ⵉⵙⴷⴻⴷ ⵓⵙⵍⵡⴰⵢ ⵏ ⵜⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴻⴷⵊⵉⴷ ⵜⴻⴱⴱⵓⵏ, ⴰⵙⵙ ⴰ ⵏ ⵓⵔⴰⵎ, ⵍⵊⴻⵀⴷ ⵏ ⵜⵎⵓⵔⵜ ⵉ ⵓⴽⴻⵎⵎⴻⵍ ⵏ ⵡⴰⴱⵔⵉⴷ ⵏ ⵢⵉⵙⴻⴳⴳⵉⵎⴻⵏ ⴷⴻⴳ ⴽⵓⵍ ⴰⵃⵔⵉⵛ, ⵖⴰⵙ ⵎⴰ ⵍⵍⴰⵏ ⵡⵉⴷ ⵉⵛⴻⵡⵡⵛⴻⵏ ⵙⵉ ⴷⴰⵅⴻⵍ ⵏⴻⵖ ⵙⵉ ⴱⴻⵔⵔⴰ.
ⴷⴻⴳ ⵢⵉⵏⴰⵡ-ⵉⵙ ⵉ ⵡⴻⴳⴷⵓⴷ ⴷⴰⵜ ⵓⴱⴻⵔⵍⴰⵎⴰⵏ ⵙ ⵢⵉⵅⴼⴰⵡⴻⵏ-ⵉⵙ ⵙⵉⵏ ⴷⴻⴳ ⵓⵅⴰⵎ ⵏ ⵜⵎⵓⵔⴰ (ⵇⴰⵚⵔ ⵍⵓⵎⴰⵎ), ⵢⴻⵏⵏⴰ ⵓⵙⵍⵡⴰⵢ ⵏ ⵜⴳⴷⵓⴷⴰ: "ⵙ ⵡⴰⵢⴻⵏ ⵉ ⴷ-ⵡⴻⵄⴷⴻⵖ, ⵅⴻⴷⵎⴻⵖ ⵢⴻⵔⵏⴰ ⴰⴷ ⴽⴻⵎⵎⵍⴻⵖ ⵙ ⵢⵉⵡⴻⵏ ⵏ ⵍⵊⴻⵀⴷ ⵉ ⵓⵇⴻⴷⴷⴻⵛ ⵏ ⵡⴻⴳⴷⵓⴷ ⴰⴷⵣⴰⵢⵔⵉ ⵢⴻⵔⵏⴰ ⴰⴷ ⵃⴰⵔⴱⴻⵖ ⵖⴻⴼ ⵍⴼⴰⵢⴷⴰ ⵏ ⵜⵎⵓⵔⵜ", ⵢⴻⵔⵏⴰ ⵢⴻⵙⴷⴻⴷ ⴱⴻⵍⵍⵉ: "ⵓⵔ ⴰⵖ-ⵜⴻⵜⵜⴻⴽⴽⴻⵙ ⵍⵡⵉⵄⵔⴰ ⵏⴻⵖ ⵜⵛⴻⵡⵡⵉⵛ ⵏ ⴷⴰⵅⴻⵍ ⴷ ⵡⵉⵏ ⵏ ⴱⴻⵔⵔⴰ ⵖⴻⴼ ⵢⵉⵙⵡⵉⵢⴻⵏ-ⵏⵏⴻⵖ".
ⵢⴻⴱⴷⴻⵔ-ⴷ ⴷⴻⴳ ⵓⵎⵏⴰⴹ-ⴰ ⴱⴻⵍⵍⵉ ⴰⴱⵔⵉⴷ ⵏ ⵢⵉⵙⴻⴳⴳⵉⵎⴻⵏ ⵢⴻⵜⵜⴽⴻⵎⵎⵉⵍ ⴷⴻⴳ ⴽⵓⵍ ⴰⵃⵔⵉⵛ ⴷ ⴽⵓⵍ ⵜⴰⵖⵓⵍⵜ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵎⵉⵔⴻⴷ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⴼⵍⵉⵜ ⵜⴰⵏⴰⵎⵓⵏⵜ ⴷ ⵓⵇⴻⴱⴱⴻⵍ ⵏ ⵡⴰⵢⴻⵏ ⵢⴻⵃⵡⴰⵊ ⵓⵎⴻⵣⴷⴰⵖ, ⵢⴻⵏⵏⴰ-ⴷ ⴱⴻⵍⵍⵉ ⵉⵙⴻⴳⴳⵉⵎⴻⵏ-ⴰ ⴷ ⵡⵉⴷ ⵢⴻⵜⵜⴽⴻⵎⵎⵉⵍⴻⵏ ⵉ ⵓⴹⵎⴰⵏ ⵏ ⵜⴼⴰⵡⵜ ⴷ ⵓⵙⴻⴷⴷⴻⵜ ⵏ ⵍⵃⴻⴽⵎ ⴰⵍⴰⵢⴻⵇ, "ⵙ ⵡⴻⴳⴷⵓⴷ ⵢⴻⵔⵏⴰ ⵉ ⵡⴻⴳⴷⵓⴷ, ⴷ ⵓⵏⴱⴰⴹ ⵏ ⵍⴼⴻⵙⴰⴷ".
ⵢⴻⵙⴷⴻⴷ ⴷⴰⵖⴻⵏ ⴱⴻⵍⵍⵉ "ⵜⴰⵖⴷⴻⵎⵜ ⴰⴷ ⵜⴻⴱⴷⴻⴷ ⴷⴰⵜ ⵏ ⴽⵓⵍ ⵜⵓⵎⴰⵏⵜ ⵏ ⵍⴼⴻⵙⴰⴷ ⴷ ⵡⵉⴷ ⵢⴻⵜⵜⴻⴼⴼⵖⴻⵏ ⵉ ⵡⴻⵛⵖⴰⵍ-ⵏⵏⴻⵙⵏ, ⵢⴻⵔⵏⴰ ⴰⴷ ⵜⵉⵍⵉ ⵜⵃⵓⴷⴷⵓⵢⵜ ⵉ ⵢⵉⵎⴻⵙⵍⴰⵢⴻⵏ ⵏ ⵜⵎⵓⵔⵜ ⵉⵃⴻⵇⵇⵉⵢⴻⵏ". ⴷⴻⴳ ⵢⵉⵡⴻⵏ ⵓⵎⵏⴰⴹ ⴰⵢⴻⴹ, ⵢⴻⴱⴷⴻⵔ-ⴷ ⵓⵙⵍⵡⴰⵢ ⴰⵙⴻⴳⴳⴻⵎ ⵏ ⵍⵇⴰⵏⵓⵏ ⵏ ⵜⵖⴷⴻⵎⵜ, ⵡⴰⵢⵉ "ⴷ ⵓⵙⵎⵉⵔⴻⴷ ⵏ ⵡⴰⵢⴻⵏ ⵉ ⴷ-ⵏⴻⵡⵡⴻⵄⴻⴷ ⵉ ⵢⵉⵔⴳⴰⵣⴻⵏ ⴷ ⵜⵍⴰⵡⵉⵏ ⵏ ⵓⵃⵔⵉⵛ-ⴰ".
ⴰⵔⵏⵓ ⵖⴻⵔ
