ⴰⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵏ ⵓⴳⴷⵓⴷ ⴷ ⵜⵎⴻⵙⴻⵍⵍⵓⵜⵉⵏ ⵏ ⵍⵇⴰⵄⴰ, ⵄⴻⴱⴷⴻⵍⴽⴰⴷⴻⵔ ⴽⴰⵍⵍⴰⵓⵓⵉ, ⵢⴻⴼⴽⴰ-ⴷ ⴰⵙⵙ-ⴰⴳⵉ ⵏ ⵍⵃⴻⴷ ⵜⵉⵏⴻⴽⵎⴰⵔ ⵉⵡⴰⴽⴽⴻⵏ ⴰⴷ ⴷ-ⵙⵙⵉⵡⴹⴻⵏ ⵉⵙⴻⵏⴼⴰⵔⴻⵏ ⵎⴻⵔⵔⴰ ⵏ ⵓⵙⴻⴳⴳⴰⵙ ⵏ 2026, ⵍⴰⴷⵖⴰ ⴰⵙⵉⵣⴷⴻⴳ ⴰⵎⴻⵇⵇⵔⴰⵏ ⵏ ⵢⵉⴱⴻⵔⴷⴰⵏ ⵉⵖⴻⵣⴼⴰⵏⴻⵏ ⴷⴻⴳ ⵜⵎⵓⵔⵜ ⵎⴻⵔⵔⴰ, ⴰⵔⴰ ⴷ-ⵢⴻⴱⴷⵓⵏ ⵙⴻⴳ ⵓⵎⴰⵍⴰⵙ ⵉ ⴷ-ⵉⵜⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⴱⴱⵉⵜ ⵏ ⵜⵎⴰⵡⴰⵙⵜ.
ⴰⵏⴻⴱⴱⵉⵜ-ⴰⴳⵉ ⵉⵙⵙⴻⴳⵣⴰ-ⴷ ⴱⴻⵍⵍⵉ ⵜⵉⵏⴻⴽⵎⴰⵔ-ⴰⴳⵉ ⴷ ⵜⵉⴷ ⵉ ⴷ-ⵢⴻⴼⴽⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵓⵏⴻⵊⵎⴰⵄ ⵏ ⵓⵅⴻⴷⴷⵉⵎ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵀⵉⵍ ⵏ 2026, ⴷ ⵡⴰⵎⴻⴽ ⵉⵜⴻⴷⴷⵓ ⵓⵅⴻⴷⴷⵉⵎ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵜⵎⴰⵡⴰⵙⵜ, ⴰⵏⴻⵖⵍⴰⴼ ⵉⵙⴻⵍ ⵉ ⵢⵉⵙⴰⵔⴰⴳⴻⵏ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵜⵓⵔⴰ, ⵍⴰⴷⵖⴰ ⵡⵉⴷ ⵢⴻⵇⵇⵏⴻⵏ ⵖⴻⵔ ⵓⵙⵉⵣⴷⴻⴳ ⵏ ⵢⵉⴱⴻⵔⴷⴰⵏ ⵉⵖⴻⵣⴼⴰⵏⴻⵏ ⴷ ⵡⵉⴷ ⵏ ⵓⵙⵏⴻⵔⵏⵉ ⵏ ⵓⴱⵔⵉⴷ ⴷⴻⴳ ⵜⵎⵓⵔⵜ ⵎⴻⵔⵔⴰ.
ⵉⵍⵎⴻⵏⴷ ⵏ ⵜⴼⴰⵙⴽⴰ-ⴰⴳⵉ, ⴰⵏⴻⵖⵍⴰⴼ ⵉⵙⵙⵓⵜⴻⵔ ⴰⴷ ⴷ-ⵢⵉⵍⵉ ⵓⵙⵙⴻⵔⵙ ⵏ ⵢⵉⵙⴻⵏⴼⴰⵔⴻⵏ ⵎⴻⵔⵔⴰ ⵏ ⵓⵙⴻⴳⴳⴰⵙ ⵏ 2026 ⴷⴻⴳ ⵢⴰⵍ ⵜⴰⵡⵉⵍⴰⵢⵜ ⵏ ⵜⵎⵓⵔⵜ ⴷⴻⴳ ⵢⵉⵡⴻⵏ ⵏ ⵍⵡⴻⵇⵜ, ⵢⴻⵔⵏⴰ ⵉⵍⴰⵇ ⴰⴷ ⴷ-ⵢⵉⵍⵉ ⵓⴱⵔⵉⴷ ⵏ ⵓⵅⴻⴷⴷⵉⵎ ⵏ ⴷⴻⵇⵇⴰⵙ ⵉ ⵓⴹⴼⴰⵔ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ.
ⴽⴰⵍⵍⴰⵓⵓⵉ ⵉⵔⴻⵙⵙⴻⵍ-ⴷ ⴱⴻⵍⵍⵉ ⵉⵍⴰⵇ ⴰⴷ ⴷ-ⴱⴰⵏⴻⵏ ⵍⵡⴻⵇⵜ ⵏ ⵓⵙⴻⵍⵍⴻⴽ ⵏ ⵢⵉⵙⴻⵏⴼⴰⵔⴻⵏ ⵙ ⵜⴻⵍⵇⴰⵢⵜ, ⵢⴻⵔⵏⴰ ⵉⵍⴰⵇ ⴰⴷ ⴷ-ⴰⴼⴻⵏ ⵜⵜⴰⵡⵉⵍⴰⵜ ⵉ ⵡⵓⴳⵓⵔⴻⵏ ⵏ ⵓⵏⵏⴰⵔ, ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ.
ⴷⴻⴳ ⵡⴰⵢⴻⵏ ⵢⴻⵏⵏⵓⵏ ⵏ ⵓⵙⵉⵣⴷⴻⴳ ⵏ ⵢⵉⴱⴻⵔⴷⴰⵏ ⵉⵖⴻⵣⴼⴰⵏⴻⵏ, ⴰⵏⴻⵖⵍⴰⴼ ⵢⴻⴼⴽⴰ ⵍⴰⵎⴻⵔ ⵉⵡⴰⴽⴽⴻⵏ ⴰⴷ ⴷ-ⵢⴻⴱⴷⵓ ⵓⵙⵉⵣⴷⴻⴳ ⴰⵎⴻⵇⵇⵔⴰⵏ, ⴰⵏⴰⵏⴷⴰ ⴰⵃⵔⵉⵛ ⴰⵎⴻⵣⵡⴰⵔⵓ ⴰⴷ ⴷ-ⵢⴻⴱⴷⵓ ⵙⴻⴳ ⵓⵎⴰⵍⴰⵙ ⵉ ⴷ-ⵉⵜⵜⴻⴷⴷⵓⵏ ⴷⴻⴳ ⵓⴱⵔⵉⴷ ⵡⵉⵙ ⵙⵉⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⴷⴰⵖⴻⵏ, ⴰⵏⴻⵖⵍⴰⴼ ⵉⵔⴻⵙⵙⴻⵍ-ⴷ ⴱⴻⵍⵍⵉ ⵉⵍⴰⵇ ⵓⴹⴼⴰⵔ ⵏ ⴷⴻⵇⵇⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵡⴰⵀⵉⵍ ⵏ ⵓⵙⴻⵎⵎⴻⵜ ⵉ ⵜⵡⵉⵍⴰⵢⵉⵏ ⵏ ⵍⵊⴻⵍⴼⴰ, ⵅⴻⵏⵛⴻⵍⵜ ⴷ ⵜⵉⵙⴻⵎⵙⵉⵍⵜ.
ⴷⴻⴳ ⵓⵃⵔⵉⵛ ⵏ ⵓⵏⴰⴷⵉ ⴷ ⵓⵙⵉⵍⴻⵖ, ⴰⵏⴻⵖⵍⴰⴼ ⵢⴻⴼⴽⴰ ⵜⵉⵏⴻⴽⵎⴰⵔ ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉⵏ ⵍⴽⴰⵔⵔⴻ ⵏ ⵜⵓⵔⴰⵟⵉⵏ ⵉ ⵓⵖⴻⵔⴱⴰⵣ ⵏ ⵢⵉⵎⴰⵀⵉⵍⴻⵏ ⵏ ⵓⴱⵔⵉⴷ ⴷⴻⴳ ⵍⵊⴻⵍⴼⴰ. ⴷⴻⴳ ⵡⴰⵢⴻⵏ ⵢⴻⵏⵏⵓⵏ ⵏ ⵓⵔⵇⴻⵎ, ⴽⴰⵍⵍⴰⵓⵓⵉ ⵉⵙⵙⵓⵜⴻⵔ ⴰⴷ ⴷ-ⵢⵉⵍⵉ ⵓⵙⵙⵉⵣⴷⴻⴳ ⵏ ⵜⵜⴰⵡⵉⵍⴰⵜ ⵏ ⵓⵔⵇⴻⵎ ⵉⵡⴰⴽⴽⴻⵏ ⴰⴷ ⴷ-ⴹⴼⵔⴻⵏ ⵉⵙⴻⵏⴼⴰⵔⴻⵏ ⵏ ⵜⵎⵓⵔⵜ ⵙ ⵜⵖⴰⵡⵍⴰ
ⴰⵔⵏⵓ ⵖⴻⵔ
