ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ, ⵉ ⵓⵎⵙⴻⴳⵍⴰⵡⴰⵢ ⵡⵉⵙ ⵙⵉⵏ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵢⵉⵏⵉⴳⵓⵏ ⵏ ⵜⴰⴳⴻⵍⴷⴰ ⵏ ⵍⵓⵔⴷⵓⵏ ⵜⴰⵛⵉⵎⵉⵜ ⵜⵉⵙⵏⵉⵜ, ⵎⴰⵙⵙ ⴰⵢⵎⴰⵏ ⴰⵍ-ⵚⴰⴼⴰⴷⵉ. ⴷⴻⴳ ⵜⴰⵍⵍⵉⵜ-ⴰⴳⵉ, ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⵉ ⵓⵏⵉⵍⵖⴰⴼ-ⵉⵙ ⴰⵍⵓⵔⴷⵓⵏⵉ ⵜⴰⴱⵔⴰⵜⵜ ⵢⵓⵔⴰⵏ ⵙ ⵓⴼⵓⵙ ⵉ ⴷ-ⵢⵓⵣⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⴳⵎⴰ-ⵙ ⴰⴳⴻⵍⵍⵉⴷ ⴰⴱⴷⵓⵍⵍⴰⵀ II ⴱⵉⵏ ⴰⵍ-ⵀⵓⵙⵙⴻⵉⵏ.
ⵜⴰⵔⴱⴰⵄⵜ ⵏ ⵙⵏⴰⵜ ⵏ ⵜⵎⵓⵔⴰ ⵅⴻⴷⵎⴻⵏⵜ ⵉⵎⴻⵙⵍⴰⵢⴻⵏ ⵡⴻⵙⵙⵉⵄⴻⵏ ⴰⵏⵉⴷⴰ ⵇⴻⵔⴷⵛⴻⵏ ⴰⴷⴷⴰⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⵢⴻⵍⵍⴰⵏ ⴳⴰⵔ-ⴰⵙⴻⵏⵜ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ, ⴷ ⵜⴰⵔⵔⴰⵢⵉⵏ ⵏ ⵓⵙⴰⵍⵉ-ⵏⵙⴻⵏ ⵖⴻⵔ ⵢⵉⵙⵡⵉⵔⴻⵏ ⵉⵄⵍⴰⵢⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵍⴻⴱⵖⵉ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴳⴰⵔ ⵍⴻⵣⵣⴰⵢⴻⵔ ⴷ ⵍⵓⵔⴷⵓⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵍⴻⴱⵖⵉ-ⵏⵙⴻⵏ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵉ ⴷ-ⵉⵣⴻⵡⵡⵉⵔⴻⵏ ⴰⵎ ⵜⵏⴻⵣⵣⵓⵜ, ⵜⴰⵣⵣⵉⵜ, ⵜⵉⴼⴻⵔⴽⵉ ⴷ ⵜⴻⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ. ⴷⴰⵖⴻⵏ, ⵎⵜⴰⵡⴰⵏ ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵙⴻⵎⵎⵓⵏⵜ ⵜⵉⵙ ⵎⵔⴰⵡ (10) ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ, ⵓ ⴰⴷ ⴷ-ⵢⵉⵍⵉ ⵓⵙⴻⴷⴷⴻⵔ ⵏ ⵓⵙⵇⴰⵎⵓ ⵏ ⵢⵉⵎⵙⴻⵜⵎⴰⵔⴻⵏ (business council) ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴼⵓⴹ ⵉⴶⴻⵀⴷⴻⵏ ⵉ ⵡⴰⵙⵙⴰⵖⴻⵏ ⵏ ⵙⵉⵏ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⴰⵎⵙⴰⵍ ⵏ ⵡⴰⵟⴰⵙ ⵏ ⵜⴰⵎⵉⵡⵉⵏ, ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵎⵓⴱⴱⴰⴷⴷⴻⵍⴻⵏ ⵜⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵏ ⵜⴻⵎⵏⴰⵟ ⴷ ⵜⵉⴷ ⵉⴳⵔⴰⵖⵍⴰⵏⴻⵏ ⵏ ⵏⴼⴰⵄ ⵉⵎⴻⵣⴷⴰⵢ. ⵉⵄⴰⵡⴻⴷ ⵉⵙⵔⴻⵚ-ⴷ ⵡⴰⴷⴷⴰⴷ ⵉⵕⴻⵙⵙⴰⵏ ⵏ ⵙⵏⴰⵜ ⵏ ⵜⵎⵓⵔⴰ ⵖⴻⴼ ⵜⴰⵍⵓⴼⵜ ⵏ ⴼⴰⵍⴻⵙⵟⵉⵏ, ⵙ ⵓⴷⴻⴳⴳⴻⵔ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉⵜ ⵉ ⵓⵙⴱⴻⴷⴷⵉ ⵏ ⴷⴷⵡⵍⴰ-ⵙ ⵜⵉⵍⴻⵍⵍⵉⵜ ⴷ ⵍⵇⵓⴷⵙ ⵜⴰⴱⴰⵕⴰⴽⵜ ⴷ ⵜⴰⵎⴰⵏⴰⵖⵜ-ⵉⵙ.
ⴰⵔⵏⵓ ⵖⴻⵔ
