ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⴰⵢ ⵓⵏⵖⵍⴰⴼ ⵏ ⵢⵉⵎⴳⴰⵔⵓⵜⴻⵏ (ⵎⵓⵊⴰⵀⵉⴷⵉⵏ) ⴷ ⵡⵉⴷ ⵢⴻⵙⵄⴰⵏ ⵉⵣⴻⵔⴼⴰⵏ, ⵎⴰⵙⵙ ⵄⴻⴱⴷⵓⵍⵎⴰⵍⴻⴽ ⵜⴰⵛⵔⵉⴼⴻⵜ, ⴷ ⵓⵏⵖⵍⴰⴼ ⵏ ⵢⵉⵍⵎⴻⵣⵢⴻⵏ, ⵎⴰⵙⵙ ⵎⵓⵚⵟⴰⴼⴰ ⵃⵉⴷⴰⵡⵉ, ⴰⵙⵙ-ⴰ ⵏ ⵍⵃⴻⴷ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵍⴷⴰⵢ ⵓⵏⵚⵉⴱ ⵏ ⵍⴻⵇⴷⵉⵛ ⵏ ⵜⵉⵎⵍⵉⵍⵉⵜ "ⵢⵉⵍⵎⴻⵣⵢⴻⵏ ⵉⵎⵛⴻⵢⵢⵄⴻⵏ ⵏ ⵜⴻⴽⵜⵉⵜ ⵜⴰⵖⴻⵍⵏⴰⵡⵜ". ⴷⴻⴳ ⵜⴳⵏⵉⵜ-ⴰⴳⵉ, ⵙⵙⴻⴽⵏⴻⵏ-ⴷ ⴰⵣⴰⵍ ⵏ ⵓⵙⴻⵇⴷⴻⵛ ⵏ ⵜⵜⴻⴽⵏⵓⵍⵓⵊⵢⴰ ⵜⴰⵎⴰⵢⵏⵓⵜ ⵉ ⵓⵃⴰⴷⴰⵔ ⵏ ⵓⵎⴻⵣⵔⵓⵢ ⵏ ⵜⵎⵓⵔⵜ ⴷ ⵜⴻⴽⵜⵉⵜ ⵜⴰⵖⴻⵍⵏⴰⵡⵜ.
ⵜⵉⵎⵍⵉⵍⵉⵜ-ⴰⴳⵉ ⵢⴻⵡⵡⵉⵏ ⴰⵏⴰⵎⵓ: "ⵖⴻⵔ ⵓⵙⴻⵇⴷⴻⵛ ⵏ ⵜⴰⵎⵓⵙⵏⵉ ⵜⵓⵙⵏⵉⵍⴼⵜ (AI) ⴷ ⵢⵉⵙⴰⵍⵍⴻⵏ ⵉ ⵓⵙⵉⴷⴷⴻⵔ ⵏ ⵜⴻⴽⵜⵉⵜ ⵜⴰⵖⴻⵍⵏⴰⵡⵜ", ⵜⵓⵙⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⵎⴻⴽⵜⵉ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵎⴳⴰⵔⵓ (18 ⴼⵓⵔⴰⵔ). ⵎⴰⵙⵙ ⵜⴰⵛⵔⵉⴼⴻⵜ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⵙⴽⴰⵏⴰⵢ-ⴷ ⵜⴰⵎⵓⵙⵏⵉ ⵉⵊⴻⵀⴷⴻⵏ ⵖⴻⴼ ⵡⴰⵎⴻⴽ ⵉⵜⵜⴱⴻⴷⴷⵉⵍ ⵡⴰⴽⵓⴷ, ⵢⴻⵔⵏⴰ ⵜⴰⴽⵜⵉⵜ ⵏ ⵜⵓⵔⴰ ⵜⴻⵔⵔⴰ ⵖⴻⵔ ⵓⵎⴹⴰⵏ, ⴰⵢⴻⵏ ⵉ ⵢⴻⵜⵜⴳⴻⴳⴳⵉⵏ ⵜⴰⵢⴻⵙⵙⴰ ⵏ ⵢⵉⵖⴻⵔⴼⴰⵏ ⴷⴻⴳ ⵡⴰⵏⵏⴰⵔ ⵏ ⵢⵉⵙⴰⵍⵍⴻⵏ ⵢⴻⴷⴷⵓⴽⴽⵍⴻⵏ.
ⵙⴻⴳ ⵡⴰⵢⴰ, ⴰⵃⵔⵉⵛ-ⴰⴳⵉ ⵢⴻⵇⴷⴻⵛ ⵉ ⵡⴰⴽⴽⴻⵏ ⴰⴷ ⵢⴻⴼⴽ ⵜⴰⵍⵍⴻⵍⵜ ⵉ ⵎⴰⵕⵕⴰ ⵉⵙⵓⵔⴰ ⵉ ⵢⴻⴱⵯⴰⵏ ⴰⴷ ⵔⵔⴻⵏ ⵜⵓⴽⴽⵉⵡⵉⵏ ⵏ ⵜⴻⴽⵜⵉⵜ-ⵏⵏⴻⵖ ⴷ ⵜⵉⵔⵎⵉⵜⵉⵏ ⵢⴻⵜⵜⵎⵓⵙⵙⵓⵏ ⵉ ⵢⵉⵍⵎⴻⵣⵢⴻⵏ. ⵉⵙⵡⵉ ⴰⵎⴻⵇⵇⵔⴰⵏ ⴷ ⴰⵙⵊⴻⵀⴻⴷ ⵏ ⵜⴷⵓⴳⴰⵎⵜ ⵜⴰⵎⴻⵣⵔⵓⵢⴰⵏⵜ ⵜⴰⵎⴹⴰⵏⵜ ⵢⴻⵔⵏⴰ ⴷ ⴰⵎⴻⵏⵏⵓⵖ ⵎⴳⴰⵍ ⵡⵉⴷ ⵢⴻⴱⵯⴰⵏ ⴰⴷ ⵙⵍⵓⵖⵎⵓⵏ ⴰⵎⴻⵣⵔⵓⵢ-ⵏⵏⴻⵖ ⴷⴻⴳ ⵡⴰⵏⵏⴰⵔ ⵏ ⵢⵉⵙⴰⵍⵍⴻⵏ. ⴰⵢⴰ ⵢⴻⵍⵍⴰ-ⴷ ⵙ ⵢⵉ濃ⴻⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵉ ⵢⴻⴱⵯⴰⵏ ⴰⴷ ⵢⵉⵍⵉ ⵓⵃⴰⴷⴰⵔ ⵏ ⵜⴻⴽⵜⵉⵜ ⵜⴰⵖⴻⵍⵏⴰⵡⵜ ⴷ ⵓⵙⵊⴻⵀⴻⴷ ⵏ ⵓⴱⴻⴷⴷⴻⵍ ⵖⴻⵔ ⵓⵎⴹⴰⵏ ⴷⴻⴳ ⵎⴰⵕⵕⴰ ⵢⵉⵃⵔⵉⵛⴻⵏ.
ⵙⴻⴳ ⵍⵊⵉⵀⴰ-ⵙ, ⵎⴰⵙⵙ ⵃⵉⴷⴰⵡⵉ ⵢⴻⴼⴽⴰ ⴰⵣⴰⵍ ⵉ ⵢⵉⵙⵓⵔⴰ ⵉ ⵢⴻⵜⵜⵓⵅⴷⴻⵎⴻⵏ ⵉ ⵓⵃⴰⴷⴰⵔ ⵏ ⵜⴻⴽⵜⵉⵜ ⵜⴰⵖⴻⵍⵏⴰⵡⵜ. ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵢⵉⵍⵎⴻⵣⵢⴻⵏ ⴷⴻⴳ ⵓⴱⵔⵉⴷ-ⴰⴳⵉ ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵃⵔⵉⵛ-ⵉⵙ ⵡⴻⵊⵊⴻⴷ ⴰⴷ ⵢⴻⵙⵙⴻⴳⴳⴻⵎ ⵜⴰⴽⵜⵉⵜ ⵏ ⵢⵉⵎⴳⴰⵔⵓⵜⴻⵏ ⴷ ⵢⵉⵛⵎⵉⵔⴻⵏ ⴷⴻⴳ ⵡⵓⵍⴰⵡⴻⵏ ⵏ ⵢⵉⵍⵎⴻⵣⵢⴻⵏ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵎⴰⵙⵙ ⵃⵉⴷⴰⵡⵉ ⵢⴻⴱⴱⴻⵔⵔⴻⵃ-ⴷ ⵖⴻⴼ ⵓⵍⴷⴰⵢ ⵏ ⵢⵉⵡⴻⵜ ⵏ ⵜⵎⴰⵖⵓⵏⵜ ⵉ ⵢⴻⵡⵡⵉⵏ ⵉⵙⴻⵎ "ⵜⴰⵎⴰⵛⵉⵏⵜ ⵏ ⵜⴻⴽⵜⵉⵜ", ⵎⴱⴰⵄⴻⴷ ⵜⴰⴼⴰⵙⴽⴰ ⵏ ⵍⵄⵉⴷ ⴰⵎⴻⴳⴳⴰⵣ. ⵜⴰⵎⴰⵛⵉⵏⵜ-ⴰⴳⵉ ⴰⴷ ⵜⴻⴼⴼⴻⵖ ⵙⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵍⴰⵎⵎⴰ ⴷ ⴳⴰⵔⴰ ⵊⴱⵉⵍⴰⵜ, ⵢⴻⵔⵏⴰ ⴰⴷ ⵜⴻⴱⴻⴷⴷ ⴷⴻⴳ ⵢⵉⵎⴽⴰⵏⴻⵏ ⵏ ⵓⵎⴻⵣⵔⵓⵢ ⵉ ⵡⴰⴽⴽⴻⵏ ⵢⵉⵍⵎⴻⵣⵢⴻⵏ ⴰⴷ ⵎⵍⵉⵍⴻⵏ ⵢⴻⵔⵏⴰ ⴰⴷ ⵙⵙⵉⵡⵍⴻⵏ ⴷ ⵢⵉⵎⴳⴰⵔⵓⵜⴻⵏ ⵏ ⵣⵉⴽ.
ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵙⵙ ⵏ 08 ⵎⴰⵢⵢⵓ ⴰⴷ ⴷ-ⵢⵉⵍⵉ ⵡⵓⵟⵟⵓⵏ ⵡⵉⵙ ⵙⵉⵏ ⵏ "ⵢⵉⵎⵛⴻⵢⵢⵄⴻⵏ ⵏ ⵜⴻⴽⵜⵉⵜ", ⵢⴻⵔⵏⴰ ⵉⵎⵓⴽⴰⵏ ⵏ ⵓⵙⴳⵓⵏⴼⵓ ⵏ ⵓⵏⴻⴱⴷⵓ ⴰⵔⴰ ⴷ-ⵢⵉⵍⵉⵏ ⴷⴻⴳ 14 ⵏ ⵜⵡⵉⵍⴰⵢⵉⵏ ⴰⴷ ⵔⵔⴻⵏ ⵜⴰⵢⵏⵉⵜ ⵜⴰⵎⴻⵇⵇⵔⴰⵏⵜ ⵖⴻⴼ ⵓⵎⴻⵣⵔⵓⵢ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
