ⴰⵣⴰⵍ ⵏ 6 ⵡⴰⴳⵉⵎ (6,000) ⵏ ⵢⵉⵎⵙⴻⴼⴼⵔⴻⵏ ⵉ ⴷ-ⵉⵙⵉⴽⵍⴻⵏ ⴷⴻⴳ ⵓⴱⵔⵉⴷ ⴰⵎⴰⵢⵏⵓⵜ ⵏ ⵙⵙⴻⴽⴽⴰ ⵏ ⵜⵎⴰⵛⵉⵏⵜ ⵉ ⴷ-ⵢⴻⵇⵇⵏⴻⵏ ⴳⴻⵔ ⴱⴻⵛⵛⴰⵔ ⴷ ⵜⵉⵏⴷⵓⵓⴼ, ⵙⴻⴳ ⵡⴰⵙⵎⵉ ⵉ ⴳⴻⴱⴷⴰ ⵍⴻⵇⴷⵉⵛ ⴰⵙⵙ ⵏ 02 ⴼⵓⵔⴰⵔ ⵉ ⵉⵄⴻⴷⴷⴰⵏ, ⴰⴽⴽⴻⵏ ⵉ ⴷ-ⵢⴻⵜⵜⵡⴰⴽⴽⴻⵙ ⵢⵉⵙⴰⵍⵍⵉ ⴰⵙⵙ-ⴰ ⵏ ⵜⵜⵍⴰⵜⴰ ⵙ ⵖⵓⵕ ⵜⴰⵎⵎⴻⵜⵜⴰⵏⵜ ⵜⴰⵖⴻⵍⵏⵉⵜ ⵏ ⵓⵏⵢⴰⵒⵍ ⵙ ⵙⵙⴻⴽⴽⴰ (ⵚⵏⵜⴼ).
ⵢⵉⵡⴻⵏ ⵏ ⵓⵎⴹⴻⴱⴱⴻⵔ ⴷⴻⴳ ⵜⴰⵎⵎⴻⵜⵜⴰⵏⵜ-ⴰⴳⵉ, ⵎⴰⵙⵙ ⴽⴰⵎⴰⵍ ⵓⵙⵎⴰⵏⵉ, ⵉⵙⵙⴻⴳⵣⵉ-ⴷ ⴱⴻⵍⵍⵉ ⴰⵣⴰⵍ ⵏ 296 ⵏ ⵢⵉⵎⵙⴻⴼⴼⵔⴻⵏ ⵙⴻⵇⴷⴰⵛⴻⵏ ⴰⴱⵔⵉⴷ-ⴰⴳⵉ ⴷⴻⴳ ⵜⵍⴰⵜⴰ ⵏ ⵡⵓⵙⵙⴰⵏ ⵏ ⵍⵄⵉⴷ ⵏ ⵜⴼⵓⵟⵕ. ⵉⵡⴻⴽⴽⴻⴷ-ⴷ ⴷⴰⵊⴻⵏ ⴱⴻⵍⵍⵉ ⵍⵍⴰⵏ ⵢⵉⴽⴰⵕⵓⵙⴻⵏ (ⵡⴰⴳⵓⵏⵙ) ⵉ ⴷ-ⵢⴻⵜⵜⵡⴰⵒⴻⴳⴳⴰⵏ ⵉ ⵢⵉⵎⵙⴻⴼⴼⵔⴻⵏ, ⴳⴻⵔ-ⴰⵙⴻⵏ ⵡⵉⴷ ⵏ ⵢⵉⴹⴻⵙ.
ⴰⴱⵔⵉⴷ-ⴰⴳⵉ ⵏ ⵙⵙⴻⴽⴽⴰ ⵢⴻⵍⴷⵉ ⵜⵉⵡⵡⵓⵔⴰ ⵉ ⵡⴰⵟⴰⵙ ⵏ ⵜⴰⵎⵉⵡⵉⵏ ⵉ ⴷ-ⵢⴻⵣⴳⴰⵏ ⴷⴻⴳ ⵓⴱⵔⵉⴷ-ⵉⵙ, ⴰⵎ: ⵍⵄⴰⴱⴰⴷⵍⴰ ⴷ ⵍⵃⴻⵎⵎⴰⴳⵉⵔ (ⴱⴻⵛⵛⴰⵔ), ⵜⴰⴱⴻⵍⴱⴰⵍⴰ (ⴱⴻⵏⵉ ⴰⴱⴱⴻⵙ), ⵢⴰⴽⴽ ⴷ ⵓⵎ ⴻⵍ ⴰⵙⵙⴻⵍ ⴷ ⵜⵉⵏⴷⵓⵓⴼ.
ⵉⵡⴰⴽⴽⴻⵏ ⴰⴷ ⵏⴻⵎⵎⴻⴽⵜⵉ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵢⴻⵙⵙⴻⵍⵡⵉ ⴰⵍⴷⵓⵏ ⵏ ⵓⴱⵔⵉⴷ-ⴰⴳⵉ ⴷⴻⴳ ⵓⵎⴻⵏⵣⵓ ⵏ ⴼⵓⵔⴰⵔ 2026. ⴰⴱⵔⵉⴷ-ⴰⴳⵉ ⵢⴻⵜⵜⵡⴰⵚⴻⴳⴳⴻⵎ ⴷⴰⵊⴻⵏ ⵉ ⵓⵙⴰⵡⴰⴹ ⵏ ⵓⵣⵣⴰⵍ ⵙⴻⴳ ⵓⵎⵉⵏ ⵏ ⴳⴰⵔⴰ ⴷⵊⴻⴱⵉⵍⴻⵜ.
ⴰⵔⵏⵓ ⵖⴻⵔ
