ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴱⴻⵔⵔⴻⵃ-ⴷ ⵡⴰⵙⵉⵔⴰ ⴰⵖⴻⵍⵏⴰⵡ ⵏ ⵍⵃⴻⵊⵊ ⴷ ⵍⵄⵓⵎⵔⴰ, ⴰⵙⵙ-ⴰ ⵏ ⵜⵜⵍⴰⵜⴰ, ⵉ ⵎⴰⵕⵕⴰ ⵉⵎⴻⵣⴷⴰⵖ ⵉ ⵢⴻⴱⵯⴰⵏ ⴰⴷ ⵔⵣⵓⵏ ⵖⴻⵔ ⵍⵃⴻⵊⵊ ⴷⴻⴳ ⵜⵙⵓⵜⵍⵜ-ⴰⴳⵉ, ⴱⴻⵍⵍⵉ ⴰⴼⵔⴰⵢ ⵏ ⵡⴻⴷⵔⵉⵎ ⵏ ⵍⵃⴻⵊⵊ ⴰⴷ ⵢⴻⴱⴷⵓ ⴰⵣⴻⴽⴽⴰ ⵏ ⵍⴰⵔⴱⵄⴰ 28 ⵢⴻⵏⵏⴰⵢⴻⵔ 2026. ⴰⵜⵉⴳ (ⵙⵙⵓⵎⴰ) ⵏ ⵍⵃⴻⵊⵊ ⵢⴻⵍⵍⴰ ⴷ ⵜⴰⵎⵔⴰⵡⵉⵏ ⴷ ⵙⵏⴰⵜ ⵏ ⵢⵉⵎⵍⵢⵓⵏⴻⵏ ⵏ ⵙⴻⵏⵜⵉⵎ (82).
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵡⴰⵙⵉⵔⴰ, ⴰⴼⵔⴰⵢ-ⴰⴳⵉ ⵣⴻⵎⵔⴻⵏ ⵢⵉⵎⴷⴰⵏⴻⵏ ⴰⴷ ⵜ-ⴳⴳⴻⵏ ⵙ ⵡⴰⵍⵍⴰⵍⴻⵏ ⵏ ⵓⵎⴹⴰⵏ (digital) ⵙ ⵜⴽⴰⵔⵟⴰ ⵏ ⵍⴱⴰⵏⴽ (CIB ⵏⴻⵖ ⵜⴰⴷⴻⵀⴰⴱⵉⵢⵜ) ⴷⴻⴳ ⵜⴱⵓⵔⵜ ⵜⴰⵣⵣⴰⵢⵔⵉⵜ ⵏ ⵍⵃⴻⵊⵊ. ⵣⴻⵎⵔⴻⵏ ⴷⴰⵖⴻⵏ ⴰⴷ ⴼⵔⴰⵢⴻⵏ ⵙ ⵜⴽⴰⵔⵟⴰ-ⴰⴳⵉ ⴷⴻⴳ ⵡⴰⵍⴰⵜⴻⵏ ⵏ ⵓⴼⵔⴰⵢ ⵢⴻⵍⵍⴰⵏ ⴷⴻⴳ ⵜⴼⵓⵔⴽⵉⵏ ⵏ ⵍⴱⴰⵏⴽ ⵏ ⵍⵣⵣⴰⵢⴻⵔ.
ⵖⴻⵔ ⵜⴰⵎⴰ ⵏ ⵡⴰⵢⴰ, ⵢⴻⵍⴷⴰ ⵓⴱⵔⵉⴷ ⵉ ⵡⵉⴷ ⵢⴻⴱⵯⴰⵏ ⴰⴷ ⴼⵔⴰⵢⴻⵏ ⵙ ⵓⵚⴻⴽ ⵏ ⵍⴱⴰⵏⴽ ⵏⴻⵖ ⵙ ⵡⴻⴷⵔⵉⵎ ⵓⵏⵚⵉⴱ (cash) ⴷⴻⴳ ⵍⴱⴰⵏⴽ ⵉⵎⵉⵔⴻⵏ ⴽⴰⵏ.
ⴷⴻⴳ ⵜⴰⴳⴳⴰⵔⴰ, ⴰⵙⵉⵔⴰ ⵏ ⵍⵃⴻⵊⵊ ⵢⴻⵏⵏⴰ-ⴷ ⴱⴻⵍⵍⵉ ⵍⵡⴻⵇⵜ ⵢⴻⵇⵇⴻⵔ, ⵢⴻⵔⵏⴰ ⵢⴻⵍⵀⴰ ⴰⴷ ⴼⵔⴰⵢⴻⵏ ⵢⵉⵎⴷⴰⵏⴻⵏ ⵣⵉⴽ ⵉ ⵡⴰⴽⴽⴻⵏ ⴰⴷ ⵅⴹⵓⵏ ⵉ ⵡⵓⵄⵟⴻⵍ ⵉ ⵢⴻⵣⵎⴻⵔ ⴰⴷ ⵢⴻⴳ ⵛⵛⵡⴰⵍ ⵉ ⵍⴻⵇⴷⵉⵛ ⵏ ⵓⵃⴻⴳⴳⵉ ⵏ ⵜⵓⵣⵣⵢⴰ-ⴰⴳⵉ ⵖⴻⵔ ⵜⵎⵓⵔⵜ ⵜⵓⵇⴷⵉⵙⵜ.
ⴰⵔⵏⵓ ⵖⴻⵔ
