ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵢⵉⵍⵎⴻⵣⵢⴻⵏ ⵢⴻⵇⵇⵏⴻⵏ ⵖⴻⵔ ⵓⵙⵇⴰⵎⵓ ⵓⵏⵉⴳ ⵏ ⵢⵉⵍⵎⴻⵣⵢⴻⵏ, ⵎⴰⵙⵙ ⵎⵓⵙⵜⴰⴼⴰ ⵃⵉⴷⴰⵡⵉ, ⴰⴽⴽⴻⴷ ⵜⵎⴰⵙⵡⴰⵢⵜ ⵏ ⵜⵓⴷⴷⵙⵓⵜ ⵏ ⵓⵏⵉⵛⴻⴼ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙⴰ ⴽⴰⵜⴰⵔⵉⵏⴰ ⵊⵓⵀⴰⵏⵙⵙⵓⵏ, ⵓⵙⵓⴼⴼⴻⵖ ⵏ ⵓⵙⵉⵣⴷⴻⵔ ⵏ ⵡⴰⵀⵉⵍ ⵏ ⵓⵅⴻⴷⴷⵉⵎ ⵢⴻⴷⴷⵓⴽⴽⵍⴻⵏ ⵉ ⵢⵉⵙⴻⴳⴳⴰⵙⴻⵏ 2026-2027. ⵉⵙⵉⴳ-ⵉⵙ ⴷ ⴰⵙⵏⴻⵔⵏⵉ ⵏ ⵜⵜⴻⴽⴽⵉ ⵏ ⵢⵉⵍⵎⴻⵣⵢⴻⵏ ⴷⴻⴳ ⵜⵎⴻⴷⴷⵓⵔⵜ ⵜⴰⵎⴰⵜⵓⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⴰⵣⵎⴰⵎ ⵏ ⵓⵎⵜⴰⵡⴰ-ⴰⴳⵉ, ⵉ ⴷ-ⵢⴻⵍⵍⴰⵏ ⵡⴰⵙⵙ ⵏ ⵍⵃⴻⴷ ⵉⵄⴻⴷⴷⴰ, ⵢⵓⵙⴰ-ⴷ ⵙⴷⴻⴼⴼⵉⵔ "ⵢⵉⴳⵎⴰⴷ ⵢⴻⵍⵀⴰⵏ ⵉ ⴷ-ⵢⴻⴼⴽⴰ ⵡⴰⵀⵉⵍ ⵏ ⵓⵅⴻⴷⴷⵉⵎ ⵏ ⵜⴰⵍⵍⵉⵜ ⵏ 2024-2025, ⴰⵢⴰⴳⵉ ⵉⵙⴱⴻⴳⴳⴻⵏ-ⴷ ⵍⵯⴻⵀⴷ ⵏ ⵓⵏⵢⵓⴷⴷⵓ ⴳⴰⵔ ⵙⵏⴰⵜ ⵏ ⵜⵙⵓⴷⴰ-ⴰⴳⵉ ⴷ ⵍⵎⴻⵇⵙⵓⴷ-ⵏⵙⴻⵏⵜ ⵉ ⵜⴰⵍⵍⴻⵍⵜ ⴷ ⵓⵙⵓⵏⴻⵍⵡⵓ ⵏ ⵢⵉⵍⵎⴻⵣⵢⴻⵏ".
ⵍⴻⵇⴷⵉⵛ ⵏ ⵓⵙⵉⵣⴷⴻⵔ ⵢⴻⵍⵍⴰ-ⴷ "ⵙ ⵜⵜⴻⴽⴽⵉ ⵏ ⵢⵉⴽⵡⴰⴷⵔⴻⵏ ⵏ ⵓⵙⵇⴰⵎⵓ ⵓⵏⵉⴳ ⵏ ⵢⵉⵍⵎⴻⵣⵢⴻⵏ, ⴰⵎⵎⴰⵙ ⵏ ⵓⵏⵉⵛⴻⴼ ⴷⴻⴳ ⵍⴻⵣⵣⴰⵢⴻⵔ, ⴰⴽⴽⴻⴷ ⵓⵎⵓⵍⴰⵙ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷ ⵜⴰⵎⵙⴰⵍⵉⵢⵉⵏ ⵏ ⵜⴻⴼⵔⵉⵇⵜ".
ⴰⵀⵉⵍ ⵏ ⵓⵅⴻⴷⴷⵉⵎ ⵢⴻⴷⴷⵓⴽⴽⵍⴻⵏ ⴷⴻⴳ-ⵙ "ⴰⴳⵔⴰⵡ ⵏ ⵡⴰⵀⵉⵍⴻⵏ ⴷ ⵢⵉⵎⴻⵀⵍⴰⵏ ⵉ ⵡⴻⵙⵏⴻⵔⵏⵉ ⵏ ⵜⵜⴻⴽⴽⵉ ⵏ ⵢⵉⵍⵎⴻⵣⵢⴻⵏ ⴷⴻⴳ ⵜⵎⴻⴷⴷⵓⵔⵜ ⵏ ⴱⴰⵢⵍⴻⴽ, ⴰⵙⵏⴻⵔⵏⵉ ⵏ ⵜⵣⴻⵎⵎⴰⵔ-ⵏⵙⴻⵏ, ⵜⴰⵍⵍⴻⵍⵜ ⵏ ⵜⴰⴷⵢⴰⵏⵜ ⵏ ⵢⵉⵍⵎⴻⵣⵢⴻⵏ, ⴷ ⵓⴱⴻⵇⵇⴻⵙ ⵏ ⵓⵙⵏⵓⵍⴼⵓ ⴷ ⵓⵅⴻⴷⴷⵉⵎ ⵏ ⵜⵙⴻⴱⴱⵉⵜ (ⵠⵓⵍⵓⵏⵜⴰⵔⵉⴰⵜ), ⴰⴽⴽⴻⴷ ⵡⴻⵙⵏⴻⵔⵏⵉ ⵏ ⵡⴰⵍⵍⴰⵍⴻⵏ ⵏ ⵓⴷⵉⵡⴻⵏ ⴷ ⵓⴹⴼⴰⵔ, ⵉⵍⵎⴻⵏⴷ ⵏ ⵢⵉⵙⵉⴳ ⵏ ⵜⵏⴻⴼⵍⵉ ⵜⴰⵖⴻⵍⵏⴰⵡⵜ ⴷ ⵢⵉⵙⵡⵉⵔⴻⵏ ⵏ ⵜⵏⴻⴼⵍⵉ ⵢⴻⵜⵜⵉⴷⵉⵔⴻⵏ".
ⴷⴰⵖⴻⵏ, ⴰⵀⵉⵍ-ⴰⴳⵉ ⵢⴻⴼⴽⴰ "ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵞⵀⴻⴷ ⵏ ⵜⵣⴻⵎⵎⴰⵔ ⵏ ⵢⵉⵎⴰⵙⵍⴰⵢⴻⵏ ⵏ ⵓⵙⵇⴰⵎⵓ ⵓⵏⵉⴳ ⵏ ⵢⵉⵍⵎⴻⵣⵢⴻⵏ ⴷⴻⴳ ⵡⴰⵏⵏⴰⵔ ⵏ ⵓⵎⴰⵏⴰⵚⴻⵔ (ⴰⴷⵠⵓⵛⴰⵛⵢ) ⵢⴻⴱⵏⴰⵏ ⵖⴻⴼ ⵜⵙⴻⴱⴱⵉⵜ, ⴰⵙⴼⵓⴽⴽⴻⵍ ⵏ ⵢⵉⵍⵎⴻⵣⵢⴻⵏ (ⴼⵓⵔⴻⵙⵉⴳⵀⵜ), ⴰⵏⴰⴷⵉ ⵏ ⵜⵜⴻⴽⴽⵉ, ⴷ ⵓⵏⵢⵓⴷⴷⵓ, ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵜⴰⵍⵍⴻⵍⵜ ⴷⴻⴳ ⵓⵙⴰⵍⵉ ⵏ ⵜⵙⴻⵔⵜⵉⵜ ⵏ ⴱⴰⵢⵍⴻⴽ ⵉ ⵢⴻⵇⵇⵏⴻⵏ ⵖⴻⵔ ⵢⵉⵍⵎⴻⵣⵢⴻⵏ".
ⴰⵣⵎⴰⵎ ⵏ ⵡⴰⵀⵉⵍ-ⴰⴳⵉ ⵉⵙⴱⴻⴳⴳⴻⵏ-ⴷ ⵜⵉⵔⴰⵜ ⵏ ⵓⵙⵇⴰⵎⵓ ⴷ ⵓⵏⵉⵛⴻⴼ ⵉ "ⵓⴽⴻⵎⵎⴻⵍ ⵏ ⵓⵏⵢⵓⴷⴷⵓ ⵉⵡⴰⴽⴽⴻⵏ ⴰⴷ ⴷ-ⵉⵍⵉⵏ ⵡⴰⵀⵉⵍⴻⵏ ⵏ ⵏⴼⴰⵄ ⵉ ⵢⴻⵣⵔⴰⵏ ⵢⵉⴷ-ⵙⴻⵏ ⵢⵉⵍⵎⴻⵣⵢⴻⵏ ⵏ ⵍⴻⵣⵣⴰⵢⴻⵔ, ⴷ ⵓⵀⴻⴳⴳⵉ ⵏ ⵢⵉⵙⵓⵢⴰⵙ ⵉⵡⴻⵙⵏⴻⵔⵏⵉ ⵏ ⵓⵙⵏⵓⵍⴼⵓ ⴷ ⵓⴱⴻⵇⵇⴻⵙ ⵏ ⵍⴻⴱⵏⵉ ⵏ ⵓⵣⴻⴽⴽⴰ ⵏ ⵜⵎⵓⵔⵜ", ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵏⴰⴱⴰⵖ-ⵏⵏⵉ.
ⴰⵔⵏⵓ ⵖⴻⵔ
