ⵜⴻⵙⵎⴰⴳⴻⵔ ⵜⵙⴻⵍⵡⴰⵢⵜ ⵏ ⵜⵙⴻⵏⴱⴻⵔⵜ ⵏ ⵜⵎⴻⵏⴹⴰⵡⵜ, ⵍⴰⵢⵍⴰ ⵄⴻⵙⵍⴰⵡⵉ, ⴰⵙⵙ-ⴰ ⵏ ⵍⴰⵔⴻⴱⵄⴰ, ⴷⴻⴳ ⵓⵎⴽⴰⵏ ⵏ ⵜⵙⴻⵏⴱⴻⵔⵜ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⴰⴷⵉ ⵏ ⵜⵎⴻⵏⴹⴰⵡⵜ ⵏ ⵜⴳⴷⵓⴷⴰ ⵏ ⵉⵜⵢⵓⴱⵢⴰ ⵜⴰⴼⵉⴷⵉⵔⴰⵍⵉⵜ, ⵎⴰⵙⵙ ⵜⵉⵢⵓⴷⵔⵓⵙ ⵎⵉⵀⵔⴻⵜ ⴽⴻⴱⵉⴷⵉ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵜⵙⴻⵏⴱⴻⵔⵜ ⵏ ⵜⵎⴻⵏⴹⴰⵡⵜ, ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵏⵏⴰⵔ ⵏ ⵜⴻⵎⵍⵉⵍⵉⵢⵉⵏ ⵏ ⵙⵉⵏ-ⵙⵉⵏ ⵉ ⵜⵜⴻⴳⴳ ⵜⵙⴻⵍⵡⴰⵢⵜ ⵏ ⵜⵙⴻⵏⴱⴻⵔⵜ, ⴰⴽⴽⴻⴷ ⵢⵉⵙⴻⵍⵡⴰⵢⴻⵏ ⵏ ⵜⵓⴽⴽⴰⵙ ⵉ ⴷ-ⵢⵓⵙⴰⵏ ⵖⴻⵔ ⵜⵓⵣⵣⵢⴰ ⵜⵉⵙ 19 ⵏ ⵓⵙⴻⵍⵅⵓ (ⵍⴱⵉⵔⵓ ⴰⵙⴻⵍⵅⴰⵡ) ⵏ ⵓⵏⴻⵊⵎⵓⵄ ⵏ ⵜⵙⴻⴳⵎⵉⵢⵉⵏ ⵜⵉⵣⴻⵔⴼⴰⵏⵉⵏ ⵏ ⵜⵎⴻⵏⴹⴰⵡⵜ ⵏ ⵜⴻⴼⵔⵉⵇⵜ.
ⵜⴰⵎⵍⵉⵍⵉⵜ-ⴰⴳⵉ ⵏ ⵙⵉⵏ-ⵙⵉⵏ ⵜⴻⵍⵍⴰ-ⴷ ⴷ ⵜⴰⵙⴻⴽⵏⴰⵜ ⵏ ⵍⴶⴻⵀⴷ ⵏ ⵡⴰⵙⵙⴰⵖⴻⵏ ⵓⵎⴻⵣⵔⵓⵢ ⵢⴻⵍⵍⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵉⵜⵢⵓⴱⵢⴰ. ⴷ ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⵓⵍⴰ ⴷ ⴰⴱⵖⵓ ⵏ ⵙⵏⴰⵜ-ⴰⴳⵉ ⵏ ⵜⵎⵓⵔⴰ ⵉ ⵓⵙⵏⴻⵔⵏⵉ ⵏ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷⴻⴳ ⵓⵏⵏⴰⵔ ⵏ ⵍⵃⴻⵇⵇ ⴷ ⵜⵎⴻⵏⴹⴰⵡⵜ, ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴷⵓⵙⴻⵍ ⵏ ⵓⵡⴰⵏⴻⴽ ⵏ ⵍⵇⴰⵏⵓⵏ ⴷ ⵜⵎⵓⵔⵙⴰⵍ ⴷⴻⴳ ⵜⴻⴼⵔⵉⵇⵜ ⴽⴰⵎⴻⵍ.
ⴰⵔⵏⵓ ⵖⴻⵔ
