ⵢⴻⵙⵙⴻⵍⵡⴰⵢ ⴰⵀⵎⴻⴷ ⴰⵜⵜⴰⴼ, ⴰⵏⴻⵖⵍⴰⴼ ⵏ ⵡⴰⵡⵏⴰⴽ, ⴰⵏⴻⵖⵍⴰⴼ ⵏ ⵢⵉⵙⴻⵖⵏⴻⵏ ⵉⵡⴻⵔⴷⴰⵏⴻⵏ ⴷ ⵜⵎⴻⵣⴷⴰⴳⵏⵓⵜ ⵜⴰⵖⵍⵏⴰⵡⵜ ⴷⵉ ⴱⴻⵕⵕⴰ ⴷ ⵢⵉⵙⴻⵖⵏⴻⵏ ⵉⴼⵔⵉⵇⵉⵢⴻⵏ, ⴰⵙⵙ-ⴰ ⵏ ⵓⵙⵉⵏⴰⵙ ⴷⵉ ⴷⵣⴰⵢⴻⵔ, ⵙ ⵓⵏⴻⵚⴼ ⴰⴽⴽⴻⴷ ⵛⵀⴻⵉⴽⵀ ⵏⵉⴰⵏⴳ, ⴰⵏⴻⵖⵍⴰⴼ ⵏ ⵓⴷⴻⵍⵍⴻⴽ ⴰⴼⵔⵉⵇⵉ ⴷ ⵢⵉⵙⴻⵖⵏⴻⵏ ⵉⵡⴻⵔⴷⴰⵏⴻⵏ ⴷ ⵢⵉⵙⵉⵏⵉⴳⴰⵍⵉⵢⴻⵏ ⴷⵉ ⴱⴻⵕⵕⴰ ⵏ ⵜⴻⴳⴷⵓⴷⴰ ⵏ ⵚⵉⵏⵉⴳⴰⵍ ⵜⴰⴳⵎⴰⵜ, ⴰⵀⵉⵍ ⵏ ⵜⵏⴻⴼⵍⵉⵜ ⵜⵉⵙ ⵙⴷⵉⵙ ⵏ ⵜⵙⴻⵇⵇⴰⵎⵓⵜ ⵜⴰⴷⴷⴰⵢⵜ ⴳⴰⵔ ⴷⵣⴰⵢⴻⵔ ⴷ ⵚⵉⵏⵉⴳⴰⵍ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵓⵍⵖⵓ ⵏ ⵓⵏⴻⵖⵍⴰⴼ.
ⵉⵡⴻⵀⵀⴻⴷ-ⴷ ⵓⵍⵖⵓ ⴷⴰⴽⴽⴻⵏ ⵓⵇⴱⴻⵍ ⴰⵀⵉⵍ ⵏ ⵜⵙⴻⵇⵇⴰⵎⵓⵜ ⵜⴰⴷⴷⴰⵢⵜ, ⴷ-ⵢⴻⵍⵍⴰ ⵢⵉⵡⴻⵏ ⵏ ⵓⵎⴻⵙⵍⴰⵢ ⴳⴰⵔ ⵙⵏⴰⵜ ⵏ ⵜⵣⵓⵔⵉⵡⵉⵏ ⴳⴰⵔ ⵙⵏⴰⵜ ⵏ ⵜⵙⵓⴷⴰ, ⵉ ⴷ-ⵢⴻⵡⵡⵉⵏ ⴰⵎⴻⵙⵍⴰⵢ ⵙ ⵓⵙⵏⵔⵏⵉ ⴳⴰⵔ ⵢⵉⵙⵉⴽⴻⵍⴻⵏ ⵏ ⵙⵏⴰⵜ ⵏ ⵜⵎⵓⵔⴰ.
ⵜⵉⵏⴻⴼⵍⵉⵜ-ⴰⴳⵉ ⵏ ⵜⵙⴻⵇⵇⴰⵎⵓⵜ ⵜⴰⴷⴷⴰⵢⵜ — ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⴰⴳⵉ — ⵜⴻⵍⵍⴰ ⴷ « ⵜⴰⵣⴻⴷⴷⴰⵅⵜ ⵜⴰⵅⴰⵜⴰⵔⵜ ⵉ ⵓⵙⵙⴻⴽⵏⴻⵙ ⵏ ⵍⴻⴱⵖⵉ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⵙⴻⴽⵛⴻⵔ ⵏ ⵓⵏⴻⴳⵎⵓ ⴰⵎⴰⵢⵏⵓⵜ ⴷⵉ ⵡⴰⵙⵙⴰⵖⴻⵏ-ⵏⵙⴻⵏⵜ ⵏ ⵜⴰⴳⵎⴰⵜ ⴷ ⵓⵙⵏⵔⵏⵉ ⵏ ⵜⵉⵡⴻⵀⵀⵉⴷⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴷ ⴳⵎⴰ-ⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵚⵉⵏⵉⴳⴰⵍ, ⵎⴰⵙⵙ ⴱⴰⵚⵚⵉⵔⵓⵓ ⴷⵉⵓⵎⴰⵢⴻ ⴼⴰⵢⴻ, ⵖⴻⵔ ⵜⵙⵓⵔⵉⴼⵉⵏ ⵜⴰⴷⴷⴰⵢⵉⵏ ⵉ ⴷ-ⵢⴻⵜⵜⴰⵡⵉⵏ ⴰⵙⵏⵔⵏⵉ ⵏ ⵜⴰⵍⵍⴻⵍⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷ ⵓⵙⵙⴻⴼⵔⴻⵔ ⵏ ⵢⵉⴳⵔⴰⵏ-ⵉⵙ ».
ⴷⵉ ⵜⴻⴳⵏⵉⵜ-ⴰⴳⵉ, ⵜⴻⴼⴽⴰ-ⴷ ⵜⵏⴻⴼⵍⵉⵜ-ⴰⴳⵉ ⴰⵙⴱⴰⴷⵓ ⵏ ⵢⴻⵎⴳⴰⵔⴰⴷⴻⵏ ⵏ ⵜⴰⵍⵍⴻⵍⵜ ⴳⴰⵔ ⴷⵣⴰⵢⴻⵔ ⴷ ⵚⵉⵏⵉⴳⴰⵍ, ⴷ ⵓⵙⴱⴰⴷⵓ ⵏ ⵢⵉⵙⵡⵉⵔⴻⵏ ⴷ ⵜⵎⴻⵙⴽⴰⵍ ⵜⵉⵎⴰⵢⵏⵓⵜⵉⵏ ⴷⵉ ⵡⴰⵟⴰⵙ ⵏ ⵜⵖⵓⵍⵉⵏ ⵜⵉⵅⴰⵜⴰⵔⵉⵏ, ⴰⵎ ⴷⵉ ⵜⴰⵎⴰ ⵜⴰⴷⴰⵎⵙⴰⵏⵜ, ⴰⵎ ⵓⵙⵙⴻⴼⵜⵉ, ⵜⴼⴰⵙⴰ, ⵉⵣⴰⵖⴰⵔⴻⵏ, ⵜⴰⵏⴻⵣⵣⵓⵜ, ⵜⴼⴻⵍⵍⴰⵃⵜ, ⴰⵙⵉⴽⴻⵍ ⴰⴳⴻⵏⵏⴰⵡ ⴷ ⵜⴷⴻⵎⵎⵉ, ⵏⴻⵖ ⴷⵉ ⵢⵉⴼⵓⵔⴽⴰ ⵢⴻⵔⵣⴰⵏ ⴰⵙⵏⵔⵏⵉ ⵏ ⵓⵎⴷⴰⵏ ⴷⵉ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴰⵎ ⵓⵙⵙⴻⴳⵎⵉ ⴰⴼⴻⵍⵍⴰ, ⵉⵙⴰⵍⵍⴰⵏ, ⵉⵍⵎⴻⵥⵢⴻⵏ ⴷ ⴰⴷⴷⴰⵍ, ⵜⴰⵖⴷⴻⵎⵜ, ⵜⴰⵢⴻⵔⵣⴰ ⴷ ⵜⵉⵙⵙⴻⴼⵔⴻⵔⵜ ⵏ ⵜⵎⴻⵟⵟⵓⵜ.
ⴰⵔⵏⵓ ⵖⴻⵔ
