ⴰⴷ ⵢⴻⴽⴽⵉ ⵓⵃⵔⵉⴽ ⵏ ⵜⵎⴻⵔⵔⴻⵣⵜ ⴷ ⵜⵉⵏⴷⵓⵙⵜ ⵏ ⵓⴼⵓⵙ, ⵙ ⵓⴼⵓⵙ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵜⵎⴻⵔⵔⴻⵣⵜ (ONT), ⴷ ⴽⵔⴰ ⵏ ⵢⵉⵎⴻⵙⴽⴰⵔⴻⵏ ⵏ ⵜⵎⴻⵔⵔⴻⵣⵜ, ⴷⴻⴳ ⵜⵓⵣⵣⵢⴰ ⵜⵉⵙ 46 ⵏ ⵓⵏⴻⴶⵎⵓⵄ ⴰⴳⵔⴰⵖⵍⴰⵏ ⵏ ⵜⵎⴻⵔⵔⴻⵣⵜ ⴷ ⵓⵙⵉⴽⴻⵍ "FITUR Madrid", ⴰⵔⴰ ⴷ-ⵢⵉⵍⵉⵏ ⴷⴻⴳ ⵎⴰⴷⵔⵉⴷ (ⵙⵒⴰⵏⵢⴰ) ⴳⴰⵔ 21 ⴷ 25 ⵢⴻⵏⵏⴰⵢⴻⵔ 2026.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵜⵎⴻⵔⵔⴻⵣⵜ, ⴰⵙⵙ-ⴰ ⵏ ⵍⴰⵔⴻⴱⵄⴰ, ⵜⵜⴻⴽⴽⵉ-ⴰⴳⵉ ⵜⴻⵡⵡⵉ-ⴷ ⴰⴷ ⵜⴻⵙⴷⵓⵙ ⵜⵉⵍⵍⵉ ⵏ ⵍⴻⵣⵣⴰⵢⴻⵔ ⴷⴻⴳ ⵜⵎⴻⵍⵍⵉⵡⵉⵏ ⵜⵉⴳⵔⴰⵖⵍⴰⵏⵉⵏ, ⵉ ⵡⴰⴽⴽⴻⵏ ⴰⴷ ⴷ-ⵜⴻⵙⵙⴽⴻⵏ ⵓⴷⴻⵎ ⵏ ⵜⵎⴻⵔⵔⴻⵣⵜ ⵜⴰⵣⵣⴰⵢⵔⵉⵜ ⴷ ⵍⴱⴰⵀⴰ ⵏ ⵓⴳⴰⵎⴰ ⴷ ⵢⵉⴷⵍⴻⵙ-ⵉⵙ.
ⵢⴻⵔⵏⴰ-ⴷ ⵓⵙⴰⵍⴰⵢ-ⴰⴳⵉ: "ⵉ ⵡⴰⴽⴽⴻⵏ ⴰⴷ ⵜⴻⵙⵙⴽⴻⵏ ⵜⵓⵎⴻⵔⵔⴻⵣⵜ ⵏ ⵍⴻⵣⵣⴰⵢⴻⵔ, ⴰⵙⵉⵔⴰ ⴰⵏⴰⵎⵓⵔ ⵏ ⵜⵎⴻⵔⵔⴻⵣⵜ ⵢⴻⴷⴷⴻⵎ ⵢⵉⵡⴻⵜ ⵏ ⵜⵇⴻⴹⵄⵉⵜ ⵏ ⵓⵙⴽⴰⵏ ⵢⴻⵍⵀⴰⵏ, ⵉ ⴷ-ⵢⴻⵙⵙⴻⵎⵍⴰⵍⴰⵢⴻⵏ ⴳⴰⵔ ⵜⵎⴻⵜⵜⵉ ⵜⴰⵇⴷⵉⵎⵜ ⴷ ⵜⵎⴰⵢⵏⵓⵜ. ⵍⵍⴰⵏ ⴷⵉⵙ ⵜⵜⴻⵙⵡⵉⵕⴰⵜ ⵏ ⵢⵉⵎⵓⴽⴰⵏ ⵉⵜⴻⵄⵊⵉⴱⴻⵏ, ⵍⴰⴷⵖⴰ ⵡⵉⴷ ⵉ ⴷ-ⵢⴻⵙⵙⴰⵡⴰⵢⴻⵏ ⵉⵎⴻⵔⵔⴰⵢⴻⵏ ⵏ ⵙⵒⴰⵏⵢⴰ, ⴳⴰⵔ-ⴰⵙⴻⵏ ⴰⵏⵥⵓⵍ ⴰⵎⴻⵇⵇⵔⴰⵏ ⵏ ⵍⴻⵣⵣⴰⵢⴻⵔ."
ⴷⴻⴳ ⵜⴻⴳⵏⵉⵜ-ⴰⴳⵉ, ⴰⴷ ⴷ-ⵉⵍⵉⵏⵜ ⵜⴻⵎⵍⵉⵍⵉⵢⵉⵏ ⴷ ⵡⴰⵙⵙⴰⵖⴻⵏ ⵏ ⵓⵅⴻⴷⴷⵉⵎ ⴷ ⵢⵉⵎⴻⵙⴽⴰⵔⴻⵏ ⵏ ⵜⵎⴻⵔⵔⴻⵣⵜ ⵏ ⵜⵎⵓⵕⴰ ⵏⵏⵉⴹⴻⵏ ⴷ ⵢⵉⵙⴰⵍⴰⵏ ⵉ ⴷ-ⵢⴻⵣⵣⵉⵏ, ⵉ ⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵉⵙⴰⵍⴰⵏ ⵉ ⵓⵙⵓⵎⴻⵔ ⵏ ⵜⵎⴻⵔⵔⴻⵣⵜ ⵜⴰⵣⵣⴰⵢⵔⵉⵜ ⴷⴻⴳ ⵓⵎⴰⴹⴰⵍ.
ⴰⴷ ⴷ-ⵙⴽⵏⴻⵏ ⵓⵍⴰ ⴷ ⵉⵙⴼⵓⵢⵍⴰ ⴷ ⵜⵜⴻⵙⵡⵉⵔⴰⵜ, ⴰⴷ ⵎⴼⴻⵔⵔⴰⵇⴻⵏ ⵉⵙⴰⵍⴰⵏ ⵉ ⵡⴰⴽⴽⴻⵏ ⵍⵖⴰⵛⵉ ⴰⴷ ⵉⵙⵙⵉⵏⴻⵏ ⵜⴰⵎⵓⵔⵜ-ⵏⵏⴻⵖ, ⵔⵏⵓ ⵖⴻⵔ-ⵙ ⴰⵙⴽⴰⵏ ⵏ ⵢⵉⵎⵓⴽⴰⵏ ⵙ ⵜⴰⵔⵔⴰⵢⵜ ⵏ 3D (ⵜⴰⵍⵜⴰⵖⵜ ⵜⵓⴷⴷⵉⵙⵜ) ⵉ ⵡⴰⴽⴽⴻⵏ ⵉⵎⴻⵔⵔⴰⵢⴻⵏ ⴰⴷ ⵡⴰⵍⵉⵏ ⵉⵎⵓⴽⴰⵏ ⵏ ⵍⴱⴰⵀⴰ.
ⵉ ⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵓⴷⴻⵔⵜ ⴷⴻⴳ ⵓⴷⴻⴳ-ⴰⴳⵉ ⵏ ⵍⴻⵣⵣⴰⵢⴻⵔ, ⴽⵔⴰ ⵏ ⵢⵉⵏⴰⵥⵓⵔⴻⵏ ⵏ ⵓⴼⵓⵙ ⴰⴷ ⴷ-ⵙⴽⵏⴻⵏ ⴰⵢⴻⵏ ⵉ ⴷ-ⵅⴻⵍⵇⴻⵏ ⵉ ⴷ-ⵢⴻⵎⵎⴰⵍⴻⵏ ⵍⴱⴰⵀⴰ ⵏ ⵢⵉⴷⵍⴻⵙ ⴰⵏⴰⵎⵓⵔ.
ⵉ ⵓⵙⵎⴻⴽⵜⵉ: ⴷ ⵢⵉⵡⴻⵏ ⴳⴰⵔ ⵎⵔⴰⵡ (10) ⵏ ⵢⵉⵎⴰⴳⴷⴰⵢⴻⵏ ⵎⴻⵇⵇⵔⴻⵏ ⵏ ⵜⵎⴻⵔⵔⴻⵣⵜ ⴷⴻⴳ ⵓⵎⴰⴹⴰⵍ, ⵔⵏⵓ ⵢⴻⵍⵍⴰ ⴷ ⵡⵉⵙ ⵙⵉⵏ ⴷⴻⴼⴼⵉⵔ ⵏ ⵡⵉⵏ ⵏ ⴱⴻⵔⵍⵉⵏ ⴷⴻⴳ ⵍⴰⵍⵎⴰⵏ.
ⴰⵔⵏⵓ ⵖⴻⵔ
