ⵢⴻⴼⴽⴰ ⵜⵓⵔⴰⴹ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⵀⴻⴷ, ⴷⴻⴳ ⵜⴰⵍⵍⵉⵜ ⵏ ⵜⵙⴻⵍⵡⵉⵜ-ⵉⵙ ⵏ ⵜⵖⵉⵎⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵉ ⵓⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⵉⴷⴷⴰⵙ , ⴰⵔⴰ ⴷ-ⵢⵉⵍⵉⵏ ⵙ ⴷⴷⴰⵡ ⵏ ⵜⵎⵓⵖⵍⵉ ⵜⵓⵙⵔⵉⴷⵜ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ.
ⴰⵙⴱⴻⴷⴷⵉ ⵏ ⵜⴻⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⵉⴷⴷⴰⵙ ⵢⵓⵙⴰ-ⴷ ⵙⴻⴳ "ⵡⴰⵣⴰⵍ ⵏ ⵓⵄⴰⵡⴻⴷ ⵏ ⵓⵙⴻⴷⴷⴻⵔ ⵏ ⵓⵏⴰⴷⵉ ⴷ ⵓⵙⵏⵉⵔⴻⵎ ⵉ ⵢⵉⵎⵏⴰⴷⵉⵢⴻⵏ ⴷ ⵢⵉⵎⵓⵙⵙⵏⴰⵡⴻⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵓⵏⵏⴰⵔ ⵏ ⵜⵉⴷⴷⴰⵙ. ⵉⵙⵡⵉ-ⵉⵙ ⴷ ⵓⴼⴼⵓⵖ ⵙⴻⴳ ⵜⴰⵍⵍⵉⵜ ⵏ ⵓⵇⵏⴻⵄ ⵙ ⵡⴰⵢⴻⵏ ⵉ ⴷ-ⵏⵓⴼⴰ ⵢⴰⴽⴰⵏ, ⵓ ⴰⴷ ⴽⴻⵎⵎⵍⴻⵏ ⵉⵎⴰⵀⵉⵍⴻⵏ ⵏ ⵓⵖⵓⵣⵉ ⵉⵡⴰⴽⴽⴻⵏ ⴰⴷ ⴷ-ⵏⴰⴼ ⵓⴳⴰⵔ ⵏ ⵓⴳⴻⵔⵔⵓⵊ ⵢⴻⵄⵏⴰⵏ ⵢⴰⴽⴽ ⵜⴰⵍⵍⵉⵢⵉⵏ ⵏ ⵓⵎⴻⵣⵔⵓⵢ ⵏ ⵜⴰⵍⵙⴰ ⴷⴻⴳ ⵍⴻⵣⵣⴰⵢⴻⵔ".
ⵜⴰⵙⵏⵓⵔⴻⴼⵜ-ⴰⴳⵉ ⴰⴷ ⵜⴻⵙⵄⵓ ⵜⵉⵍⴻⵍⵍⵉ ⵙⴻⴳ ⵢⴰⵍ ⵜⴰⴷⴱⴻⵍⵜ ⵜⵓⴷⴱⴻⵍⵜ , ⵢⴻⵔⵏⴰ ⴰⴷ ⵜⵉⵍⵉ ⴷ ⵜⴰⵎⵓⵙⵙⵏⵉ ⵢⴻⵙⵄⴰⵏ ⵓⴷⴻⵎ ⴰⴷⴰⵎⵙⴰⵏ ⴷ ⵓⵎⴳⵓⵔⵉⵢⴰⵏ.
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⵢⴻⴼⴽⴰ ⵜⵓⵔⴰⴹ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⵜⴰⵙⵏⵓⵔⴻⴼⵜ ⴰⴷ ⵜⴻⵙⵄⵓ "ⵍⴱⵓⵍⵉⵙ ⵓⴼⵔⵉⵏⴻⵏ" ⵢⴻⵄⵏⴰⵏ ⴰⵃⵔⴰⵣ ⴷ ⵓⵣⴻⵟⵟⴻⴹ ⵏ ⵢⴰⴽⴽ ⴰⵢⴻⵏ ⵉⵛⵓⴷⴷⴻⵏ ⵖⴻⵔ ⵜⵉⴷⴷⴰⵙ, ⵉⵎⵉ ⵜⴰⵎⴰⵙⵉⵜ-ⵉⵙ ⵜⵕⴻⵙ ⴷⴻⴳ ⵡⴰⵏⵏⴰⵔ ⵏ ⵓⵙⵏⵉⵔⴻⵎ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵙ ⵜⵎⵓⵖⵍⵉ ⵜⵓⵙⵔⵉⴷⵜ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ.
ⴰⵔⵏⵓ ⵖⴻⵔ
