ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵎⴰⵙⵙ ⵎⵓⵓⵔⴰⴷ ⴰⴷⵊⴰⵍ, ⴷ ⵓⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵎⴰⵙⵙ ⴽⴰⵎⴻⵍ ⴱⴰⴷⴷⴰⵔⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⵏ ⵓⵎⵙⴰⵙⴻⵢ ⴳⴰⵔ ⵙⵉⵏ ⵏ ⵢⵉⵏⵏⴰⵔⴻⵏ-ⴰⴳⵉ. ⵜⵉⵎⵍⵉⵍⵉⵜ-ⴰⴳⵉ ⵜⴻⵡⵡⵉ-ⴷ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵏⴻⴼⵍⵉ ⵏ ⵓⵏⴰⴷⵉ ⴰⵎⴰⵙⵙⴰⵏ ⴷⴻⴳ ⵓⵏⵏⴰⵔ ⴰⵡⵓⵜⴰⵎⴰⵏ
ⵜⵉⵎⵍⵉⵍⵉⵜ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⵙⴻⴳⵍⴰⵡⴰⵢ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ ⴷ ⵡⴰⵟⴰⵙ ⵏ ⵢⵉⵎⴹⴻⴱⴱⵔⴻⵏ ⴷ ⵢⵉⵎⵓⵣⵣⴰⴳⴻⵏ ⵙⴻⴳ ⵙⵏⴰⵜ ⵏ ⵜⵏⴻⵖⵍⴰⴼⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉ ⵉ ⴷ-ⵢⴻⵙⵙⵓⴷⴷⵙⴻⵏ ⵜⵉⵎⵍⵉⵍⵉⵜ-ⴰⴳⵉ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵢⵉⵏⵏⴰⵔⴻⵏ ⵏ ⵓⵏⴰⴱⴰⴹ.
ⴷⴻⴳ ⵜⴰⵍⵍⵉⵜ-ⴰⴳⵉ, ⵎⴰⵙⵙ ⴰⴷⵊⴰⵍ ⵉⵙⵔⴻⵚ ⴱⴻⵍⵍⵉ "ⵜⴰⵏⴻⵖⵍⴰⴼⵜ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⵜⴻⵜⵜⴰⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⵎⵓⵀⴰⵍ ⵉ ⴷ-ⵉⵣⴻⵡⵡⵉⵔⴻⵏ ⵢⴻⵄⵏⴰⵏ ⴰⵙⵏⴻⴼⵍⵉ ⵏ ⵓⵙⴻⵎⵔⴻⵙ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ ⵉ ⵍⴻⵀⵏⴰ, ⵙ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⴰⵏⵏⴰⵔ ⵏ ⵜⵓⵊⵊⵢⴰ".
ⵉⵙⵙⴻⴼⵀⴻⵎ-ⴷ ⴱⴻⵍⵍⵉ "ⵓⵡⴻⵣⵣⵉ ⵏ ⵢⵉⵙⵡⵉⵢⴻⵏ-ⴰⴳⵉ ⵉⵙⵙⵓⵜⵜⵓⵔ ⴰⵙⴻⴶⵀⴻⴷ ⵏ ⵓⵏⴰⴳⵔⴰⵡ ⵏ ⵓⵏⴰⴷⵉ ⴰⵎⴰⵙⵙⴰⵏ ⴷ ⵓⵙⵉⵍⴻⵖ ⵓⴼⵔⵉⵏ, ⵉⵎⵉ ⴷ ⵏⵓⵜⵏⵉ ⵉ ⴷ ⵍⵍⵙⴰⵙ ⵉ ⵓⴹⴼⵉⵔⵉ ⵏ ⵢⵉⴱⴻⴷⴷⵉⵍⴻⵏ ⵉⵎⴰⵙⵙⴰⵏⴻⵏ ⴷ ⵓⵜⵉⴽⵏⵓⵍⵓⵊⵉ ⴷⴻⴳ ⵓⵏⵏⴰⵔ-ⴰⴳⵉ".
ⵙⴻⴳ ⵜⴰⵎⴰ-ⵙ, ⵎⴰⵙⵙ ⴱⴰⴷⴷⴰⵔⵉ ⵉⵙⵙⴻⵎⵖⴻⵔ ⵜⴰⵎⵓⵖⵍⵉ ⵉ ⴷ-ⵢⴻⵡⵡⵉ ⵓⵏⵏⴰⵔ ⵏ ⵜⵎⴻⵔⵔⵉ, ⵉⵙⵙⴻⴽⵏⴻⴷ ⴱⴻⵍⵍⵉ ⵓⵏⵏⴰⵔ-ⵉⵙ ⵡⵊⴻⴷ ⵉ ⵓⵙⴼⵓⵍⴻⵍ ⵏ ⵢⵉⵎⴰⵀⵉⵍⴻⵏ ⵉ ⵢⴻⴱⵖⴰⵏ ⴰⵙⵏⴻⴼⵍⵉ ⵏ ⵓⵏⴰⴷⵉ ⴰⵎⴰⵙⵙⴰⵏ ⴷ ⵓⵙⵉⵍⴻⵖ ⵓⴼⵔⵉⵏ ⴷⴻⴳ ⵢⵉⵏⵏⴰⵔⴻⵏ ⵢⴻⵄⵏⴰⵏ ⵜⴰⵎⴻⵔⵔⵉ ⵜⴰⵡⵓⵜⴰⵎⴰⵏⵜ ⴷ ⵓⵙⵏⴻⵙ-ⵉⵙ ⵉ ⵍⴻⵀⵏⴰ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⵓⵍⴼⵓ ⴷ ⵓⴼⴰⵔⵉⵙ ⵏ ⵜⵎⵓⵙⵏⵉ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵎⵜⴰⵡⴰⵏ ⵉⵡⴰⴽⴽⴻⵏ ⴰⴷ "ⴽⴻⵎⵎⵍⴻⵏ ⴷⴻⴳ ⵓⵎⵙⴰⵙⴻⵢ ⴷ ⵓⵎⵛⴻⵡⵡⴻⵔ ⴳⴰⵔ-ⴰⵙⴻⵏ, ⵓ ⴰⴷ ⵓⵖⴰⵍⴻⵏ ⵖⴻⵔ ⵜⴻⵣⵔⴰⵡⵜ ⵏ ⵡⴰⴷⴷⴰⴷ ⵏ ⵓⵎⴰⵀⵉⵍ ⵏ ⵓⵏⴰⴷⵉ ⴷⴻⴳ ⵜⵎⵓⵀⴰⵡⵜ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ, ⵙ ⵓⵙⵙⴻⵔⵔⴻⵙ ⵏ ⵜⴻⵣⵔⴰⵡⵉⵏ ⵍⵇⴰⵢⴻⵏ ⵉⵡⴰⴽⴽⴻⵏ ⴰⴷ ⵜⵜⵓⵏⴻⵎⵍⴻⵏⵜ ⵜⴰⵔⵔⴰⵢⵉⵏ ⵏ ⵓⵙⵓⴷⴷⴻⵙ ⴷ ⵜⴰⵔⵔⴰⵢⵉⵏ ⵜⵉⵎⴰⵙⵙⴰⵏⵉⵏ ⵉ ⵓⵙⴻⴶⵀⴻⴷ ⵏ ⵏⴼⴰⵄ ⵏ ⵓⵏⴰⴷⵉ ⴰⵎⴰⵙⵙⴰⵏ ⵉ ⵏⴼⴰⵄ ⵏ ⵢⵉⵙⵡⵉⵢⴻⵏ ⵏ ⵜⵎⵓⵔⵜ".
ⴰⵔⵏⵓ ⵖⴻⵔ
