ⴰⵎⴰⵔⵉ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵔⵔⴰ, ⵎⴰⵙⵙ ⵍⵓⵏⴰⵙ ⵎⴻⵇⵔⴻⵎⴰⵏ, ⵢⴻⵙⵍⴻⵡⵉ ⴰⵙⵙ-ⴰ ⵏ ⴰⵔⵉⵎ ⴷⴻⴳ "ⵔⵉⴳⴰ", ⵜⴰⵎⴰⵏⴻⵖⵜ ⵏ ⵍⴰⵜⴼⵢⴰ, ⴷ ⵓⵎⴰⵡⵉⵏ ⵏ ⴷⴷⵓⵍⴰ ⵏ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵔⵔⴰ ⵏ ⵍⴰⵜⴼⵢⴰ, ⵎⴰⵙⵙ ⴰⵏⴷⵣⴻⵊⵙ ⴼⵉⵍⵓⵎⵙⵓⵏⵣ, ⵜⵉⵎⵍⵉⵍⵉⵜ ⵜⵉⵙ ⵙⵏⴰⵜ ⵏ ⵓⵙⵇⴻⵔⴷⴻⵛ ⴰⵙⴻⵔⵜⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⴰⵜⴼⵢⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵊⵊⴰ-ⵜⴻⵏ ⴰⴷ ⵡⴰⵍⵉⵏ ⴰⵎⴻⴽ ⵍⵍⴰⵏ ⵢⴰⵙⵙⴰⵔⴻⵏ ⵏ ⵜⴷⵓⴽⵍⵉ ⴳⴰⵔ ⵍⴻⵣⵣⴰⵢⴻⵔ ⴷ ⵍⴰⵜⴼⵢⴰ, ⵍⵍⵉ ⵢⴻⴱⵏⴰⵏ ⵖⴻⴼ ⵡⴰⵣⴰⵍ ⴷ ⵓⵙⴻⴷⴷⴰⵍⵉ, ⵢⴻⵔⵏⴰ ⵎⴻⵙⵍⴰⵢⴻⵏ ⵖⴻⴼ ⵡⴰⵎⴻⴽ ⴰⵔⴰ ⵙⵙⴻⵊⵀⴷⴻⵏ ⵍⵇⴰⵍⴻⴱ ⵏ ⵍⵇⴰⵏⵓⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵎⵢⴰⵡⴰⵙ ⴳⴰⵔ-ⴰⵙⴻⵏ, ⵍⴰⴷⵖⴰ ⵙ ⵓⵙⴻⵊⵀⴻⴷ ⵏ ⵓⵔⵣⵓ ⵏ ⵢⵉⵎⴻⵙⵏⵉⵢⴻⵏ ⵏ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵓⵃⵔⵉⵛ-ⴰⴳⵉ, ⵙⵏⴻⴽⴷⴻⵏ-ⴷ ⵍⴻⴱⵖⵉ-ⵏⵙⴻⵏ ⵉⵡⴰⴽⴽⴻⵏ ⴰⴷ ⵙⵙⴻⵊⵀⴷⴻⵏ ⴰⵎⵢⴰⵡⴰⵙ ⴷⴻⴳ ⵓⴷⴰⵎⴰⵙ ⴷ ⵜⵏⴻⵣⵣⵓⵜ, ⵍⴰⴷⵖⴰ ⴷⴻⴳ ⵜⵉⴽⵏⵓⵍⵓⵊⵉⵜ ⵏ ⵓⵎⵙⴰⵡⴰⴹ, ⵜⵓⵙⵙⵏⴰ ⵏ ⵓⴱⴻⵟⵟⴰⵔ, ⵜⵉⴽⴻⴱⴱⴰⵏⵉⵢⵉⵏ ⵏⵏⵉⵢⴰⵜⴻⵏ ⴰⵙⴻⴼⵜⴻⴽ , ⴰⵙⴻⵍⵎⴻⴷ ⵓⴼⴼⴻⵍ ⴷ ⵓⵏⴰⴷⵉ ⵏ ⵜⵓⵙⵙⵏⴰ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⴰⵎⵢⴰⵡⴰⵙ ⵏ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ, ⵎⵙⴻⴼⵀⴰⵎⴻⵏ ⴰⴷ ⵙⵙⴻⵊⵀⴷⴻⵏ ⴰⵎⵢⴰⵡⴰⵍⴰ ⴷⴻⴳ ⵢⵉⴳⵔⴰⵡⴻⵏ ⵉⴳⵔⴰⵖⵍⴰⵏⴻⵏ. ⵎⴰⵙⵙ ⵍⵓⵏⴰⵙ ⵎⴻⵇⵔⴻⵎⴰⵏ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⴰⴷ ⵜⴻⴱⴹⵓ ⵜⵉⴽⵜⵉⵡⵉⵏ-ⵉⵙ ⴷ ⵍⴰⵜⴼⵢⴰ ⴷⴻⴳ ⵓⵙⵇⴰⵎⵓ ⵏ ⵍⴰⵎⴰⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ , ⵉⵎⵉ ⵍⴰⵜⴼⵢⴰ ⵜⵓⴽⴽⵙⴻⵎ ⴷ ⴰⵄⴻⴳⴳⴰⵍ ⵏ ⵍⵎⴻⵔⵃⴰⵍⴰ (2026-2027) ⵉ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ.
ⴷⴻⴳ ⵜⴰⴳⴳⴰⵔⴰ, ⵎⴻⵙⵍⴰⵢⴻⵏ ⵖⴻⴼ ⵜⴻⵎⵙⴰⵍ ⵏ ⴷⴷⵓⵏⵉⵜ ⴷ ⵜⵎⵉⵡⴰ-ⵏⵙⴻⵏ ⵍⵍⵉ ⵉ ⵜⴻⵏ-ⵉⵛⵓⴷⴷⴻⵏ ⴷ ⵓⴱⴻⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴳⴰⵔ-ⴰⵙⴻⵏ.
ⴰⵔⵏⵓ ⵖⴻⵔ
