ⵜⴰⵙⵇⵓⵏⵜ ⵏ ⵢⵉⵍⵎⴻⵣⵢⴻⵏ, ⵜⵓⵏⵏⵓⴼⵜ ⴷ ⵜⵉⴳⴳⴰⵡⵜ ⵏ ⵜⴷⵓⴽⵍⵉⵡⵉⵏ ⴷⴻⴳ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⴳⴷⵓⴷ (ⴰⵒⵏ), ⴰⴷ ⴷ-ⵜⵀⴻⴳⴳⵉ ⵙⴻⵍⴷ ⴰⵣⴻⴽⴽⴰ ⵏ ⵜⵜⵍⴰⵜⴰ, ⴰⵙⵙ ⵏ ⴱⴻⵔⵍⴰⵎⴰⵏ ⵖⴻⴼ ⵓⵃⴰⴷⴻⵔ ⵎⴳⴰⵍ ⵍⵎⵓⵅⴻⴷⴷⵉⵔⴰⵟ ⴷ ⵓⵙⵙⴻⴳⵍⴻⵏ ⵏ ⵓⵎⴻⵔⵣⵉ. ⴰⵢⴰ ⵙ ⴷⴷⴰⵡ ⵏ ⵜⵙⴻⵏⵔⴻⴼⵜ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ, ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⴱⴱⵉⵜ ⵏ ⵡⴰⵙⵙ-ⴰⴳⵉ ⵏ ⵍⵃⴻⴷ.
ⴰⵀⴻⴳⴳⵉ ⵏ ⵡⴰⵙⵙ-ⴰⴳⵉ ⵏ ⴱⴻⵔⵍⴰⵎⴰⵏ ⵉ ⴷ-ⵢⵓⵙⴰⵏ ⵙ ⵢⵉⵙⴻⵎ "ⴰⵃⴰⴷⴻⵔ ⵎⴳⴰⵍ ⵍⵉⵙⴻⵔ ⵏ ⵍⵎⵓⵅⴻⴷⴷⵉⵔⴰⵟ ⵖⴻⴼ ⵜⵎⴻⵜⵜⵉⵜ ⴷ ⵓⵙⵙⴻⴳⵍⴻⵏ ⵏ ⵓⵎⴻⵔⵣⵉ", ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⴻⵔⵏⵉ ⵏ ⵓⴷⵉⵡⴻⵏⵏⵉ ⵏ ⵜⵎⴻⵙⴻⵍⵍⵓⵜⵉⵏ ⵖⴻⴼ ⵜⴻⵎⵙⴰⵍ ⵏ ⵜⵎⴻⵜⵜⵉⵜ, ⵍⴰⴷⵖⴰ ⵜⴰⵎⵙⴰⵍⵜ ⵏ ⵍⵎⵓⵅⴻⴷⴷⵉⵔⴰⵟ, ⵉⵎⵉ ⵜⵓⵖⴰⵍ ⴷ "ⴰⵅⵡⴰⴹ ⵏ ⵚⵚⴻⵃ" ⵉ ⵜⵖⴻⵍⵍⵉⵙⵜ ⵏ ⵜⵎⴻⵜⵜⵉⵜ ⴷ ⵍⵉⵙⴻⵔ ⵏ ⵢⵉⵍⵎⴻⵣⵢⴻⵏ.
ⴰⵙⴻⵍⵡⴰⵢ ⵏ ⵜⴻⵙⵇⵓⵏⵜ, ⵎⵔⴰⵣⵉ ⴱⵓⵣⵢⴰⵏⴻ, ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵎⴰⵙⵙ ⴱⵓⵖⴰⵍⵉ, ⴰⴷ ⴷ-ⴼⴽⴻⵏ ⴰⵡⴰⵍ ⵉⵡⴰⴽⴽⴻⵏ ⴰⴷ ⴷ-ⵙⵙⴻⴳⵣⵓⵏ ⴰⵎⴻⴽ ⵉ ⵜⵊⴻⵀⴻⵍ ⵍⴻⵀⵍⴰⴽ ⵏ ⵓⵎⴻⵔⵣⵉ-ⴰⴳⵉ ⴷ ⵡⴰⵎⴻⴽ ⵉ ⵉⵍⴰⵇ ⴰⴷ ⴷ-ⵢⴻⴷⴷⵓ ⵓⴼⵓⵙ ⴷⴻⴳ ⵓⴼⵓⵙ ⵉⵡⴰⴽⴽⴻⵏ ⴰⴷ ⴱⴻⴷⴷⴻⵏ ⵎⴳⴰⵍ-ⴰⵙ.
ⴰⵀⵉⵍ ⵏ ⵡⴰⵙⵙ-ⴰⴳⵉ ⴰⴷ ⴷ-ⵢⴰⵡⵉ ⴽⵔⴰ ⵏ ⵢⵉⵙⴰⵔⴰⴳⴻⵏ ⵏ ⵢⵉⵎⵓⵙⵏⴰⵡⴻⵏ, ⴳⴻⵔ-ⴰⵙⴻⵏ: ⴰⴱⵔⵉⴷ ⵏ ⵓⵙⵙⴻⴳⵍⴻⵏ ⴷ ⵜⵉⴷⴷⵔⵉⵏ ⵏ ⵓⵏⵏⴰⵔ ⵉ ⴷ-ⵢⴻⴼⴽⴰⵏ ⵍⴼⴰⴽⵢⴰ, ⵔⵏⵓ ⵖⴻⵔ ⵡⴰⵢⴰ ⴰⵙⴻⵔⵙⵉ ⵏ ⵍⵇⴰⵏⵓⵏ ⴷ ⵜⵙⴻⵔⵜⵉⵢⵉⵏ ⵏ ⴷⴷⴻⵡⵍⴰ, ⴷ ⵓⵙⴻⵏⴼⴰⵍⵉ ⵏ ⵓⴱⵔⵉⴷ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.
ⴷⴰⵖⴻⵏ, ⵉⵙⴰⵔⴰⴳⴻⵏ ⵏⵏⵉⴹⴻⵏ ⴰⴷ ⴷ-ⵢⴰⵡⴰⵍⴻⵏ ⵖⴻⴼ ⵍⵉⵃⴰⵍⴰ ⵏ ⵓⵎⴻⵔⵣⵉ ⴳⴻⵔ ⵢⵉⵍⵎⴻⵣⵢⴻⵏ, ⴷ ⵡⴰⵣⴰⵍ ⵏ ⵍⵊⴰⵎⴻⵄ ⴷⴻⴳ ⵓⵙⵙⴻⴼⵔⴻⴽ ⵏ ⵢⵉⵍⵎⴻⵣⵢⴻⵏ ⵖⴻⴼ ⵍⵉⵙⴻⵔ ⵏ ⵍⵎⵓⵅⴻⴷⴷⵉⵔⴰⵟ.
ⴷⴻⴳ ⵜⴰⴳⴰⵔⴰ ⵏ ⵡⴰⵙⵙ-ⴰⴳⵉ, ⴰⴷ ⴷ-ⵢⵉⵍⵉ ⵓⴷⵉⵡⴻⵏⵏⵉ ⴰⵎⴰⵜⵓ ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵜⵉⵙⵓⵎⵎⴰⵔ ⴷ ⵜⴻⴱⴻⵛⵔⴰⵡⵉⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵙⴻⵊⵀⴻⴷ ⵏ ⵓⵃⴰⴷⴻⵔ ⴷ ⵓⵙⵙⴻⴳⵍⴻⵏ.
ⴰⵔⵏⵓ ⵖⴻⵔ
