ⵉⵙⴷⴻⴷ ⵓⵙⵍⵡⴰⵢ ⵏ ⵜⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴻⴷⵊⵉⴷ ⵜⴻⴱⴱⵓⵏ, ⴰⵙⵙ ⴰ, ⴰⵔⴰⵎ, ⴱⴻⵍⵍⵉ ⴷⵣⴰⵢⴻⵔ ⵓⵔ ⵜⴻⵜⵜⴰⵊⵊⴰ ⵜⵓⵎⴰⵏⵜ ⵜⴰⵏⴰⵎⵓⵏⵜ ⵏ ⵜⵎⵓⵔⵜ, ⵉ ⵓⵙⵎⵉⵔⴻⴷ ⵏ ⵜⵉⴷⵎⵉ ⵏ ⵜⵙⴳⵓⵔⵜ ⵏ ⵡⴰⵎⴻⵣⵡⴰⵔⵓ ⵏ ⵡⴻⵏⵏⴰⵎⴻⵔ 1954.
ⴷⴻⴳ ⵢⵉⵡⴻⵏ ⵢⵉⵏⴰⵡ ⵉ ⵡⴻⴳⴷⵓⴷ ⴷⴰⵜ ⵓⴱⴻⵔⵍⴰⵎⴰⵏ ⵙ ⵢⵉⵅⴼⴰⵡⴻⵏ-ⵉⵙ ⵙⵉⵏ ⴷⴻⴳ ⵓⵅⴰⵎ ⵏ ⵜⵎⵓⵔⴰ (ⵇⴰⵚⵔ ⵍⵓⵎⴰⵎ), ⵢⴻⵏⵏⴰ ⵓⵙⵍⵡⴰⵢ ⵏ ⵜⴳⴷⵓⴷⴰ ⴱⴻⵍⵍⵉ "ⴷⵣⴰⵢⴻⵔ ⴷ ⵜⴰⵎⵓⵔⵜ ⵜⴰⵏⴰⵎⵓⵏⵜ ⵓⵔ ⵏⴻⵜⵜⴰⵊⵊⴰ ⴰⴱⵔⵉⴷ-ⴰ", ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵙⵍ ⵏ ⵜⵎⵓⵔⵜ ⵜⴰⴷⵣⴰⵢⵔⵉⵜ ⴷ ⵜⴰⵙⴳⵓⵔⵜ ⵏ ⵡⴰⵎⴻⵣⵡⴰⵔⵓ ⵏ ⵡⴻⵏⵏⴰⵎⴻⵔ 1954 ⵏⵏⵉ "ⵓⵔ ⵏⴻⵜⵜⴻⴱⴷⵉⵍ, ⵓⵔ ⵢⴻⵍⵍⵉ ⵡⴰⵢⴻⴹ ⵖⵉⵔ-ⴻⵙ".
ⴷⴻⴳ ⵓⵎⵏⴰⴹ-ⴰ, ⵢⴻⴱⴷⴻⵔ-ⴷ ⵜⵉⵙⴻⴼⵍⴰ ⵏ ⵢⵉⵛⵓⵀⴰⴷⴰ ⵉⵄⴻⵣⵣⵉⵣⴻⵏ ⵉ ⵢⴻⵙⴱⴻⴷⴷⴻⵏ ⵜⴰⵙⴳⵓⵔⵜ-ⴰ ⵢⴻⵔⵏⴰ ⵔⴼⴻⴷⴻⵏ ⵍⴱⴰⵔⵓⴷ ⵉ ⵓⴽⴽⴻⵙ ⵏ ⵓⵙⴽⴻⵔⵛⴻⴼ ⴷ "ⵓⵙⴱⴻⴷⴷⵉ ⵏ ⵜⵎⵓⵔⵜ ⵜⴰⵏⴰⵎⵓⵏⵜ, ⵜⴰⵎⴰⴳⴷⵓⵜ ⵙ ⵢⵉⵍⴻⴳⴳⵡⵉⵢⴻⵏ-ⵏⵏⴻⵖ ⵉⵏⴻⵙⵍⵎⴻⵏ".
ⵢⴻⵔⵏⴰ ⵢⴻⵏⵏⴰ-ⴷ ⵓⵙⵍⵡⴰⵢ ⵏ ⵜⴳⴷⵓⴷⴰ: "ⵓⵔ ⵏⴻⵜⵜⴻⵃⴱⵉⵙ ⵜⴰⵍⵍⴰⵍⵜ ⵜⴰⵏⴰⵎⵓⵏⵜ ⵉ ⵓⵎⴻⵣⴷⴰⵖ ⴰⵎⴻⴳⵏⵓ, ⴰⵛⴽⵓ ⴷ ⴰⵣⴻⵔⴼ-ⵉⵙ", ⵢⴻⴱⴷⴻⵔ-ⴷ ⴷⴻⴳ ⵓⵎⵏⴰⴹ-ⴰ ⵉⵍⵓⴳⴰⵏ ⴷ ⵢⵉⵙⴻⵏⴼⴰⵔⴻⵏ ⵉ ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵢⵉⵃⵔⵉⵛⴻⵏ ⵏ ⵜⵣⴻⴷⴷⵖⵜ, ⵓⵙⴻⵍⵎⴻⴷ, ⵜⴰⴷⴰⵡⵙⴰ ⴷ ⵡⵉⵢⴰⴹ, ⵢⴻⵔⵏⴰ ⵢⴻⵏⵏⴰ-ⴷ: "ⵓⵔ ⵜⴻⵍⵍⵉ ⵜⵎⵓⵔⵜ ⴷⴻⴳ ⵓⵎⴰⴹⴰⵍ ⵉ ⵢⴻⵙⵄⴰⵏ ⵜⴰⵙⵔⴻⵜ ⵜⴰⵏⴰⵎⵓⵏⵜ ⴰⵎ ⴷⵣⴰⵢⴻⵔ".
ⴰⵔⵏⵓ ⵖⴻⵔ
