ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵢⴻⴳ ⵡⴰⵙⵇⴰⵎⵓ ⵓⵏⵏⵉⴳ, ⴰⵣⴻⴽⴽⴰ ⵏ ⵍⴽⴻⵎⵉⵙ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵜⴰⴳⴷⵓⴷⴰⵏⵜ ⵉ ⵡⴰⴽⴽⴻⵏ ⴰⴷ ⵙⵙⴻⵔⵙⴻⵏ ⵉⵙⴻⵇⵙⵉⵢⴻⵏ ⵙ ⵢⵉⵎⵉ ⵉ ⵡⴰⵟⴰⵙ ⵏ ⵢⵉⵎⴻⵙⵍⴻⵢⴻⵏ ⵏ ⵜⵏⴻⴱⴱⴰⴹⵜ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵡⴰⵙⵇⴰⵎⵓ ⴰⵙⵙ-ⴰ ⵏ ⵍⴰⵔⴱⵄⴰ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⵉⵙⴻⵇⵙⵉⵢⴻⵏ-ⴰⴳⵉ ⴰⴷ ⵔⵣⵓⵏ ⵉⵃⵔⵉⵛⴻⵏ ⵏ: ⵜⵉⵎⵙⴰⵍ ⵏ ⴷⴰⵅⴻⵍ, ⵜⵉⴷⴷⵓⴽⴽⵍⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵡⴰⵙⵙⴰⵢ; ⵜⴰⵎⴻⴳⵓⵔⵉ; ⵍⴻⵇⴷⵉⵛ ⴰⴳⴷⵓⴷⴰⵏ ⴷ ⵜⴰⵔⵉⵛⵉⵏ ⵏ ⵓⵙⴻⴷⵎⴻⵔ; ⴷ ⵓⵃⵔⵉⵛ ⵏ ⵓⵎⴰⵀⵉⵍ, ⵓⵙⵉⵡⴻⴷ ⴷ ⵓⴼⵔⴰⵢ ⴰⵎⴻⵜⵜⵉ.
ⵜⴰⴳⴳⴰⵔⴰ, ⵜⵉⵎⵍⵉⵍⵉⵜ-ⴰⴳⵉ ⴷ ⵜⴰⴳⵏⵉⵜ ⵉ ⵢⵉⵎⴱⴻⵇⵇⴰⵙ ⵏ ⵡⴰⵙⵇⴰⵎⵓ ⵓⵏⵏⵉⴳ ⵉ ⵡⴰⴽⴽⴻⵏ ⴰⴷ ⵙⵜⴻⵇⵙⵉⵏ ⵢⵉⵏⵖⵍⴰⴼⴻⵏ ⵖⴻⴼ ⵡⴰⵎⴻⴽ ⵉⵜⴻⴷⴷⵓ ⵍⴻⵇⴷⵉⵛ ⴷⴻⴳ ⵢⵉⵙⴻⵏⴼⴰⵔⴻⵏ ⵉⵖⴻⵍⵏⴰⵡⴻⵏ ⵢⴻⵔⵏⴰ ⴰⴷ ⴷ-ⴰⵡⵢⴻⵏ ⵜⵉⴼⵔⴰⵜⵉⵏ ⵉ ⵢⵉⵖⵉⵍⵉⴼⴻⵏ ⵏ ⵢⵉⵎⴻⵣⴷⴰⵖ ⴷⴻⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
