ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵢⵉⵎⵓⴽⴰⵏ, ⵎⴰⵙⵙ ⵄⴰⵣⵣⵓⵣ ⵏⴰⵛⵉⵔⵉ, ⵢⴻⵙⵙⴻⵍⵡⵉ ⴰⵙⵙ-ⴰ ⵏ ⵜⵜⵍⴰⵜⴰ ⵜⵉⵎⵍⵉⵍⵉⵜ ⵏ ⵜⵏⴻⵣⵡⴰⵍⵜ (ⴱⵓⵔⴻⴰⵓ) ⵏ ⵓⵙⵇⴰⵎⵓ, ⵉ ⴷ-ⵉⵙⴷⵓⴽⴽⵍⴻⵏ ⵢⴰⴽⴽ ⵉⵙⴻⵍⵡⴰⵢⴻⵏ ⵏ ⵜⵉⵔⴱⴰⵄⵉⵏ ⵜⵉⴱⴰⵔⵍⴰⵎⴰⵏⵉⵏ. ⴰⵢⴰⴳⵉ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵡⴰⵍⴰⵏ ⴰⵒⵉⵍ ⵏ ⵍⴻⵇⴷⵉⵛ ⵏ ⵓⵙⵇⴰⵎⵓ ⴳⴻⵔ 30 ⵎⴻⵖⵔⴻⵙ ⴰⵍⴰⵎⵎⴰ ⴷ 06 ⵢⴻⴱⵔⵉⵔ.
ⴷⴻⴳ ⵜⴻⴳⵏⵉⵜ ⵏ ⵜⴻⵎⵍⵉⵍⵉⵜ-ⴰⴳⵉ, ⵜⴰⵏⴻⵣⵡⴰⵍⵜ ⵏ ⵓⵙⵇⴰⵎⵓ ⵜⴼⴰⵛⴻⴹ ⵙ ⵍⴼⴻⵕⵒ-ⵉⵙ ⵉ ⵓⵄⴻⵙⴽⴽⴻⵔ ⴰⵖⴻⵍⵏⵉⵜ ⵏ ⵡⴻⴳⴷⵓⴷ (ⴰⵏⵒ) ⴷ ⵜⵡⴰⵛⵓⵍⵉⵏ ⵏ ⵢⵉⵎⴻⵖⵔⴰⵙⴻⵏ ⵉ ⵢⵓⵏⴰⴳⴻⵏ ⵙⴻⵍⴷ ⵎⵉ ⵉ ⴷ-ⵜⴻⵖⵍⵉ ⵜⵎⴰⵛⵉⵏⵜ ⵏ ⵓⵄⴻⵙⴽⴽⴻⵔ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⴰⵏⴻⵣⵡⴰⵍⵜ ⵏ ⵓⵙⵇⴰⵎⵓ ⵏ ⵢⵉⵎⵓⴽⴰⵏ ⵜⵉⵛⴻⴽⴽⴻⵔ ⵜⵉⵙⵓⵏⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵖⴻⴼ ⵍⵊⴰⵍ ⵏ "ⵓⵒⵔⴰⵣ ⵏ ⵢⵉⵣⴻⵔⴼⴰⵏ ⵏ ⵢⵉⵍⵎⴻⵣⵢⴻⵏ" ⴷ ⵓⵙⵙⴻⴽⵛⴻⵎ ⵏ ⵜⵉⵅⵙⵉ ⵏ ⵍⵄⵉⴷ ⵙⴻⴳ ⴱⴻⵔⵔⴰ ⵙ ⵙⵙⵓⵎⴰⵜ ⵢⴻⵍⵒⴰⵏ.
ⵖⴻⴼ ⵡⴰⵢⴻⵏ ⵉ ⴷ-ⵢⴻⵡⵡⵉ ⴰⵒⵉⵍ ⵏ ⵍⴻⵇⴷⵉⵛ, ⵜⴰⵙⴻⴷⴷⴰⵏⵜ ⵜⵓⵔⴰ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵓⵎⴻⵏⵜⵉⵍ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⵖⴻⵔ ⵜⵙⴻⵇⵇⴰⵎⵓⵜ ⵏ ⵜⴰⵎⵙⴰⵍⵉⵢⵉⵏ ⵏ ⵍⵇⴰⵏⵓⵏ.
ⴰⵙⵇⴰⵎⵓ ⴰⴷ ⴷ-ⵢⵓⵖⴰⵍ ⵖⴻⵔ ⵜⵙⴻⴷⴷⴰⵏⵜ ⵜⴰⵎⴰⵜⵓⵜ ⵚⵚⴱⴻⵒ ⵏ ⵍⴻⵜⵏⵉ 30 ⵎⴻⵖⵔⴻⵙ 2026 ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⴻⵙⵍⴰⵢ ⵖⴻⴼ ⵍⵇⴰⵏⵓⵏ-ⴰⴳⵉ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ.
ⴷⴻⴳ ⵜⴰⴳⴳⴰⵔⴰ, ⵜⴰⵙⴻⴷⴷⴰⵏⵜ ⵜⴰⵎⴰⵜⵓⵜ ⵏ ⵡⴰⵙⵙ ⵏ ⵍⴻⵜⵏⵉ 06 ⵢⴻⴱⵔⵉⵔ ⴰⴷ ⴷ-ⵜⵉⵍⵉ ⵉ ⵓⵙⴻⵔⵙ ⵏ ⵙⵙⴻⵍ ⵖⴻⴼ ⵍⵇⴰⵏⵓⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻن, ⵍⵇⴰⵏⵓⵏ ⵏ ⵓⵙⵉⵙⵙⴻⵎ ⵏ ⵓⵎⵒⴻⵔⵙⴻⵍ ⴰⴼⵔⴰⵏⵙⵉⵙ ⴷ ⵍⵇⴰⵏⵓⵏ ⵏ ⵓⴱⵔⵉⴷ.
ⴰⵔⵏⵓ ⵖⴻⵔ
