ⵉⵄⴰⵡⴻⴷ ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⴰⵎⴻⵣⵡا ⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵜⵓⵛⵛⵉⵜ ⵏ ⵓⵏⴰⴱⴰⴹ ⵉ ⵓⴽⴻⵎⵎⴻⵍ ⵏ ⵓⵟⵎⴰⵏ ⵏ ⵢⴰⴽⴽ ⵜⵉⴳⵏⴰⵜⵉⵏ ⵉⵕⴻⵙⵙⴰⵏⴻⵏ ⵉ ⵓⵡⴻⵣⵣⵉ ⵏ ⵢⵉⵡⴻⵏ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵓⴼⵔⵉⵏⴻⵏ ⵓ ⵏⴼⴰⵄⴻⵏ ⵉ ⵏⴼⴰⵄ ⵏ ⵢⵉⵎⴰⵡⵍⴰⵏ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⵜⵎⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⵏⴻⵔⵏⵉ ⵏ ⵜⴻⴳⵏⵉⵜ ⵏ ⵢⵉⵎⴰⵀⵉⵍⴻⵏ ⴷⴻⴳ ⵜⵎⵓⵔⵜ, ⴷⴻⴳ ⵜⴰⵍⵍⵉⵜ ⵏ ⵓⵍⴷⴰⵢ ⵓⵏⵚⵉⴱ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ ⵜⴻⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ ⵉ ⵓⵙⵏⴻⵔⵏⵉ ⵏ ⵓⵙⵙⴻⵜⵎⴻⵔ (AAPI).
ⵉⵎⴰⵀⵉⵍⴻⵏ ⵏ ⵓⵙⴱⴻⴷⴷⵉ ⵏ ⵓⵙⵇⴰⵎⵓ-ⴰⴳⵉ, ⵉ ⴷⴻⴳ ⵍⵍⴰⵏ ⵢⵉⵎⴰⵏⴰⵢⴻⵏ ⵉⵎⴰⵜⴰⵏⴻⵏ ⵏ ⵜⵏⴻⵖⵍⴰⴼⵉⵏ ⵢⴻⵄⵏⴰⵏ ⴰⵙⵙⴻⵜⵎⴻⵔ, ⴷⴷⴰⵏ-ⴷ ⵙ ⵜⵉⵍⵉⵜ ⵏ ⵡⴰⵟⴰⵙ ⵏ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⵓⵙⵏⵉⵡⵉⵏ ⵢⴻⵎⴳⴰⵔⴰⴷⴻⵏ, ⵙ ⵜⴰⵎⴰ ⵏ ⵎⴰⵙⵙ ⵓⵎⴰⵔ ⵔⴻⴽⴽⴰⵛⵀⴻ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵜⴻⵙⵏⵓⵔⴻⴼⵜ, ⴷ ⵢⵉⵙⴻⵍⵡⴰⵢⴻⵏ ⵏ ⵜⵓⴷⴷⵙⵉⵡⵉⵏ ⵏ ⵢⵉⵎⴰⵡⵍⴰⵏ ⵏ ⵓⵎⴰⵀⵉⵍ. ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵙⵉⴼⵉ ⵖⵔⵉⴱ ⵉⵙⵔⴻⵚ ⴱⴻⵍⵍⵉ "ⴰⵏⴰⴱⴰⴹ ⴰⴷ ⵉ⵿ⵎⴻⵏ ⵢⴰⴽⴽ ⵡⴰⵍⵍⴰⵍⴻⵏ ⵉ ⵓⵙⴼⵓⵍⴻⵍ ⵏ ⵢⵉⵎⴰⵡⵍⴰⵏ ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵢⴰⴽⴽ ⵢⴻⵙⵡⵉⵔⴻⵏ ⵏ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ, ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵖⴰⵔⴰ ⵏ ⵓⵎⴰⵀⵉⵍ ⵓ ⴰⴷ ⵜⵉⴼⵙⵓⵙ ⵜⵉⴷⴷⵢ ⵏ ⵓⵙⴻⵍⴽⴻⵎ ⵏ ⵢⵉⵙⵙⴻⵜⵎⴰⵔⴻⵏ ⴷⴻⴳ ⵡⴰⵏⵏⴰⵔ".
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵙⵙⴻⴽⵜⵉ-ⴷ ⴱⴻⵍⵍⵉ ⵉⵍⴰⵇ ⴰⴷ ⴷⴷⵓⴽⴽⵍⴻⵏ ⵍⵎⴻⴶⵀⵓⴷⴰⵜ ⵉ ⵓⵡⴻⵣⵣⵉ ⵏ ⵢⵉⵙⵡⵉ ⴰⵎⴻⵇⵇⵔⴰⵏ ⵉ ⵢⴻⵙⵙⴻⵔⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉⵡⴰⴽⴽⴻⵏ ⴰⴷ ⴷ-ⵓⵖⴰⵍⴻⵏ 20 ⵏ ⵡⴰⴳⵉⵎⴰⵏ ⵏ ⵢⵉⵙⴻⵏⴼⴰⵔⴻⵏ ⴷ ⵉⵙⵙⴻⵜⵎⴰⵔⴻⵏ ⵏ ⵜⵉⴷⴻⵜ ⵓⵇⴱⴻⵍ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ ⵏ 2029. ⴰⵢⴰⴳⵉ — ⴰⴽⴽⴻⵏ ⵉ ⴷ-ⵢⴻⵏⵏⴰ — "ⵢⴻⵎⵎⴰⵍ-ⴷ ⵍⴻⴱⵖⵉ ⵏ ⵓⵡⴰⵏⴰⴽ ⵉ ⵓⴱⴻⴷⴷⴻⵍ ⵓⴼⵔⵉⵏ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵓⵙⴻⴶⵀⴻⴷ ⵏ ⵍⵍⵙⴰⵙⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⴷ ⵓⵙⴱⴻⴷⴷⵉ ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ".
ⵉⵙⵙⴻⴼⵀⴻⵎ-ⴷ ⴷⴰⵖⴻⵏ ⴱⴻⵍⵍⵉ ⴰⵙⴱⴻⴷⴷⵉ ⵏ ⵓⵙⵇⴰⵎⵓ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵢⵉⵙⵏⵉⵢⴰⵍⴻⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵓ ⴷ ⴰⵙⵏⴻⵙ ⵏ ⵜⴰⵔⵔⴰⵢⵉⵏ ⵏ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ ⵡⵓⵟⵟⵓⵏ 26-153 ⵏ 14 ⵢⴻⴱⵔⵉⵔ 2026 ⵢⴻⵄⵏⴰⵏ ⴰⵄⴰⵡⴻⴷ ⵏ ⵓⵙⵓⴷⴷⴻⵙ ⵏ ⵜⴻⵙⵏⵓⵔⴻⴼⵜ ⴷ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ-ⵉⵙ.
ⵎⴰⵙⵙ ⵖⵔⵉⴱ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⴰⵍⵉ ⵏ ⵓⵙⵡⵉⵔ ⵏ ⵜⵎⴻⵜⵍⴰ (représentation) ⴷⴰⵅⴻⵍ ⵏ ⵓⵙⵇⴰⵎⵓ ⵖⴻⵔ ⵓⵙⵡⵉⵔ ⵏ ⵢⵉⵎⴰⵏⴰⵢⴻⵏ ⵉⵎⴰⵜⴰⵏⴻⵏ "ⵢⴻⵎⵎⴰⵍ-ⴷ ⵍⴻⴱⵖⵉ ⵏ ⵓⵡⴰⵏⴰⴽ ⵉⵡⴰⴽⴽⴻⵏ ⵜⴰⵙⵏⵓⵔⴻⴼⵜ ⴰⴷ ⵜⴻⵙⵄⵓ ⴰⵍⵍⴰⵍⴻⵏ ⵏⴼⴰⵄⴻⵏ ⵉ ⵓⵎⵙⴰⵙⴻⵢ ⴷ ⵓⵟⵟⴰⴼ ⵏ ⵜⵏⴻⵖⵜⴰⵙⵉⵏ, ⵉⵡⴰⴽⴽⴻⵏ ⴰⴷ ⵜ-ⵜ-ⵄⵉⵡⴻⵏ ⴷⴻⴳ ⵓⵊⵊⴻⵢ ⵏ ⵓⵖⴻⴱⴱⴻⵍ ⵏ ⵢⵉⵎⵙⴻⵜⵎⴰⵔⴻⵏ ⴷ ⵓⵙⴼⵓⵍⴻⵍ ⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⴽⴰⵍ ⴰⴷⴰⵎⵙⴰⵏ".
ⴷⴻⴳ ⵜⴰⴳⴳⴰⵔⴰ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵙⵙⵉⵡⴻⵍ ⵉ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵙ ⵏⴼⴰⵄ ⴰⵎⴻⵇⵇⵔⴰⵏ ⴷⴻⴳ ⵓⵣⴻⵟⵟⴻⴹ ⵏ ⵢⵉⵙⴻⵏⴼⴰⵔⴻⵏ ⵉ ⴷ-ⵉⵜⵜⵓⵏⴻⵎⵍⴻⵏ ⵙ ⵜⴰⵎⴰ ⵏ ⵜⴻⵙⵏⵓⵔⴻⴼⵜ, ⵉ ⵓⵟⵎⴰⵏ ⵏ ⵜⵜⴰⴳⴷⴰ ⴷ ⵓⴼⵔⵉⵏ ⴷⴻⴳ ⵓⵡⴻⵣⵣⵉ ⵏ ⵢⵉⵙⵡⵉⵢⴻⵏ ⵏ ⵜⵎⵓⵔⵜ ⴷⴻⴳ ⵓⵏⵏⴰⵔ-ⴰⴳⵉ ⴰⵙⵔⴰⵜⵉⴷⵊⵉ.
ⴰⵔⵏⵓ ⵖⴻⵔ
