ⵜⴻⴱⴷⴰ ⵡⴰⵙⵙ-ⴰ ⵏ ⵍⴰⵔⴱⴻⵄⴰ ⴷⵉ ⴷⵣⴰⵢⴻⵔ ⵜⴰⵎⴰⵏⴰⵖⵜ, ⵜⴻⵎⵍⵉⵍⵉⵜ ⵏ ⵜⵓⵙⵙⵏⴰ ⵏ ⵓⵙⵡⵉⵔ ⵄⵍⴰⵢⴻⵏ ⵉ ⴷ-ⵢⵓⵙⴰⵏ ⴷⴷⴰⵡ ⵢⵉⵙⴻⵎ: "ⵜⴰⴹⵉⵒⵍⵓⵎⴰⵙⵉⵜ ⵜⴰⴷⴷⵉⵢⴰⵏⵉⵜ ⴷⵉ ⵙⵙⴰⵃⴻⵍ ⵏ ⵜⴻⴼⵔⵉⵇⵜ... ⴰⵢⴻⵏ ⵢⴻⵍⵍⴰⵏ ⴷ ⵡⴰⵢⴻⵏ ⵉ ⴷ-ⵉⵜⵜⴻⴷⴷⵓⵏ". ⵉⵙⵡⵉ ⵏ ⵜⴻⵎⵍⵉⵍⵉⵜ-ⴰⴳⵉ ⴷ ⴰⵣⵓⵣⴻⵔ ⵏ ⵡⴰⵣⴰⵍⴻⵏ ⵏ ⵜⵍⴻⵎⵎⴰⵙⵜ ⴰⴽⴽⴻⵏ ⴰⴷ ⵃⴻⵔⵣⴻⵏ ⵉⴳⴷⵓⴷⴻⵏ ⵏ ⵜⴻⴼⵔⵉⵇⵜ ⵙⴻⴳ ⵓⵄⴻⴷⴷⵉ ⵏ ⵜⵉⵍⴰⵙ ⴷ ⵍⵖⵓⵍⵓ.
ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵜⵀⴻⴳⴳⴰ "ⵜⵓⴷⴷⵙⴰ ⵏ ⵉⵎⵓⵙⵏⴰⵡⴻⵏ ⴷ ⵉⵎⵛⴻⵢⵢⵄⴻⵏ ⴷ ⵢⵉⵎⴰⵎⴻⵏ ⵏ ⵜⵎⵓⵔⴰ ⵏ ⵙⵙⴰⵃⴻⵍ", ⵙ ⵜⴰⵍⵍⴻⵍⵜ ⵏ ⵓⵙⵇⴰⵎⵓ ⵓⵏⵏⵉⴳ ⵏ ⵍⵉⵙⵍⴰⵎ. ⵃⴹⴻⵔⵏ ⴷⴻⴳ-ⵙ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵍⴻⵔⵢ , ⴱⵔⴰⵀⵉⵎ ⴱⵓⵖⴰⵍⵉ, ⴷ ⵓⵎⴻⵇⵇⵔⴰⵏ ⵏ ⵊⵎⴰⵄ ⵏ ⴷⵣⴰⵢⴻⵔ, ⵛⵛⵉⵅ ⵎⵓⵃⴰⵎⴻⴷ ⵍⵎⴰⵎⵓⵏ ⵍⵇⴰⵙⵉⵎⵉ ⵍⵃⴰⵙⴰⵏⵉ, ⴷ ⵓⵎⵛⴻⵡⵡⴻⵔ ⵏ ⵓⵙⴻⵍⵡⴰⵢ ⵏ ⵜⵜⴰⴳⴷⵓⴷⴰ ⵖⴻⴼ ⵜⴻⵎⵙⴰⵍ ⵏ ⴷⴷⵉⵏ ⴷ ⵜⵡⴰⵢⵉⵡⵉⵏ, ⵎⵓⵃⴰⵎⴻⴷ ⵃⴰⵙⵙⵓⵏⵉ, ⴰⴽⴽⴻⴷ ⵍⵅⴰⵍⵉⴼⴰ ⵏ ⵜⵜⵔⵉⵇⴰ ⵜⴰⵜⵉⵊⴰⵏⵉⵜ, ⵛⵛⵉⵅ ⵄⴰⵍⵉ ⴱⴻⵍⵄⴰⵔⴰⴱⵉ ⴻⵜ-ⵜⵉⵊⴰⵏⵉ, ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵓⵏⵏⵉⴳ ⵏ ⵍⵉⵙⵍⴰⵎ, ⵎⴰⴱⵔⵓⴽ ⵣⴻⵉⴷ ⵍⵅⴻⵉⵔ, ⴷ ⵓⵏⵎⴰⵣⵓⵍ ⴰⵎⴰⵜⵓ ⵏ ⵜⵓⴷⴷⵙⴰ, ⵍⴻⵅⵎⵉⵙⵉ ⴱⴻⵣⵣⴰⵣ, ⴰⴽⴽⴻⴷ ⵓⵙⴻⵍⵡⴰⵢ ⵏ ⵓⵙⵡⵉⵔ ⴰⵖⴻⵍⵏⴰⵡ ⵏ ⵜⴻⵣⵔⴰⵡⵉⵏ ⵏ ⵜⵙⵜⵔⴰⵜⴻⴳⵉⵜ, ⵄⴰⴱⴷⴻⵍⵄⴰⵣⵉⵣ ⵎⴻⴷⵊⴰⵀⴻⴷ.
ⴷⴻⴳ ⵓⵙⵙⴰⵏ ⵏ ⵜⴻⵎⵍⵉⵍⵉⵜ-ⴰⴳⵉ, ⴰⴷ ⵉⵍⵉⵏⵜ ⵜⵎⵓⵖⵍⵉⵡⵉⵏ ⴷ ⵜⵙⵉⵡⵉⵍⵉⵏ ⵏ ⵜⵓⵙⵙⵏⴰ ⵙⵖⵓⵔ ⵉⵎⵓⵙⵏⴰⵡⴻⵏ ⵏ ⵜⵎⵓⵔⵜ ⴷ ⵡⵉⴷ ⵏ ⴱⴻⵔⵔⴰ, ⴳⴰⵔ-ⴰⵙⴻⵏ: ⴷⵔ. ⵄⴰⴱⴷⴻⵔⵔⴰⵃⵎⴰⵏⴻ ⵙⴻⵏⵓⵙⵙⵉ ⴷ ⵎⴰⵙⵙ ⵎⵓⵃⴰⵎⴻⴷ ⴷⵉⴼ ⵙⵉ ⴷⵣⴰⵢⴻⵔ, ⴰⴽⴽⴻⴷ ⵛⵛⵉⵅ ⵎⵓⵙⵙⴰ ⵙⴰⵔ ⵙⵉ ⵎⵓⵔⵉⵜⴰⵏⵢⴰ, ⴷⵔ. ⵃⴰⵎⵣⴰ ⴰⵃⵎⴰⴷⴰⵉ ⵎⵓⵙⵙⴰ ⵙⵉ ⵜⵛⴰⴷ, ⴷ ⵛⵛⵉⵅ ⴰⵍⴼⴰ ⴷⴰⵀⵉⵢⴰ ⴽⵓⵏⵜⴰ ⵙⵉ ⵎⴰⵍⵉ.
ⴰⵔⵏⵓ ⵖⴻⵔ
