ⴰⵣⵡⴻⵍ: ⴰⵙⵇⴰⵎⵓ ⵉⵏⵉⴳ ⵏ ⵍⵉⵙⵍⴰⵎ ⵉⵙⵓⴷⴷⵓⵙ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ ⵏ ⵓⵙⵡⵉⵔ ⴰⵄⵍⴰⵢⴰⵏ.
ⵉⵙⵓⴷⴷⵓⵙ ⵓⵙⵇⴰⵎⵓ ⵉⵏⵉⴳ ⵏ ⵍⵉⵙⵍⴰⵎ (HCI), ⵙ ⵜⴰⵍⵍⴻⵍⵜ ⵏ ⵜⵉⴷⵓⴽⵍⴰ ⵏ ⵉⵎⵓⵙⵏⴰⵡⴻⵏ ⴷ ⵢⵉⵎⴷⵉⵢⴰⵣⴻⵏ ⴷ ⵢⵉⵎⴰⵎⴻⵏ ⵏ ⵜⵎⵓⵔⴰ ⵏ ⵙⴰⵀⴻⵍ, ⴰⵙⵙ-ⴰ ⵏ ⵍⴰⵔⴻⴱⵄⴰ, ⴷⴻⴳ ⵓⵎⴽⴰⵏ ⵏ ⵓⵙⵇⴰⵎⵓ ⴷⴻⴳ ⵍⴰⴱⵢⴰⵔ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ ⵜⴰⵄⵍⴰⵢⴰⵏⵜ ⵙ ⵓⵣⵡⴻⵍ: "ⵜⴰⴷⵉⴱⵍⵓⵎⴰⵙⵉⵢⵜ ⵏ ⴷⴷⵉⵏ ⴷⴻⴳ ⵙⴰⵀⴻⵍ ⵏ ⵜⴻⴼⵔⵉⵇⵜ.. ⵜⵉⵣⵎⴻⵔⵜ ⴷ ⵡⴰⵣⴰⵍ."
ⵜⴰⵎⵍⵉⵍⵉⵜ-ⴰⴳⵉ ⵉⵃⴷⴻⵔ-ⵉⵜⵜ ⵍⵖⴰⵛⵉ ⵏ ⴷⴷⵓⵍⴰ ⵙ ⵡⴰⵟⵟⴰⵙ, ⴰⵢⴰ ⵢⴻⵙⵙⴽⴰⵏ-ⴷ ⴰⵣⴰⵍ ⵎⴻⵇⵇⵔⴻⵏ ⵉ ⵜⴻⴼⴽⴰ ⵍⴻⵣⵣⴰⵢⴻⵔ ⵉ ⵓⵃⵓⴷⴷⵓ ⵏ ⵓⵅⴻⵎⵎⴻⵎ ⴷ ⵓⵙⴷⵓⵙ ⵏ ⵔⵔⵓⵃ ⴷⴻⴳ ⵜⴻⵎⵏⴰⴹⵜ-ⴰⴳⵉ.
ⴰⵀⵉⵍ ⵏ ⵜⴻⵎⵍⵉⵍⵉⵜ-ⴰⴳⵉ ⵍⵍⴰⵏ ⴷⴻⴳ-ⵙ ⵢⵉⵏⴰⵡⴻⵏ ⵏ ⵓⵏⵚⵉⴱ, ⴷ ⵜⵉⵏⴰⵡⵉⵏ ⵜⵓⵙⵙⵏⴰⵏⵉⵏ ⵙⵖⵓⵔ ⵢⵉⵡⴻⵜ ⵏ ⵜⴻⵔⴱⴰⵄⵜ ⵏ ⵢⵉⵎⵓⵙⵏⴰⵡⴻⵏ, ⴳⴰⵔ-ⴰⵙⴻⵏ: ⴰⵙⴻⵍⵎⴰⴷ ⴷⵓⴽⵜⵓⵔ ⵄⴻⴱⴷⴻⵔⵔⴰⵃⵎⴰⵏ ⵙⴻⵏⵓⵙⵉ, ⴷ ⵎⴰⵙⵙ ⵎⵓⵃⴻⵎⵎⴻⴷ ⴹⵉⴼ ⵙⵉ ⵍⴻⵣⵣⴰⵢⴻⵔ, ⵛⵛⵉⵅ ⵎⵓⵙⴰ ⵚⴰⵔ ⵙⵉ ⵎⵓⵔⵉⵜⴰⵏⵢⴰ, ⴷⵓⴽⵜⵓⵔ ⵃⴻⵎⵣⴰ ⴰⵃⵎⴰⴷⴰⵢ ⵎⵓⵙⴰ ⵙⵉ ⵜⵛⴰⴷ, ⴷ ⵛⵛⵉⵅ ⴰⵍⴼⴰ ⴷⴰⵀⵢⴰ ⴽⵓⵏⵜⴰ ⵙⵉ ⵎⴰⵍⵉ.
ⵜⵉⵏⴰⵡⵉⵏ-ⴰⴳⵉ ⴰⴷ ⴷ-ⵎⵎⴻⵙⵍⴰⵢⴻⵏⵜ ⵖⴻⴼ ⵜⵎⵓⵖⵍⵉ ⵏ ⵍⴻⵣⵣⴰⵢⴻⵔ ⴷⴻⴳ ⵙⴰⵀⴻⵍ, ⴰⴽⴽⴻⴷ ⵓⵙⴻⴼⵀⴻⵎ ⵏ ⵡⴻⵣⴷⴰⵢ ⵏ ⵜⵖⴻⵔⵎⴰ ⴷ ⵜⵎⴻⵜⵜⵉ ⴳⴰⵔ ⵜⵎⵓⵔⴰ ⵏ ⵜⴻⵎⵏⴰⴹⵜ-ⴰⴳⵉ.
ⴰⵔⵏⵓ ⵖⴻⵔ
