ⴰⵟⴰⵙ ⵏ ⵢⵉⴱⵔⵉⴷⴻⵏ ⵎⴻⴷⵍⴻⵏ ⵙ ⵢⵉⵏⵓⵔⴰⴼⴻⵏ ⵏ ⵜⴳⵏⴰⵡⵜ ⵜⵉⴳⴰⵔⴰⵢⵉⵏ

ⵢⴻⴳⵍⴰ-ⴷ ⵓⴱⴻⴷⴷⴻⵍ ⵏ ⵜⴳⵏⴰⵡⵜ ⴷ ⵡⴰⴷⴼⴻⵍ ⵢⵓⴳⵜⴻⵏ ⵙ ⵓⵎⴷⴻⵍ ⵏ ⵡⴰⵟⴰⵙ ⵏ ⵢⵉⴱⵔⵉⴷⴻⵏ ⴷⵉ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵏⵏⴰⵏ ⴰⵙⵙ-ⴰ ⵏ ⵍⴻⵜⵏⴰⵢⴻⵏ ⵢⵉⴼⴻⵔⴷⵉⵙⴻⵏ ⵏ ⵓⴷⴻⵔⵔⴽ ⴰⵖⴻⵍⵏⴰⵡ.

ⵙⵙⴻⴼⵔⴻⵏ-ⴷ ⵡⴰⴽⴽⴻⵏ ⴰⴷⴼⴻⵍ ⵢⵓⴳⵜⴻⵏ ⴷⵉ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⵢⴻⵎⴷⴻⵍ ⴰⴱⵔⵉⴷ ⴰⵖⴻⵍⵏⴰⵡ (RN 15) ⵉ ⵢⴻⵣⵍⴻⵏ ⴳⴰⵔ ⵜⵓⴱⵉⵔⴻⵜ ⴷ ⵜⵉⵣⵉ ⵡⴻⵣⵣⵓ ⴷⵉ ⵜⴻⵎⵏⴰⴹⵜ ⵏ ⵜⵉⵣⵉ ⵏ ⵜⵉⵔⵓⵔⴷⴰ (ⵉⴼⴻⵔⵃⵓⵏⴻⵏ), ⴰⴽⴽⴻⴷ ⵓⴱⵔⵉⴷ ⴰⵖⴻⵍⵏⴰⵡ (RN 33) ⴷⵉ ⵜⴻⵎⵏⴰⴹⵜ ⵏ ⵡⴰⵙⵓⵡⴻⵍ (ⴰⵢⵜ ⴱⵓⵎⴻⵀⴷⵉ).

ⴷⴰⵖⴻⵏ, ⴰⴷⴼⴻⵍ ⵢⴻⵎⴷⴻⵍ ⴰⴱⵔⵉⴷ ⴰⵖⴻⵍⵏⴰⵡ (RN 30) ⴷⵉ ⵜⴻⵎⵏⴰⴹⵜ ⵏ ⵜⵉⵣⵉ ⵏ ⴽⵡⵉⵍⴰⵍ (ⵉⴱⵓⴷⵔⴰⵔⴻⵏ), ⴷ ⵓⴱⵔⵉⴷ ⵏ ⵜⵡⵉⵍⴰⵢⵜ (CW 253) ⴳⴰⵔ ⴱⴳⴰⵢⴻⵜ ⴷ ⵜⵉⵣⵉ ⵡⴻⵣⵣⵓ ⴷⵉ ⵜⵉⵣⵉ ⵏ ⵛⵛⴻⵍⵍⴰⵟⴰ (ⵉⵍⵉⵍⵜⴻⵏ).

ⴷⵉ ⵜⵡⵉⵍⴰⵢⵜ ⵏ ⵜⵓⴱⵉⵔⴻⵜ, ⵓⴷⴻⵔⵔⴽ ⴰⵖⴻⵍⵏⴰⵡ ⵢⴻⵙⴷⴻⴳⴳⴻⴷ ⴰⵎⴷⴻⵍ ⵏ ⵓⴱⵔⵉⴷ ⴰⵖⴻⵍⵏⴰⵡ (RN 15) ⴷⵉ ⴽⵓⵍ ⵜⵉⵔⵓⵔⴷⴰ (ⴰⵖⴱⴰⵍⵓ), ⴰⴱⵔⵉⴷ ⴰⵖⴻⵍⵏⴰⵡ (RN 30) ⴷⵉ ⵜⵉⵣⵉ ⵏ ⴽⵡⵉⵍⴰⵍ (ⵉⵚⵃⴰⵔⵉⵊ), ⴰⴽⴽⴻⴷ ⵓⴱⵔⵉⴷ ⴰⵖⴻⵍⵏⴰⵡ (RN 33) ⴷⵉ ⵍⴰⴽⵓⴽⴰⵔ (ⴱⴻⵛⵍⵓⵍ) ⴷ ⵜⵉⴽⵊⴷⴰ (ⵍⴰⵙⵏⴰⵎ).

ⴷⵉ ⵜⵡⵉⵍⴰⵢⵜ ⵏ ⵍⵊⴻⵍⴼⴰ, ⴰⴱⵔⵉⴷ ⵏ ⵜⵡⵉⵍⴰⵢⵜ (CW 122) ⴳⴰⵔ ⴱⴻⵏ ⵢⴰⵄⵇⵓⴱ ⴷ ⵛⵛⴰⵔⴻⴼ ⵎⴻⴷⴷⴻⵍ ⴷⵉ ⵜⴻⵎⵏⴰⴹⵜ ⵏ ⵍⵇⴻⵟⵟⵉⵢⴰ. ⴷⵉ ⵜⵡⵉⵍⴰⵢⵜ ⵏ ⵡⴻⵍⴱⴻⵢⵢⴻⴹ, ⴰⴱⵔⵉⴷ ⴰⵖⴻⵍⵏⴰⵡ (RN 47) ⵎⴻⴷⴷⴻⵍ ⵣⴷⴰⵜ ⵏ ⵜⵖⵉⵡⴰⵏⵜ ⵏ ⵙⵜⵉⵜⴻⵏ.

ⵢⵉⴼⴻⵔⴷⵉⵙⴻⵏ ⵏ ⵓⴷⴻⵔⵔⴽ ⴰⵖⴻⵍⵏⴰⵡ ⵡⴻⵚⵚⴰⵏ ⵢⵉⵎⵙⴻⴷⴷⴰⵢⴻⵏ ⵏ ⵢⵉⴽⴰⵔⵔⵓⵙⴻⵏ ⴰⴷ ⵃⴰⴷⵔⴻⵏ ⵍⴰⴷⵖⴰ ⵉⵎⵉ ⵜⵉⴽⵍⵉ ⵜⴻⵡⵄⴻⵔ ⴷⴻⴳ ⵢⵉⴱⵔⵉⴷⴻⵏ-ⴰⴳⵉ, ⵓ ⵢⴻⵙⵙⴻⴼⴽ ⴰⴷ ⵃⴰⴷⵔⴻⵏ ⵓ ⴰⴷ ⵓⵔ ⵜⵜⴰⵍⵉⵏ ⵖⴻⵔ ⵢⵉⴱⵔⵉⴷⴻⵏ-ⴰⴳⵉ ⵖⴰⵙ ⵎⴰ ⵢⴻⵍⵍⴰ ⵓⵙⴻⴷⵍⴻⵍ.