ⵉⵎⵙⴰⵍⴰⵎ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴼⵜⵉⵜ ⵜⴰⵣⵣⴰⵢⵔⵉⵜ ⵏ ⵓⵙⵏⴻⵔⵏⵉ ⵏ ⵓⵙⴼⵓⴽⵜⵉ, OMAR REKKACHE, ⴰⵙⵙ-ⴰ ⵏ ⵍⴻⵜⵏⴻⵢⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴼⵜⵉⵜ ⵜⴰⴽⵓⵔⵉⵜ ⵏ ⵓⵙⵏⴻⵔⵏⵉ ⵏ ⵜⵏⴻⵣⵣⵓⵜ ⴷ ⵓⵙⴼⵓⴽⵜⵉ "KOTRA", JANG MYUNG-CHUL, ⵓ ⵡⴰⴳⵉ ⴷ ⴰⵙⵙⴻⵀⴻⴳ ⵉ ⵓⵙⵙⵓⴷⴷⴻⵙ ⵏ ⵓⵏⴳⴰⵔ ⴰⴷⴰⵎⵙⴰⵏ ⴰⵣⵣⴰⵢⵔⵉ-ⵉⴽⵓⵔⵉ, ⴷⴻⴳ ⴳⴳⵓⵔ ⵏ ⵡⵓⵎⴱⴻⵔ ⵉ ⴷ-ⵉⵟⴻⴷⴷⵓⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵙ ⵓⵏⵢⴰ ⵏ ⵓⵍⵖⵓ ⵏ ⵜⵏⴻⴼⵜⵉⵜ.
ⵢⴻⵍⵍⴰ ⵓⴳⵔⴰⵡ-ⴰ – ⵉ ⴷ-ⵉⵔⵏⴰ ⵓⵍⵖⵓ – ⴷ ⵜⴰⴳⵏⵉⵜ ⵉ ⵓⵙⴷⵉⵡⴻⵍ ⵖⴻⴼ ⵢⵉⵙⵡⵉⵔⵓⵏ ⵏ ⵓⵏⴳⴰⵔ-ⴰ ⴷ ⵢⵉⴼⵔⵉⵡⴻⵏ-ⵉⵙ, ⵍⴰⴷⵖⴰ ⴷⴻⴳ ⴰⵢⴻⵏ ⵉⵇⵇⵏⴻⵏ ⴰⵔ ⵓⵙⵙⴻⴽⵜⴰⵎ ⵏ ⵜⴳⵏⴰⵜⵉⵏ ⵏ ⵓⵔⵎⴰⴷ ⴷⴻⴳ ⵍⴻⵣⵣⴰⵢⴻⵔ ⴷ ⵓⵙⵙⴻⴽⵏⵓ ⵏ ⵜⴳⵏⴰⵜⵉⵏ ⵏ ⵓⵙⴼⵓⴽⵜⵉ ⵉ ⴷ-ⵉⵟⵟⵓⵏⵏⴻⴼⴽⴻⵏ ⵣⴷⴰⵜ ⵏ ⵜⵙⵓⴷⵡⵉⵏ ⵜⵉⴽⵓⵔⵉⵢⵉⵏ, ⵙ ⴰⵢⴻⵏ ⵉ ⴷ-ⵉⵟⴰⴽⴽⴻⵏ ⴰⴷⴻⵍⵍⴻⵍ ⵉ ⵓⵙⵙⴻⵏⴽⴻⵔ ⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⵉⵏ ⵏ ⵓⵙⴼⵓⴽⵜⵉ ⴷⴻⴳ ⵢⴻⵎⴳⴰⵔⵔⴰⴷⴻⵏ ⵏ ⵢⵉⴼⵓⵔⴽⴰ.
ⴷⴻⴳ ⵓⵏⴰⵔ-ⴰ, ⵉⵙⵙⴻⴳⵣⴰ-ⴷ ⵓⵎⵙⵓⴳⵓⵔ ⴰⴽⵓⵔⵉ ⴱⴻⵍⵍⵉ ⵍⴱⴰⵍ ⵏ ⵜⵙⵓⴷⵡⵉⵏ ⵏ ⵜⵎⵓⵔⵜ-ⵉⵙ ⵖⴻⴼ ⵓⵏⵏⴰⵔ ⴰⵣⵣⴰⵢⵔⵉ "ⵓⵔ ⵉⵟⵟⵓⵡⴻⵃⵃⴻⴹ ⴰⵔⴰ ⴽⴰⵏ ⵖⴻⴼ ⵜⴽⴻⴱⴱⴰⵏⵉⵢⵉⵏ ⵜⵉⴽⵓⵔⵉⵢⵉⵏ ⵉⵎⴻⵇⵇⵔⴰⵏⴻⵏ, ⴷⴻⴳ-ⵙⴻⵏⵜ ⴽⵔⴰⵏⴻⵜ ⵉ ⵅⴻⴷⴷⵎⴻⵏⵜ ⵉⵎⵉⵍ ⴰ ⵓⵙⵙⴻⴹⵔⵓ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⴼⵓⴽⵜⵉ ⴷⴻⴳ ⵍⴻⵣⵣⴰⵢⴻⵔ, ⵎⴻⵄⵏⴰ ⵉⵟⵟⴰⵍⵉ ⴷⴰⵖⴻⵏ ⴰⵔ ⵜⵙⵓⴷⵡⵉⵏ ⵜⵉⵎⵣⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ", ⵎⵉ ⵉ ⴷ-ⵉⵙⴰⵡⴻⵍ ⴰⵔ ⵓⵡⵡⴰⴹ ⵏ ⵜⵏⴻⴼⵜⵉⵜ "KOTRA", ⵉ ⵉⵟⵟⵓⵏⵙⴰⵍⴻⵏ ⴰⴽⴽⴻⴷ ⵜⵙⵓⴷⵡⵉⵏ ⵜⵉⴽⵓⵔⵉⵢⵉⵏ ⴷ ⵓⵙⵙⴻⴼⵙⴻⵙ ⵏ ⵓⵙⵙⴻⵎⵖⴻⵔ-ⵏⵙⴻⵏⵜ ⴰⵔ ⵢⵉⵏⵏⴰⵔⴻⵏ ⵉⴱⴻⵕⵕⴰⵏⵉⵢⴻⵏ, ⵏ "ⴰⵟⴰⵙ ⵏ ⵢⵉⵙⵙⵓⵜⴰⵔⴻⵏ ⵏ ⵍⴱⴰⵍ ⵙ ⵓⵙⴼⵓⴽⵜⵉ ⴷⴻⴳ ⵍⴻⵣⵣⴰⵢⴻⵔ".
ⵙⴻⴳ ⵜⴰⵎⴰ-ⵉⵏⴻⵙ, ⵉⴽⴽⴻⴷ-ⴷ REKKACHE ⵓⵜⵜⴻⴽⴽⵉ ⵏ ⵜⵏⴻⴼⵜⵉⵜ ⵜⴰⵣⵣⴰⵢⵔⵉⵜ ⵏ ⵓⵙⵏⴻⵔⵏⵉ ⵏ ⵓⵙⴼⵓⴽⵜⵉ ⵙ ⵓⵙⵙⵉⴽⵉ ⵏ ⵜⵙⵓⴷⵡⵉⵏ ⵜⵉⴽⵓⵔⵉⵢⵉⵏ ⴷⴻⴳ ⵓⵙⵙⴻⴹⵔⵓ ⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏⵜ, ⴷ ⵓⵅⴻⴷⴷⵉⵎ ⵖⴻⴼ ⵓⵙⵙⴻⴵⵀⴻⴷ ⵏ ⵜⵉⵏⴰ-ⵏⵙⴻⵏⵜ ⴷⴻⴳ ⵍⴻⵣⵣⴰⵢⴻⵔ ⴷ ⵓⵙⵙⵉⴽⵉ ⵏ ⵓⵙⴱⴻⴷⴷ ⵏ ⵜⵏⴻⴱⵍⴰⵖⵉⵏ ⵜⵉⵎⵓⴳⵔⴰⵏⵉⵏ, ⵉ ⴷ-ⵉⵔⵏⴰ ⵓⵍⵖⵓ.
ⴷⴻⴳ ⵜⴰⴳⴳⴰⵔⴰ ⵏ ⵓⴳⵔⴰⵡ, ⵢⴻⵍⵍⴰ-ⴷ ⵓⵕⴻⵚⵚⵉ ⵖⴻⴼ ⵡⴰⵣⴰⵍ ⵏ ⵓⵙⵙⴻⴼⵜⵉ ⵙⴻⴳ ⵜⵉⵔⵎⵉⵜⵉⵏ ⵉⵔⴱⴰⵃⴻⵏ ⵏ ⵜⵙⵓⴷⵡⵉⵏ ⵜⵉⴽⵓⵔⵉⵢⵉⵏ ⵉ ⵅⴻⴷⴷⵎⴻⵏ ⴷⴻⴳ ⵍⴻⵣⵣⴰⵢⴻⵔ, ⴰⵎ ⵢⵉⵡⴻⵏ ⵏ ⵓⵙⵙⵉⴽⵉ ⵉ ⵓⵙⵙⴻⵏⴽⴻⵔ ⵏ ⵓⴳⴰⵔ ⵏ ⵢⵉⵙⴼⵓⴽⵜⵉⵢⴻⵏ ⴷ ⵓⵙⵙⴻⴵⵀⴻⴷ ⵏ ⵜⵏⴻⴱⵍⴰⵖⵜ ⵜⴰⴷⴰⵎⵙⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴷ KOREA ⵏ ⵓⵏⵥⵓⵍ.
ⴰⵔⵏⵓ ⵖⴻⵔ
