ⴰ ⵢⴻⵜⵜⴻⴽⴽⴰ-ⴷ ⴷⴻⴳ ⵓⵙⴷⴻⵔⴼⴻⴷ ⵏ ⵜⵙⴻⵔⵜⵉⵜ ⵏ ⴷⴷⴻⵡⵍⴰ ⵉ ⵓⵙⵊⴻⵀⴻⴷ ⵏ ⵜⵖⴷⴻⵎⵜ ⴷ ⵓⴹⴼⴰⵔ ⵏ ⵍⵇⴰⵏⵓⵏ ⵎⴳⴰⵍ ⵜⵓⵛⴹⵉⵡⵉⵏ ⵜⵉⵎⴰⵢⵏⵓⵜⵉⵏ. ⵢⴻⵏⵏⴰ-ⴷ ⴱⴻⵍⵍⵉ ⵜⵓⵛⴹⵉⵡⵉⵏ-ⴰ ⴷ ⴰⵎⵉⵀⵉ ⵓⵔⵉⴷ ⵉ ⵜⴷⴰⵎⵙⴰ ⴷ ⵍⵇⴰⵏⵓⵏ, ⵢⴻⵔⵏⴰ ⵜⴰⵖⴷⴻⵎⵜ ⴷ ⵜⴰⵔⵓⵔⵜ ⵏ ⵓⴳⴻⵊⴷⵉ ⴷⴻⴳ ⵓⵙⴻⵏⴼⴻⴷ ⵏ ⵍⵇⴰⵏⵓⵏ.
ⵜⴰⵎⴰ-ⵏⵏⵉⴹⴻⵏ, ⴰⵏⴻⵣⵣⴰⵔⴼⵓ ⴰⵎⴻⵜⵜⵓ ⵏ ⵓⵙⵇⴰⵎⵓ ⵏ ⵜⵖⴷⴻⵎⵜ, ⵎⴰⵙⵙ ⵎⵓⵃⴰⵎⴻⴷ ⴽⴰⵎⴰⵍ ⴱⴻⵏⴱⵓⴹⵢⴰⴼ, ⵢⴻⵏⵏⴰ-ⴷ ⴱⴻⵍⵍⵉ ⵜⵓⵛⴹⵉⵡⵉⵏ-ⴰ ⴷ ⵜⵉⵏ ⵢⴻⴼⵙⴻⵔⵏ ⴰⵟⵟⴰⵙ ⵢⴻⵔⵏⴰ ⵙⵙⴻⴽⴷⴰⵎⴻⵏⵜ ⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉⵏ. ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵍⵇⴰⵏⵓⵏ-ⴰ ⵢⴻⵡⵡⵉ-ⴷ ⵉⵍⵓⴳⴰⵏ ⵉⵊⴻⵀⴷⴻⵏ ⵉ ⵓⴹⴼⴰⵔ ⵏ ⵢⴻⴷⵔⵉⵎⴻⵏ ⵉⵛⴻⴽⴽⵉⴽⴻⵏ ⴷ ⵓⴽⴽⴻⵙ ⵏ ⵍⴼⴰⵢⴷⴰ ⵏ ⵜⵓⵛⴹⵉⵡⵉⵏ.
ⵎⴰⵙⵙ ⵄⴰⴱⴷⴻⵍⵃⴰⵎⵉⴷ ⴽⴻⵔⵔⴰⵔⵛⴰ, ⴰⵎⴰⵥⵔⴰⴳ ⵏ ⵓⵏⴰⴷⵉ , ⵢⴻⵏⵏⴰ-ⴷ ⴱⴻⵍⵍⵉ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⵓⴹⴼⴰⵔ ⵏ ⵢⴻⴷⵔⵉⵎⴻⵏ ⴷⴻⴳ ⵣⵣⵎⴰⵏ-ⴰ ⵏ ⵢⴻⴷⵔⵉⵎⴻⵏ ⵉⵍⵉⵇⵜⵔⵓⵏⵉⵢⴻⵏ.
ⵖⴻⵔ ⵜⴳⴰⵔⴰ, ⴰⵙⵙ ⵏ ⵜⴻⵣⵔⴰⵡⵜ-ⴰ ⵢⴻⴽⴼⴰ-ⴷ ⵙ ⴽⵔⴰ ⵏ ⵜⵙⴻⵎⵎⵉⵔⵉⵏ ⵉ ⵓⵙⵊⴻⵀⴻⴷ ⵏ ⵓⴹⴼⴰⵔ ⴷ ⵓⵙⴻⴳⵎⵉ ⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵃⵔⵉⵛ-ⴰ.
ⴰⵔⵏⵓ ⵖⴻⵔ
