ⴱⴻⴷⴷⴰⵏ ⵡⴰⵙⵙ-ⴰⴳⵉ ⵏ ⵍⴻⵜⵏⴰⵢⴻⵏ ⴷⴻⴳ ⵓⵎⴽⴰⵏ ⵏ ⵓⵙⵇⵓⵎⵓ ⵏ ⵍⵓⵎⴰ, ⵉⵎⴻⵀⵍⴰⵏ ⵏ ⵡⴰⵙⵙ ⵏ ⵓⵒⴰⵔⵍⴰⵎⴰⵏ ⵉ ⴷ-ⵢⵓⵙⴰⵏ ⴷⴷⴰⵡ ⵏ ⵢⵉⵙⴻⵎ "ⴰⵙⴻⵍⵎⴻⴷ ⵏ ⵍⵎⴻⵀⵏⴰ ⴷⴻⴳ ⵍⴻⵣⵣⴰⵢⴻⵔ: ⵜⵉⵍⴰⵡⵜ ⴷ ⵢⵉⵙⴰⵔⴰⵎⴻⵏ", ⴷⴷⴰⵡ ⵍⵄⵏⴰⵢⴰ ⵏ ⵓⵙⵍⵡⴰⵢ ⵏ ⵓⵙⵇⵓⵎⵓ, ⵎⴰⵙⵙ ⵄⵣⵣⵓⵓⵣ ⵏⴰⵙⵔⵉ.
ⴷⴻⴳ ⵡⴰⵡⴰⵍ-ⵉⵙ, ⵎⴰⵙⵙ ⵏⴰⵙⵔⵉ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵏⵜⴰⵍ-ⴰⴳⵉ ⴷ ⴰⵎⴻⵏⵏⵓⵖ ⴰⵎⴻⵇⵇⵔⴰⵏ ⴷ ⵓⴱⵔⵉⴷ ⵏ ⴷⴷⵉⵎⵎⴰ ⵉ ⵙ-ⵜⴻⴼⴽⴰ ⴷⴷⵓⵍⴰ ⴰⵣⴰⵍ ⵉⵡⴰⴽⴽⴻⵏ ⴰⴷ ⵏⴻⴱⵏⵓ ⴰⵣⴻⴽⴽⴰ ⴷ ⵜⴷⴰⵎⵙⴰ ⵏ ⵜⵎⵓⵔⵜ ⵢⴻⵙⵄⴰⵏ ⵍⴼⴰⵉⴷⴰ ⴷ ⵓⵙⵏⴻⵔⵏⵉ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵙⴻⵍⵎⴻⴷ ⵏ ⵍⵎⴻⵀⵏⴰ ⴷ ⵜⵉⵍⵉⵡⴰ ⵉ ⵉⵛⵓⴷⴷⴻⵏ ⴳⴰⵔ ⵓⵖⴻⵔⴱⴰⵣ ⴷ ⵡⴰⵏⵏⴰⵔ ⵏ ⵓⵅⴻⴷⴷⵉⵎ, ⵉⵡⴰⴽⴽⴻⵏ ⵉⵍⵎⴻⵣⵢⴻⵏ-ⵏⵏⴻⵖ ⴰⴷ ⴷ-ⴰⵡⵉⵏ ⵜⵣⴻⵎⵎⴰⵔ ⵉ ⵜⴻⵏ-ⵢⴻⵣⵣⴻⵡⵉⵔⴻⵏ ⴰⴷ ⴽⴻⵛⵎⴻⵏ ⵣⵉⴽ ⵖⴻⵔ ⵓⵅⴻⴷⴷⵉⵎ ⵏⴻⵖ ⴰⴷ ⴱⴷⵓⵏ ⵉⵙⴻⵏⴼⴰⵔⴻⵏ-ⵏⵙⴻⵏ ⵏ ⵜⵎⴻⴳⵔⵓⴷⴰⵜ.
ⴰⵙⵍⵡⴰⵢ ⵏ ⵓⵙⵇⵓⵎⵓ ⵢⴻⵏⵏⴰ-ⴷ ⴱⴻⵍⵍⵉ ⵜⵣⴻⵎⵎⴰⵔ ⵏ ⵓⴼⵓⵙ ⴷ ⵜⵉⵏ ⵏ ⵓⵇⴻⵔⵔⵓ ⵙⴻⵄⴰⵏⵜ ⴰⵣⴰⵍ ⴰⵎ ⵓⴳⴻⵔⴷⴰⵙ, ⵢⴻⵔⵏⴰ ⴰⵙⴻⵍⵎⴻⴷ ⵏ ⵍⵎⴻⵀⵏⴰ ⴷ ⵍⵇⴰⵏⵓⵏ ⵏ ⵜⵎⴻⵜⵜⵉ ⵉⵎⵉ ⵉ ⴷ-ⵉⵜⵜⴻⵍⴷⴰⵢ ⴰⴱⵔⵉⴷ ⵏ ⵔⵔⴻⴱⴰⵃ ⵉ ⵢⴰⵍ ⵢⵉⵡⴻⵏ. ⵢⴻⵔⵏⴰ-ⴷ ⴱⴻⵍⵍⵉ ⵜⵉⵎⵓⵔⴰ ⵉ ⵉⵙⵙⴻⴼⵜⵢⴻⵏ ⴷⴻⴳ ⵓⵏⵔⴰⵔ-ⴰⴳⵉ ⴼⵓⴽⴽⴻⵏⵜ ⵓⴳⴰⵔ ⵏ ⵡⵓⴳⵓⵔ ⵏ ⵡⵉⴷ ⵓⵔ ⵏⵅⴻⴷⴷⴻⵎ ⴰⵔⴰ.
ⵎⴰⵙⵙ ⵏⴰⵙⵔⵉ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵥⵔⴰ ⴱⴻⵍⵍⵉ ⴰⵙⵙⴻⵎⵔⴻⵙ ⵏ ⵍⵎⴰⵍ ⴷⴻⴳ ⵏⴱⵉⴰⴷⴻⵎ ⴷ ⵡⵉⵏ ⵢⴻⵍⵍⴰⵏ ⴷ ⵍⵙⴰⵙ. ⴷⴰⵢⵎⵉ ⵉ ⴷ-ⵢⴻⵍⵍⴰ ⵓⵙⵎⵓⴷⴻⵔⵏⵉ ⵏ ⵍⴻⴱⵡⴰⴱⴻⵍ ⵏ ⵓⵙⴻⵍⵎⴻⴷ ⴷⴻⴳ ⵢⵉⵃⵔⵉⵛⴻⵏ ⵏ ⵍⵎⴻⴳⵔⵓⴷⴰⵜ, ⵜⴼⴻⵍⵍⴰⵃⵜ, ⴷ ⵜⴷⴰⵎⵙⴰ ⵏ ⵜⴳⵔⵉⵜ ⴷ ⵓⵙⵉⵙⵔⴻⴷ ⵏ ⵡⴰⵎⴰⵏ ⵏ ⵢⵉⵍⴻⵍ. ⴷⴻⴳ ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵢⴻⵔⵔⴰ-ⴷ ⴰⵣⴰⵍ ⵉ ⵓⵏⵔⴰⵔ-ⴰⴳⵉ ⵉⵎⵉ ⴷ ⴰⵃⵔⵉⵛ ⴷⴻⴳ ⵓⵙⴻⵏⴼⴰⵔ ⵏ ⵜⴻⴳⴷⵓⴷⴰ ⵜⴰⵎⴰⵢⵏⵓⵜ ⵉⵡⴰⴽⴽ ⴰⵙⴻⵍⵎⴻⴷ ⴰⴷ ⵢⴻⵇⵇⴻⵏ ⴷ ⵡⴰⵏⵏⴰⵔ ⵏ ⵓⵅⴻⴷⴷⵉⵎ.
ⴰⵔⵏⵓ ⵖⴻⵔ
