ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⵓⵍⵍⴻⵖ-ⴷ ⵓⴷⴰⴱⵓ ⴰⵖⴻⵍⵏⴰⵡ ⴰⵎⵣⴰⵔⵓⴳ ⵏ ⵜⴻⴼⵔⴰⵏⵉⵏ, ⴰⵙⵙ ⵏ ⵓⵢⵏⴰⵙ, ⴷⴻⴳ ⵢⵉⵡⴻⵏ ⵏ ⵓⵍⵖⵓ, ⵜⴰⵛⵔⴰⵡⵜ ⵜⵉⵏⴻⵣⵡⴻⵔⵜ ⵏ ⵢⵉⴳⵎⴰⴹ ⵏ ⵓⵙⴻⴽⵢⴻⴷ ⵏ ⵢⵉⴽⴰⵔⴰⵎⴻⵏ ⵏ ⵜⴻⵙⴳⵓⵔⵉ ⵜⴰⵎⴻⵣⴷⴰⵢⵜ ⵏ ⵜⵉⵎⵎⴰⵣⵡⴻⵔⵜ ⴷⴻⴳ ⵓⴽⴰⵜⴰⵔ ⵏ ⵜⴻⴼⵔⴰⵏⵉⵏ ⵜⵉⵙⵉⴹⴼⴰⵏⵉⵏ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 2 ⵢⵓⵍⵢⵓ ⴷ-ⵉⵜⵜⴻⴷⴷⵓⵏ.
“ⵙ ⵓⵣⵔⴰⴽ ⵏ ⵜⴰⵏⴰⴹⵜ ⵜⴰⵙⴻⵍⵡⴰⵢⴰⵏⵜ 26-145 ⵏ 16 ⵛⴻⵡⵡⴰⵍ 1447 ⵢⴻⵎⵚⴰⴷⴰⵏ ⴷ 4 ⵢⴻⴱⵔⵉⵔ 2026 ⵢⴻⵔⵣⴰⵏ ⵜⵓⴱⴱⴽⴰ ⵏ ⵜⴼⴻⴽⴽⴰ ⵜⴰⴼⵔⴰⵏⴰⵏⵜ ⵉ ⵓⴼⵔⴰⵏ ⵏ ⵢⵉⵎⴰⵙⵍⴰⴹⴻⵏ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵙⵙ ⵏ ⵓⴽⵡⴰⵙ 2 ⵢⵓⵍⵢⵓ 2026, ⵢⴻⵔⵏⵓ ⵙ ⵓⵣⵔⴰⴽ ⵏ ⵡⴰⴽⴰⵜⴻⵏ ⵏ ⵜⵙⵓⵏⴹⴰ 21-01 ⵏ 26 ⵕⵊⴻⴱ 1442 ⵢⴻⵎⵚⴰⴷⴰⵏ ⴷ 10 ⵎⴻⵖⵔⴻⵙ 2021 ⵢⴻⵔⵣⴰⵏ ⴰⵙⴰⴹⵓⴼ ⴰⴳⵎⴰⵏⴰⵏ ⵢⴻⵇⵇⵏⴻⵏ ⵖⴻⵔ ⵓⵏⵀⵉⵍ ⴰⴼⵔⴰⵏⴰⵏ, ⵢⴻⵜⵜⵡⴰⵙⵏⴻⴼⵍⴻⵏ ⵢⴻⵔⵏⵓ ⵢⴻⵜⵜⵡⴰⵙⵙⵎⴻⴷ, ⴰⴷⴰⴱⵓ ⴰⵖⴻⵍⵏⴰⵡ ⴰⵎⵣⴰⵔⵓⴳ ⵏ ⵜⴻⴼⵔⴰⵏⵉⵏ ⵢⴻⵙⵙⵓⵍⵍⴻⵖ-ⴷ ⵜⴰⵛⵔⴰⵡⵜ ⵜⵉⵏⴻⵣⵡⴻⵔⵜ ⵏ ⵢⵉⴳⵎⴰⴹ ⵏ ⵓⵙⴻⴽⵢⴻⴷ ⵏ ⵢⵉⴽⴰⵔⴰⵎⴻⵏ ⵏ ⵜⴻⵙⴳⵓⵔⵉ ⵜⴰⵎⴻⵣⴷⴰⵢⵜ ⵏ ⵜⵉⵎⵎⴰⵣⵡⴻⵔⵜ”, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵍⵖⵓ-ⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴽⴰⵔⴰⵎⴻⵏ ⵏ ⵜⴻⵙⴳⵓⵔⵉ ⵜⴰⵎⴻⵣⴷⴰⵢⵜ ⵏ ⵜⵉⵎⵎⴰⵣⵡⴻⵔⵜ ⵢⴻⵔⵙⴻⵏ ⵙⴷⴰⵅⴻⵍ ⵜⵎⵓⵔⵜ, 788 ⵏ ⵢⵉⴽⴰⵔⴰⵎⴻⵏ ⵉ ⴷ-ⵢⴻⵜⵜⵡⴰⴽⴻⵍⵙⴻⵏ, ⴷⴻⴳ-ⵙⴻⵏ ⴰⵖⵔⵓⴷ ⵏ 10.168 ⵏ ⵢⵉⵎⴰⵣⵡⴰⵔⴻⵏ.
ⴰⵎⴹⴰⵏ ⵏ ⵡⵓⵎⵓⵖⴻⵏ ⵏ ⵢⵉⵎⴰⵣⵡⴰⵔⴻⵏ ⵢⴻⵜⵜⵡⴰⴷⴻⴳⴳⴻⵏ ⵢⴻⵡⵡⴻⴹ ⵖⴻⵔ 77 ⵏ ⵡⵓⵎⵓⵖⴻⵏ, ⴷⴻⴳ ⵡⴰⴽⵓⴷ ⵎⴰⵏⵉ 31 ⵏ ⵡⵓⵎⵓⵖⴻⵏ ⵜⵜⵡⴰⴳⴳⵓⵎⴰⵏ, ⴳⴰⵔ-ⴰⵙⴻⵏ 16 ⵏ ⵡⵓⵎⵓⵖⴻⵏ ⵖⴻⴼ ⵍǧⴰⵍ ⵏ ⵓⵎⴹⴰⵏ ⵓⵙⴹⵉⴼ ⵏ ⵢⵉⵎⵙⴻⵍⵖⴰⵡⴻⵏ ⵏ ⵓⵣⵎⴰⵍ ⴰⵜⴻⵔⵔⴰⵙⴰⵏ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵖⴻⴼ ⵍⴻⵃⵙⴰⴱ ⵏ ⵡⴰⴽⴰⵜⴻⵏ ⵏ ⵓⵎⴰⴳⵔⴰⴷ 202 ⵏ ⵓⵙⴰⴹⵓⴼ ⴰⴳⵎⴰⵏⴰⵏ ⵢⴻⵔⵣⴰⵏ ⴰⵏⵀⵉⵍ ⴰⴼⵔⴰⵏⴰⵏ, ⵢⴻⵜⵜⵡⴰⵙⵏⴻⴼⵍⴻⵏ ⵢⴻⵔⵏⵓ ⵢⴻⵜⵜⵡⴰⵙⵙⵎⴻⴷ.
ⵖⴻⴼ ⵍⴻⵃⵙⴰⴱ ⵏ ⵓⴷⴰⴱⵓ ⴰⵖⴻⵍⵏⴰⵡ ⴰⵎⵣⴰⵔⵓⴳ ⵏ ⵜⴻⴼⵔⴰⵏⵉⵏ, 680 ⵏ ⵡⵓⵎⵓⵖⴻⵏ ⵏ ⵢⵉⵎⴰⵣⵡⴰⵔⴻⵏ ⵉ ⵢⴻⵜⵜⵡⴰⵙⴽⴻⵢⴷⴻⵏ ⵢⴻⵔⵏⵓ ⵙⵓⵍⴻⵏ ⴳⴳⵓⵏⵉⵏ ⵉⴳⵎⴰⴹ ⵏ ⵜⴻⵔⴼⵓⵙⵉⵏ.
ⴰⵔⵏⵓ ⵖⴻⵔ
