ⵢⴻⵎⵍⴰⵍ ⵓⵏⴻⵖⵍⴰⴼ ⵏ ⵜⴰⵣⵎⴻⵔⵜ ⴷ ⵜⴰⵣⵎⴻⵔⵜ ⵜⴰⵎⴰⵢⵏⵓⵜ, ⵎⵓⵔⴰⴷ ⵄⴻⵊⵊⴰⵍ, ⴰⵙⵙ-ⴰ ⵏ ⵍⴰⵔⴻⴱⵄⴰ, ⴷ ⵓⵏⴻⵖⵍⴰⴼ ⵏ ⵡⴰⵎⴰⵏ ⴷ ⵜⴰⵣⵎⴻⵔⵜ ⵏ ⵜⴳⴷⵓⴷⴰ ⵏ ⵜⵛⴰⴷ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵓⵏⵏⴰⵔ ⵏ ⵜⵣⵉⵡⴰⵔⴰ ⵏ ⵓⵎⴰⵀⵉⵍ ⵏ ⵓⵅⴻⴷⴷⵉⵎ ⵉ ⵢⴻⴳⴳⴰ, ⵍⵡⴰⵃⵉⴷ ⴷ ⵓⵎⴰⵔⴰⵢ ⵏ ⵓⵡⴰⵏⴻⴽ ⴰⵏⴻⵖⵍⴰⴼ ⵏ ⵍⵎⴰⵃⵔⵓⵇⴰⵜ ⴷ ⵍⵎⴰⵄⴰⴷⴻⵏ, ⵎⵓⵃⴻⵎⵎⴻⴷ ⵄⴻⵔⵇⴰⴱ, ⵖⴻⵔ ⵜⴳⴷⵓⴷⴰ ⵏ ⵜⵛⴰⴷ.
ⵢⴻⴼⴽⴰ ⵄⴻⵊⵊⴰⵍ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵢⵉⵡⴻⵏ ⵏ ⵓⵙⴽⴰⵏ ⴰⵎⴻⵛⵟⵓⵃ ⵖⴻⴼ ⵓⵃⴽ ⵏ ⵜⴰⵣⵎⴻⵔⵜ, ⵍⴰⴷⵖⴰ ⵜⵔⵉⵙⵉⵜⵉ ⴷ ⵍⴳⴰⵣ. ⵢⴻⵎⵎⴻⵙⵍⴰⵢ-ⴷ ⵖⴻⴼ ⵜⵉⵣⵎⴻⵔⵜ ⵏ ⵜⵉⵏⴷⵓⵙⵜⵔⵉ ⵙⴳ ⵜⵓⵔⴱⵉⵏⵉⵏ ⴰⵔ ⵢⵉⵍⵍⴰⵍⴻⵏ ⵏ ⵜⴰⵣⵎⴻⵔⵜ ⵜⴰⴷⵔⴰⵔⵜ. ⵢⴻⴱⴷⴻⵔ-ⴷ ⴷⴰⵖⴻⵏ ⵜⴰⵎⵓⵙⵏⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴳⵎⵉ ⵏ ⵢⵉⵎⴷⴰⵏⴻⵏ ⴷ ⵓⵅⴻⴷⴷⵉⵎ ⵏ ⵢⵉⴼⴻⴳⴳⴰⴳⴻⵏ (installations) ⵏ ⵜⴰⵣⵎⴻⵔⵜ, ⵙⴳ ⵓⴼⴰⵔⴻⵙ ⴰⵔ ⵓⵙⵉⵡⴻⴹ ⴷ ⵓⴱⴻⵟⵟⵓ.
ⵢⴻⵙⵙⴻⴷⴷⴻⵔ-ⴷ ⵓⵏⴻⵖⵍⴰⴼ ⴱⴻⵍⵍⵉ ⵍⴻⵣⵣⴰⵢⴻⵔ ⵜⵀⴻⴳⴳⴰ ⴰⴷ ⵜⴻⴱⴹⵓ ⵜⴰⵎⵓⵙⵏⵉ-ⵙ ⴷ ⵜⵛⴰⴷ ⴷⴻⴳ ⵢⵉⵡⴻⵜ ⵏ ⵜⵛⴻⵔⴽⴻⵜ ⵏ "ⵔⴻⴱⴱⴻⵃ-ⵔⴻⴱⴱⴻⵃ" ⴳⴰⵔ ⵢⵉⵎⴻⵙⴽⴰⵔⴻⵏ ⵏ ⵙⵏⴰⵜ-ⴰⴳⵉ ⵏ ⵜⵎⵓⵔⴰ.
ⵙⴳ ⵢⵉⴷⵉⵙ-ⵉⵙ, ⴰⵏⴻⵖⵍⴰⴼ ⵏ ⵜⵛⴰⴷ ⵢⴻⵙⵙⴽⴻⵏ-ⴷ ⴱⴻⵍⵍⵉ ⵜⴰⵎⵓⵔⵜ-ⵉⵙ ⵜⴻⴱⵖⴰ ⴰⴷ ⵜⴻⵅⴷⴻⵎ ⴷ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⴽ-ⴰⴳⵉ.
ⴰⵔⵏⵓ ⵖⴻⵔ
