ⵍⴱⵍⵉⴷⴰ – ⵢⴻⵏⵏⴰ-ⴷ ⵓⵏⵖⵍⴰⴼ ⵏ ⵢⵉⵎⴳⴰⵔⵓⵜⴻⵏ ⴷ ⵡⵉⴷ ⵢⴻⵙⵄⴰⵏ ⵉⵣⴻⵔⴼⴰⵏ, ⵎⴰⵙⵙ ⵄⴻⴱⴷⵓⵍⵎⴰⵍⴻⴽ ⵜⴰⵛⵔⵉⴼⴻⵜ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵜⵡⵉⵍⴰⵢⵜ ⵏ ⵍⴱⵍⵉⴷⴰ, ⴱⴻⵍⵍⵉ ⴰⵃⵢⵓ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵎⴳⴰⵔⵓ (18 ⴼⵓⵔⴰⵔ) ⴷ ⵜⴰⴳⵏⵉⵜ ⵉⵊⴻⵀⴷⴻⵏ ⵉ ⵓⵙⵊⴻⵀⴻⴷ ⵏ ⵜⴻⴽⵜⵉⵜ ⵜⴰⵖⴻⵍⵏⴰⵡⵜ ⴷ ⵓⵃⴰⴷⴰⵔ ⵏ ⵡⴰⵣⴰⵍⴻⵏ ⵏ ⵓⴼⵔⴰⵃ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⴷ-ⵢⴻⵖⵔⴰ ⵓⵎⴻⵙⴼⴻⵇⵇⴻⴷ ⴰⵎⴰⵜⵓ ⵏ ⵜⵏⴻⵖⵍⴰⴼⵜ, ⵎⴰⵙⵙ ⴱⴻⵏ ⴹⵉⴼⴰⵍⵍⴰⵀ ⵃⴰⵜⴻⵎ, ⵓⵏⵖⵍⴰⴼ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⵜⴰⴽⵜⵉⵜ-ⴰⴳⵉ ⴷ ⴰⵎⵎⴰⵙ ⵢⴻⵜⵜⴻⵊⴷⵉⴷⵉⵏ ⵉ ⵓⵙⵎⴻⴽⵜⵉ ⵏ ⵓⵙⴼⴻⵍ ⵏ ⵢⵉⵎⴳⴰⵔⵓⵜⴻⵏ ⴷ ⵓⵙⴱⴻⴷⴷ ⵏ ⵜⵢⴻⵙⵙⴰ ⵏ ⵓⴼⵔⴰⵃ ⴷⴻⴳ ⵡⵓⵍⴰⵡⴻⵏ ⵏ ⵜⵙⵓⵜⵉⵡⵉⵏ ⵉ ⴷ-ⵢⴻⵜⵜⴻⴼⴼⵓⵖⵓⵏ.
ⵢⴻⵏⵏⴰ-ⴷ ⵓⵏⵖⵍⴰⴼ ⴱⴻⵍⵍⵉ ⴰⴼⵔⴰⵏ ⵏ ⵍⴱⵍⵉⴷⴰ ⵉ ⵡⴰⴷⴷⴰⵢ ⵏ ⵍⴻⵇⴷⵉⵛ-ⴰⴳⵉ ⵢⵓⵙⴰ-ⴷ ⴷ ⵜⴰⵢⵏⵉⵜ ⵉ ⵓⵎⴻⵣⵔⵓⵢ-ⵉⵙ ⴷ ⵓⵙⴼⴻⵍ ⵏ ⵡⴰⵔⵔⴰⵡ-ⵉⵙ ⵉ ⵡⴰⴽⴽⴻⵏ ⴰⴷ ⴷ-ⵜⵓⵖⴰⵍ ⵜⴷⵓⴳⴰⵎⵜ ⵜⴰⵖⴻⵍⵏⴰⵡⵜ. ⵢⴻⵔⵏⴰ-ⴷ ⴱⴻⵍⵍⵉ ⵜⴰⴱⵔⴰⵜ ⵏ ⵢⵉⵎⴳⴰⵔⵓⵜⴻⵏ ⴰⴷ ⵜⴻⵇⵇⵉⵎ ⴷ ⵜⴰⴼⴰⵜ ⵉ ⵡⴰⴽⴽⴻⵏ ⴰⴷ ⵜⴻⴱⵏⵓ ⵍⵣⵣⴰⵢⴻⵔ ⵢⴻⵊⵊⴻⵀⴷⴻⵏ.
ⵎⴰⵙⵙ ⵜⴰⵛⵔⵉⴼⴻⵜ ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵓⵙⵊⴻⵀⴻⴷ ⵏ ⵜⵎⵓⵙⵏⵉ ⵏ ⵓⵎⴻⵣⵔⵓⵢ ⴷⴻⴳ ⵢⵉⵍⵎⴻⵣⵢⴻⵏ ⵢⴻⵔⵏⴰ ⴰⴷ ⵃⴰⴷⵔⴻⵏ ⵜⴰⴽⵜⵉⵜ ⵜⴰⵖⴻⵍⵏⴰⵡⵜ ⵎⴳⴰⵍ ⵜⴻⵜⵜⵓⵜ ⴷ ⵓⵙⵍⵓⵖⵎⵓ. ⵢⴻⴼⴽⴰ ⴰⵣⴰⵍ ⴷⴰⵯⴻⵏ ⵉ ⵍⴻⵇⴷⵉⵛ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵉ ⵡⴰⴽⴽⴻⵏ ⴰⴷ ⵜⴻⵟⵟⴻⴼ ⵍⵣⵣⴰⵢⴻⵔ ⴰⵎⴽⴰⵏ-ⵉⵙ ⵓⵏⵚⵉⴱ ⴷⴻⴳ ⵓⵎⴰⴹⴰⵍ. ⵢⴻⵛⴽⴻⵔ ⴷⴰⵯⴻⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ ⵖⴻⴼ ⵓⵃⴰⴷⴰⵔ ⵏ ⵍⴰⵎⴰⵏ ⴷ ⵜⵍⴻⵡⵡⵉⵜ ⵏ ⵜⵎⵓⵔⵜ.
ⴰⵡⴰⵀⵉⵍ ⵏ ⵓⴼⵔⴰⵃ-ⴰⴳⵉ ⵢⴻⵙⵄⴰ ⵢⵉⵡⴻⵏ ⵓⵙⴰⵔⴰⴳ ⵓⵙⵙⵏⴰⵏ ⵢⴻⵡⵡⵉⵏ ⴰⵏⴰⵎⵓ: "ⵉⵎⴳⴰⵔⵓⵜⴻⵏ ⴷ ⵜⴰⴱⵔⴰⵜ, ⵓⴼⵔⴰⵃ ⴷ ⵍ lⴰⵎⴰⵏⴰ". ⴷⴻⴳ-ⵙ, ⵢⵉⵎⵓⵙⵏⴰⵡⴻⵏ ⵃⵓⵙⵉⵏ ⵄⴻⴱⴷⵓⵙⵙⴰⵜⵜⴰⵔ ⴷ ⵄⴻⵍⵍⴰⵍ ⴱⵉⵜⵓⵔ ⵙⵙⵉⵡⵍⴻⵏ ⵖⴻⴼ ⵡⴰⵎⴻⴽ ⵜⴰⴱⵔⴰⵜ ⵏ ⵢⵉⵎⴳⴰⵔⵓⵜⴻⵏ ⵜⴻⵊⵊⴻⵀⵉⴷ ⵜⴰⵎⴰⴳⵉⵜ ⵜⴰⵖⴻⵍⵏⴰⵡⵜ ⴷ ⵜⴰⵢⵔⵉ ⵏ ⵜⵎⵓⵔⵜ.
ⴷⴻⴳ ⵜⴳⵏⵉⵜ-ⴰⴳⵉ, ⵙ ⵓⵃⴰⴷⴰⵔ ⵏ ⵢⵉⵎⴻⵇⵇⵔⴰⵏⴻⵏ ⵏ ⵍⵄⴻⵙⴽⴻⵔ ⴷ ⵜⵏⴻⴱⴷⴰⴷⵜ, ⴽⵔⴻⵎⵏ ⵢⵉⵎⴳⴰⵔⵓⵜⴻⵏ ⵢⴰⵃⵢⴰ ⴱⵣⴰⵔⵉ ⴷ ⴰⵃⵎⴻⴷ ⴱⴻⵏ ⵄⵍⵉ ⵎⵓⵃⴰⵎⴻⴷ, ⴷ ⵓⵎⴻⵙⵍⴻⵢ ⵏ ⵓⵎⴳⴰⵔⵓ ⵄⴰⵎⴻⵔ ⵛⴰⵄⴱⴰⵏ, ⵎⴰⵙⵙ ⵄⴰⵎⴻⵔ ⵎⴰⵃⴼⵓⴹⵉ.
ⵜⴰⴳⴳⴰⵔⴰ, ⵜⴰⵔⴰⴱⵄⵜ ⵜⵓⵏⵚⵉⴱⵜ ⵜⴻⵖⵔⴰ ⵍⴼⴰⵜⵉⵃⴰ ⵖⴻⴼ ⵡⴰⵔⵡⴰⵃ ⵏ ⵢⵉⵎⴳارⵓⵜⴻⵏ ⴷⴻⴳ ⵓⵏⴻⵚⵍⵉ ⵏ ⵢⵉⵛⵎⵉⵔⴻⵏ, ⵎⴱⴰⵄⴻⴷ ⵔⵣⴰⵏ ⵖⴻⵔ ⵡⴰⵅⴰⵎ ⵏ ⵜⴳⵓⵊⵉⵍⵜ ⵏ ⵓⵎⴳⴰⵔⵓ ⴼⴻⵔⵃⴰⵜ ⵎⵓⵃⴰⵎⴻⴷ ⴷ ⵓⵎⴳⴰⵔⵓ ⵎⵄⴻⵎⵎⴻⵔ ⵊⵇⴰⵇⴻⵏ ⵉ ⵡⴰⴽⴽⴻⵏ ⴰⴷ ⵜⴻⵏ-ⴽⵔⴻⵎⴻⵏ ⵢⴻⵔⵏⴰ ⴰⴷ ⴱⴻⵢⵢⴻⵏⴻⵏ ⴰⵣⴰⵍ ⵏ ⵓⵙⴼⴻⵍ-ⵏⵙⴻⵏ.
ⴰⵔⵏⵓ ⵖⴻⵔ
