ⵍⴻⵣⵣⴰⵢⴻⵔ - ⴰⵙⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⵇⵓⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵙⵙ-ⴰⴳⵉ ⵏ ⵍⵃⴻⴷ, ⵢⴻⴱⵔⴰ-ⴷ ⵙ ⵡⴰⵡⴰⵍ ⵏ ⴷⴷⵓⵍⴰ ⵉⵡⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴷⴻⴳ ⵜⴰⵍⵍⴰⵍⵜ ⴷ ⵓⵙⴻⴱⵖⴻⵙ ⵏ ⵢⵉⵚⴻⴳⴳⴰⴷⴻⵏ. ⴰⵢⴰ ⵢⴻⵍⵍⴰ-ⴷ ⵙ ⵍⵎⵄⴰⵡⵏⴰ ⴷ ⵓⵙⴻⵎⵔⴻⵙ ⵏ ⵜⵙⴻⴱⵖⴰⵙ ⵉⵡⴰⴽⴽⴻⵏ ⴰⴷ ⵢⴰⵍⵉ ⵓⴳⴻⵎⵎⵓ ⵏ ⵍⵖⴻⵍⵍⴰ ⵏ ⵢⵉⵍⴻⵍ ⵏ ⵍⴻⵣⵣⴰⵢⴻⵔ ⵙ ⵜⴰⵔⵔⴰⵢⵉⵏ ⵜⵓⵔⴰ, ⴰⵛⴽⵓ ⵜⵓⵎⴰⵏⵜ ⵏ ⵍⴰⵎⴰⵏ ⵏ ⵍⵎⴰⴽⵍⴰ ⴷ ⴷⴷⵉⵎⵎⴰ ⵜⴰⵎⴻⵣⵡⴰⵔⵓⵜ. ⴰⵙⵍⵡⴰⵢ ⵢⵓⵎⴻⵕ ⴷⴰⵖⴻⵏ ⵉⵡⴰⴽⴽⴻⵏ ⴰⴷ ⴷ-ⴳⵔⴻⵏ ⵜⴰⴷⵓⴽⵍⵉ ⵏ ⵢⵉⵚⴻⴳⴳⴰⴷⴻⵏ ⴷⴻⴳ ⵢⴰⵍ ⵔⵔⴰⵢ ⵉ ⴷ-ⵉⵜⴻⴼⴼⵖⴻⵏ ⵖⴻⴼ ⵓⵏⵔⴰⵔ-ⴰⴳⵉ.
ⴷⴻⴳ ⵓⵏⵔⴰⵔ ⵏ ⵓⵥⵓ ⵏ ⵜⵜⴻⵊⵔⴰ, ⵢⴻⵙⵙⴻⵔⵙ ⵍⵡⴻⵔⵔⴻⵟ ⵉ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⵉⵡⴰⴽⴽⴻⵏ ⴰⴷ ⵉⵙⴻⵇⴷⴻⵛ ⵜⵓⵔⴰ (ⵍⴰ ⵎéⵛⴰⵏⵉⵙⴰⵜⵉⵓⵏ) ⵉ ⵓⴳⴻⵎⵎⵓ ⵏ ⵜⵜⴻⵊⵔⴰ ⵏ ⵍⴼⴰⴽⵢⴰ, ⵍⴰⴷⵖⴰ ⵜⵉⵏ ⵉ ⴷ-ⵉⵜⵜⴰⴽⴻⵏ ⵜⴰⴷⴰⵎⵙⴰ ⵏ ⵍⵄⴰⵍⵉ ⴰⵎ ⵜⵜⴻⵊⵔⴰ ⵏ "ⵡⴰⵔⴳⴰⵏ".
ⵙ ⵍⵊⵉⵀⴰ ⵏⵏⵉⴹⴻⵏ, ⴰⵙⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴻⵃⵜⴰⵎ ⵉⵡⴰⴽⴽⴻⵏ ⴰⴷ ⵢⴻⴱⴷⵓ ⵓⵅⴻⴷⴷⵉⵎ ⴷⴻⴳ ⵍⵎⴻⵏⵊⴻⵎ ⵏ ⵣⵣⴻⵏⴽ ⴷ ⵕⵕⵚⴰⵚ ⵏ ⵉⵡⴰⵙⵉⴼ ⵏ ⴰⵎⵉⵣⵓⵓⵔ (ⵡⵉⵍⴰⵢⴰ ⵏ ⴱⴳⴰⵢⴻⵜ) ⴷⴻⴳ ⵡⴰⴳⴳⵓⵔ ⵏ ⵎⴻⵖⵔⴻⵙ 2026. ⴰⵙⴻⵏⴼⴰⵔ-ⴰⴳⵉ ⴰⴷ ⴷ-ⵢⴻⴼⴽ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴷ ⵍⴼⴰⵢⴷⴰ ⵜⴰⵎⴻⵣⵡⴰⵔⵓⵜ ⵉ ⵜⴻⵎⵏⴰⴹⵜ-ⴰⴳⵉ ⴷ ⵍⴻⵣⵣⴰⵢⴻⵔ ⵙ ⵓⵎⴰⵜⴰ.
ⴰⵙⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⴰⵙⵙⴻⵎⵔⴻⵙ ⵏ ⵍⵎⴰⵍ ⵏ ⴷⴷⵓⵍⴰ ⴷⴻⴳ ⵓⵏⵔⴰⵔ ⵏ ⵍⵎⴻⵏⴰⵊⵉⵎ ⴷ ⵍⵙⴰⵙ ⴰⵎⴰⵢⵏⵓⵜ ⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⵉⵜ ⵉ ⵜⵙⵓⵜⵉⵡⵉⵏ ⵉ ⴷ-ⵉⵜⴻⴷⴷⵓⵏ. ⵢⵓⵎⴻⵕ ⵉⵡⴰⴽⴽⴻⵏ ⵙⵙⴻⴽⴽⴰ ⵏ ⵡⵓⵣⵣⴰⵍ ⵏ ⵍⵎⴻⵏⴰⵊⵉⵎ (ⴱⵍⴻⴷ ⴻⵍ ⵀⴰⴷⴱⴰ – ⵍⵎⴻⵔⵚⴰ ⵏ ⵄⴻⵏⵏⴰⴱⴰ) ⴰⴷ ⵜⴼⵓ ⴷⴻⴳ ⵜⴰⴳⴳⴰⵔⴰ ⵏ 2026, ⵉⵡⴰⴽⴽⴻⵏ ⴰⴷ ⵏⴻⵔⵏⵓ ⴷⴻⴳ ⵍⵖⴻⵍⵍⴰ ⵏ ⵢⴻⵙⵎⴰⴷⴻⵏ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵜⵙⵜⵔⴰⵜⴻⴳⵉⵜ ⵏ ⵓⴱⴻⴷⴷⴻⵍ ⵏ ⵜⴷⴰⵎⵙⴰ ⵉⵡⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜ-ⴼⴼⴻⵢ ⵙⴻⴳ ⵍⵃⴻⴽⵎⴰ ⵏ ⵓⴱⵉⵟⵔⵓⵍ ⴷ ⵍⴳⴰⵣ.
ⴰⵔⵏⵓ ⵖⴻⵔ
