ⵣⵎⴻⵎⴻⵏ, ⴰⵙⵙ-ⴰ ⵏ ⵍⵃⴻⴷ ⴷⵉ ⵍⵣⵣⴰⵢⵔ ⵜⴰⵎⴰⵏⴻⵖⵜ, ⵙⵏⴰⵜ ⵏ ⵜⵎⵢⴰⵇⵇⴰⵏⵉⵏ ⴳⴰⵔ ⵢⵉⵃⵔⵉⵇ ⵏ ⵜⴼⴰⵍⵃⵉⵜ ⴷ ⵜⵏⴻⴼ ⵜⴰⴼⴰⵔⴰⵏⵜ ⴷ ⵢⵉⵃⵔⵉⵇ ⵏ ⵓⵙⴻⴳⵎⵉ ⴰⵄⵍⴰⵢⴰⵏ ⴷ ⵓⵏⴰⴷⵉ ⴰⵎⴰⵙⵙⴰⵏ. ⵜⴰⴷⵓⴽⵍⵉ-ⴰⴳⵉ ⵜⴻⵄⵏⴰ ⵜⵉⵣⵔⴰⵡⵉⵏ ⵜⵉⴼⴰⵍⵃⴰⵏⵉⵏ, ⵍⴰⴷⵖⴰ ⵜⵉⵣⵔⴰⵡⵉⵏ ⵏ ⵡⴰⴽⴰⵍ, ⵓⵙⴻⴼⵔⴻⴷ ⴷ ⵓⵙⵏⴻⵔⵏⵉ ⵏ ⵍⴼⴰⵢⴷⴰ ⵏ ⵢⵉⴳⵔⴰⵏ.
ⵜⴰⴼⵓⴳⵍⵉ ⵏ ⵓⵣⵎⴻⵎ ⵜⴻⵍⵍⴰ-ⴷ ⵙ ⵜⴻⴳⵎⴻⵔⵜ ⵏ ⵓⵏⴻⵖⵍⴰⴼ ⵏ ⵜⴼⴰﻟⵃⵉⵜ ⵎⴰⵙ ⵢⴰⵙⵉⵏ ⵍⵎⴻⵀⴷⵉ ⵡⴰⵍⵉⴷ ⴷ ⵓⵏⴻⵖⵍⴰⴼ ⵏ ⵓⵙⴻⴳⵎⵉ ⴰⵄⵍⴰⵢⴰⵏ ⵎⴰⵙ ⴽⴰⵎⴰⵍ ⴱⴻⴷⴷⴰⵔⵉ.
ⵜⴰⵎⵢⴰⵇⵇⴰⵏⵜ ⵜⴰⵎⴻⵣⵡⵓⵔⵓⵜ: ⵜⴻⵜⵜⵏⴰⴷⵉ ⴰⴷ ⵜⴻⵙⵙⴻⵡⵊⴻⴷ ⵜⵉⵙⴷⴰⵡⵉⵢⵉⵏ ⴷ ⵍⵎⴰⵅⴰⴱⵉⵔ-ⵏⵙⴻⵏⵜ (laboratoires) ⵉⵡⴰⴽⴽⴻⵏ ⴰⴷ ⴳⴰⵏ ⵜⵉⵣⵔⴰⵡⵉⵏ ⵉ ⵍⵎⴻⵏⴼⴻⵄ ⵏ ⵢⵉⴼⴻⵍⵍⴰⵃⴻⵏ. ⴰⵢⴰ ⴰⴷ ⵢⴻⵊⵊ ⴰⴷ ⵥⵔⴻⵏ ⵜⵉⴼⴻⵢⵢⵓⵔⵉⵏ ⵏ ⵡⴰⴽⴰⵍ, ⵍⵇⵉⵎⴰ ⵏ ⵡⴰⵎⴰⵏ ⵏ ⵜⵙⴻⴳⵡⵉⵜ (irrigation) ⴷ ⵓⵙⴻⴼⵔⴻⴷ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⴼⴰⵔⵉⵙ ⴷ ⴰⵎⴰⵢⵏⵓ ⵢⴻⵔⵏⴰ ⵢⴻⵊⵀⴻⴷ.
ⴷⴰⵢⴻⵏ, ⴰⴷ ⴷ-ⵢⵉⵍⵉ ⵓⴷⴻⴽⴽⴻⵍ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵜⴻⵔⴱⴰⵚⵉⵏ ⵜⵉⵎⴰⵙⵙⴰⵏⵉⵏ ⴷ ⵓⵏⴰⴷⵉ ⵖⴻⴼ ⵡⴰⵏⴰⵡⴻⵏ ⵉⵎⴰⵢⵏⵓⵜⴻⵏ ⵏ ⵢⵉⵎⵖⴰⵏ ⵉ ⵢⴻⵣⵎⴻⵔⵏ ⴰⴷ ⵢⵉⴷⵉⵔ ⴷⵉ ⵜⵎⵓⵔⵜ-ⵏⵏⴻⵖ.
ⵜⴰⵎⵢⴰⵇⵇⴰⵏⵜ ⵜⵉⵙ ⵙⵏⴰⵜ: ⵜⴻⵄⵏⴰ ⴰⵙⴻⵅⴷⴻⵎ ⵏ ⵜⵉⵎⴰⵙⵙⴰⵢⵉⵏ ⵉ ⵓⵃⵔⴰⵣ ⵏ ⵢⵉⴳⵔⴰⵏ ⵉⵎⴻⵇⵇⵔⴰⵏⴻⵏ. ⵜⵉⵎⴰⵙⵙⴰⵢⵉⵏ-ⴰ ⴰⴷ ⵄⴰⵡⵏⴻⵏⵜ ⵉⵡⴰⴽⴽⴻⵏ ⴰⴷ ⵥⵔⴻⵏ ⴰⵎⴻⴽ ⵜⵜⴻⵏⴼⴻⵍⴰⵢⴻⵏ ⵢⵉⵎⵖⴰⵏ ⴷ ⵓⵎⴻⵏⵏⵓⵖ ⵎⴳⴰⵍ ⵡⴰⵟⵟⴰⵏⴻⵏ ⵏ ⵜⴼⴰⵍⵃⵉⵜ.
ⴰⵏⴻⵖⵍⴰⴼ ⵢⴰⵙⵉⵏ ⵍⵎⴻⵀⴷⵉ ⵡⴰⵍⵉⴷ ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰ ⴰⴷ ⵢⴻⵙⵙⴻⵔⴼⴻⵃ ⵍⴼⴰⵢⴷⴰ ⵏ ⵜⴼⴰⵍⵃⵉⵜ, ⵍⴰⴷⵖⴰ ⵡⵉⵏ ⵏ ⵓⵔⴷⴻⵏ (blé) ⵉ ⵢⴻⵣⵎⴻⵔⵏ ⴰⴷ ⵢⴻⵔⵏⵓ ⵙ 20 ⵏ ⵢⵉⵇⴻⵏⵟⴰⵔⴻⵏ ⴷⴻⴳ ⵢⵉⵡⴻⵏ ⵓⵀⵉⴽⵜⴰⵔ. ⵎⴰ ⴷ ⴰⵏⴻⵖⵍⴰⴼ ⴽⴰⵎⴰⵍ ⴱⴻⴷⴷⴰⵔⵉ, ⵢⴻⵏⵏⴰ-ⴷ ⴱⴻⵍⵍⵉ ⵜⴰⴼⴰⵍⵃⵉⵜ ⴰⴷ ⵜⵓⵖⴰⵍ ⴷ ⵜⴰⵎⴰⵢⵏⵓⵜ ⵙ ⵜⵎⵓⵙⵏⵉ ⵏ ⵓⵏⴰⴷ ⴰⵎⴰⵙⵙⴰⵏ ⵉⵡⴰⴽⴽⴻⵏ ⴰⴷ ⵏⴻⴹⵎⴻⵏ ⵍⵄⵉⵛ-ⵏⵏⴻⵖ (الأمن الغذائي).
ⴰⵔⵏⵓ ⵖⴻⵔ
