ⴷⴻⴳ ⵓⵙⴰⵜⴰⵔ ⵏ ⵍⴻⵇⴷⵉⵛ ⵏ ⵜⵖⵉⵎⵉⵜ ⵜⵉⵙ ⵙⵏⴰⵜ ⵏ ⵜⵙⵇⴰⵎⵓⵜ ⵜⴰⵎⵛⴰⵔⵓⴽⵜ ⵜⴰⵎⴻⵇⵔⴰⵏⵜ ⵜⴰⵍⵣⵣⴰⵢⵔⵉⵜ–ⵜⴰⵏⵏⵉⵊⴻⵔⵉⵜ ⵉ ⵓⵎⵢⴰⵡⴰⵔ, ⵉ ⵢⴻⵙⵙⴻⵍⵡⴰ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⴰⴽⴽⴻⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵏⵏⵉⵊⴻⵔ ⵎⴰⵙⵙ ⵄⴰⵍⵉ ⵍⴰⵎⵉⵏ ⵣⵉⵏ ⵎⴻⵀⵎⴰⵏ, ⴷⴻⴳ ⵡⵓⵙⵙⴰⵏ ⵏ 23 ⴷ 24 ⵎⴰⵔⵙ 2026 ⴷⴻⴳ ⵓⵎⵎⴰⵙ ⴰⴳⵔⴰⵖⵍⴰⵏ ⵏ ⵜⵉⵎⵍⵉⵍⵉⵢⵉⵏ "ⵎⴰⵀⴰⵜⵎⴰ ⴳⴰⵏⴷⵉ" ⴷⴻⴳ ⵏⵢⴰⵎⵉ, ⵜⴻⴽⴽⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵍⴻⵖⵎⵓ ⴷ ⵓⵙⴻⵍⵎⴻⴷ ⵉⵣⵣⵓⵍⴰⵏⴻⵏ ⴷⴻⴳ ⵜⵔⴰⴱⴱⵓⵜ ⵜⴰⵏⴻⵖⵍⴰⴼⵜ ⵉ ⴷ-ⵢⴻⵔⵣⴰⵏ.
ⴷⴻⴳ ⵜⵎⴰⴷⵉⵏ ⵏ ⵍⴻⵇⴷⵉⵛ-ⴰ, ⵜⴻⴳⴳⴰ ⵜⵏⴻⵖⵍⴰⴼⵜ ⵏ ⵓⵙⵍⴻⵖⵎⵓ ⴷ ⵓⵙⴻⵍⵎⴻⴷ ⵉⵣⵣⵓⵍⴰⵏⴻⵏ ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵓⵎⴰⵀⵉⵍ ⵜⵓⵙⵍⵉⴳⵜ ⴰⴽⴽⴻⴷ ⵓⵏⴻⵖⵍⴰⴼ ⵏ ⵏⵏⵉⵊⴻⵔ, ⵎⴰⵙⵙ ⴼⴰⵔⵎⵓ ⵎⵓⵎⵓⵏⵉ, ⴷⴻⴳ ⵓⵙⴻⴳⵏⴰⵙ ⵏ ⵜⵏⴻⵖⵍⴰⴼⵜ ⴷⴻⴳ ⵏⵢⴰⵎⵉ. ⵙⵇⴻⵔⴷⵛⴻⵏ ⴼ ⵜⴰⵔⵔⴰⵢⵉⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵔ ⴷⴻⴳ ⵓⵃⵔⵉⵛ ⵏ ⵓⵙⵍⴻⵖⵎⵓ ⴰⵣⵣⵓⵍⴰⵏ.
ⴷⴻⴳ ⵜⵉⵎⵍⵉⵍⵉⵜ-ⴰ, ⵜⴻⵜⵜⵡⴰⵙⴻⵔⵔⴻⵙ ⵜⴰⴽⴰⵔⴹⴰ ⵏ ⵓⴱⵔⵉⴷ ⵜⴰⵎⵛⴰⵔⵓⴽⵜ ⵙ ⵡⴰⴽⵓⴷⴻⵏ ⵢⴻⵜⵜⵡⴰⴼⵔⴻⵏ, ⵢⴻⵔⵣⴰⵏ ⵍⴰⴷⵖⴰ ⴰⵙⵍⴻⵖⵎⵓ ⵏ ⵢⵉⵎⵙⴻⵍⵖⵎⴰⵏ ⴷ ⵓⵙⵉⵍⵉ ⵏ ⵜⵎⵓⵙⵏⵉⵡⵉⵏ-ⵏⵙⴻⵏ, ⴷ ⵓⵙⴻⵏⴼⴻⵍ ⵏ ⵢⵉⴹⵔⵉⵙⴻⵏ ⵉⵙⴻⴳⵎⴰⵏⴻⵏ, ⴰⴽⴽⴻⴷ ⵓⴼⴽⴰ ⵏ ⵜⴰⵍⵍⴻⵍⵜ ⵜⴰⵜⵉⵇⵏⵉⵜ ⵉ ⵓⵙⴻⴳⵎⴻⵏ ⴷ ⵓⵙⵡⴻⵙⵄⴻⵏ ⵏ ⵜⵙⵏⴰⵡⵉⵜ ⵏ ⵜⴷⵓⴽⵍⵉ ⵜⴰⵍⵣⵣⴰⵢⵔⵉⵜ-ⵜⴰⵏⵏⵉⵊⴻⵔⵉⵜ ⴷⴻⴳ "ⵣⴰⵏⴷⴰⵔ" (Zinder).
ⴷⴰⵖⴻⵏ, ⵢⴻⵍⵍⴰ-ⴷ ⵓⵙⴻⵏⴼⴻⵍ ⵏ ⵜⵎⵓⵙⵏⵉ ⵜⴰⵍⵣⵣⴰⵢⵔⵉⵜ ⴷⴻⴳ ⵓⵃⵔيⵛ ⵏ ⵓⵙⴱⴻⴷⴷ ⴷ ⵓⵙⴻⵍⵃⵓ ⵏ ⵡⵓⵎⵎⴰⵙⴻⵏ ⵏ ⵓⵙⵏⴻⴼⵍⵉ ⵏ ⵜⵎⵙⴻⵏⵜⵉⵜ (CDE) ⴷⴻⴳ ⵜⵎⵓⵔⵙⴰⵙ ⵏ ⵓⵙⵍⴻⵖⵎⵓ ⴷ ⵓⵙⴻⵍⵎⴻⴷ ⵉⵣⵣⵓⵍⴰⵏⴻⵏ, ⴰⴽⴽⴻⴷ ⵓⵙⴷⵓⵙ ⵏ ⵓⵎⵢⴰⵡⴰⵔ ⴷⴻⴳ ⵓⵃⵔⵉⵛ ⵏ ⵓⵙⴻⵍⵎⴻⴷ ⴰⵍⵉⴽⵜⵔⵓⵏⵉ ⴷ ⵓⵙⵍⴻⵖⵎⵓ ⴰⴳⴻⵊⵊⴰⵏ (ⴰⵏⵜⴰⵏⵙ).
ⴰⴱⵔⵉⴷ-ⴰ ⵢⴻⵙⵙⴻⴽⵏⴰⵢ-ⴷ ⵜⵓⵎⵢⵉⵏⵜ ⵜⴰⵎⵛⴰⵔⵓⴽⵜ ⵉ ⵓⴼⴻⵍ ⵙⴻⴳ ⵓⵙⴻⵏⴼⴻⵍ ⵏ ⵜⵎⵓⵙⵏⵉⵡⵉⵏ ⴰⵔ ⵓⵙⴽⵓⵛⵓⵎ ⵏ ⵢⵉⵙⴻⵏⴼⴰⵔⴻⵏ ⵉⵎⴰⴷⴷⵓⴷⴻⵏ, ⴰⵢⴰ ⴰⴷ ⵢⴰⵍⵍ ⴼ ⵓⵙⵎⴰⵢⵏⵓ ⵏ ⵢⵉⵏⴻⴳⵔⴰⵡⴻⵏ ⵏ ⵓⵙⵍⴻⵖⵎⵓ ⴰⵣⵣⵓⵍⴰⵏ ⴷ ⵓⵙⵉⵍⵉ ⵏ ⵜⴼⴻⵙⵏⴰ ⵏ ⵓⴼⴰⵔⴻⵙ, ⵙ ⵓⵎⵙⴰⵙⴰ ⴷ ⵜⵓⵜⵜⵔⵉⵡⵉⵏ ⵏ ⵓⵏⵏⴰⵔ ⵏ ⵓⵎⴰⵀⵉⵍ ⴷⴻⴳ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
