ⴼⵔⴻⵏⵏⵜ ⵜⵣⵉⵡⵔⵉⵡⵉⵏ ⵏ ⵓⵎⴰⵀⵉⵍ ⵏ ⵓⵎⵢⴰⵡⴰⴹ ⵉ ⴷ-ⵜⴻⵙⵓⴷⴷⴻⵙ ⵜⴻⵙⴻⵇⵇⵓⵎⵜ ⵜⴰⵄⵍⴰⵢⴰⵏⵜ ⵏ ⵜⴱⴰⵍⵍⴰⵏⵜ ⴷ ⵓⵙⵔⴻⴳⴳⵓ ⵏ ⵍⴼⵓⵙⴰⴷ (ⵟⵟⴻⵍⵟⴰ ⵍⵄⵓⵍⵢⴰ), ⴷⴻⴳ ⵓⵏⵏⴰⵔ ⵏ ⵓⵙⴼⵓⵖⴻⵍ ⵏ ⵜⵙⵜⵔⴰⵜⴻⴶⵉⵜ ⵜⴰⵏⴰⵎⵓⵔⵜ ⵏ ⵓⵙⵔⴻⴳⴳⵓ ⵏ ⵍⴼⵓⵙⴰⴷ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵜⴻⵙⴻⵇⵇⵓⵎⵜ-ⴰⴳⵉ ⴰⵙⵙ-ⴰ ⵏ ⵍⴰⵔⴻⴱⵄⴰ.
ⵢⴻⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⴰⴳⵉ ⴱⴻⵍⵍⵉ ⵜⵉⵣⵉⵡⵔⵉⵡⵉⵏ-ⴰⴳⵉ ⵉ ⴷ-ⵢⴻⴽⴽⴰⵏ ⴷⴻⴳ ⵓⵎⴰⵀⵉⵍ ⵏ ⵜⵎⴻⵏⴹⴰⵡⵜ ⵏ ⵜⴻⵙⴻⵇⵇⵓⵎⵜ-ⴰⴳⵉ, ⵉ ⵢⵉⴼⵓⴽⴽⴻⵏ ⵉⴹⴻⵍⵍⵉ ⵏ ⵜⵍⴰⵜⴰ ⴷⴻⴳ ⵜⵎⴻⴷⴷⵉⵜ, ⵙⵙⴻⵎⵍⴰⵍⴻⵏⵜ-ⴷ ⴰⴽⴽ ⵢⵉⵃⵔⵉⵛⴻⵏ, ⵜⵉⴷⵓⴽⵍⵉⵡⵉⵏ ⴷ ⵜⵎⵓⵔⵙⴰⵍ ⵉ ⵢⴻⵄⵏⴰⵏ ⴰⵙⴼⵓⵖⴻⵍ ⵏ ⵜⵙⵜⵔⴰⵜⴻⴶⵉⵜ ⵜⴰⵏⴰⵎⵓⵔⵜ ⵏ ⵜⴱⴰⵍⵍⴰⵏⵜ ⴷ ⵓⵙⵔⴻⴳⴳⵓ ⵏ ⵍⴼⵓⵙⴰⴷ.
ⵜⵉⵣⵉⵡⵔⵉⵡⵉⵏ-ⴰⴳⵉ ⵍⵍⴰⵏⵜ ⵖⴻⴼ "ⵓⵣⵢⴻⴹ ⵏ ⵜⴰⵔⵔⴰⵢⵉⵏ ⵏ ⵓⵙⴻⵅⴷⴻⵎ ⵏ ⵓⵏⴻⴳⵔⴰⵡ ⵏ ⵓⵎⵓⵟⵟⵓⵏ (digital platform) ⵉ ⴷ-ⵜⴻⵙⵙⵓⴼⴻⵖ ⵜⴻⵙⴻⵇⵇⵓⵎⵜ ⵜⴰⵄⵍⴰⵢⴰⵏⵜ ⵉ ⵓⵙⴼⵓⵖⴻⵍ ⵏ ⵜⵙⵜⵔⴰⵜⴻⴶⵉⵜ, ⴰⴽⴽⴻⵏ ⴰⴷ ⵢⵉⵍⵉ ⵓⵎⵢⴰⵡⴰⴹ ⴷ ⵓⵙⴼⵓⵖⴻⵍ ⵏ ⵡⴰⵀⵉⵍ ⴷⴻⴳ ⵍⵡⴻⵇⵜ-ⵉⵙ, ⵔⵏⵓ ⵖⴻⵔ-ⵙ ⴰⵙⵓⵔⴻⴼ ⵏ ⵓⵀⴻⴳⴳⵉ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵓⵙⴻⴳⴳⴰⵙ 2026."
ⵜⵉⵣⵉⵡⵔⵉⵡⵉⵏ-ⴰⴳⵉ ⵉ ⵢⵉⴷⵓⵎⴻⵏ ⵜⵍⴰⵜⴰ ⵡⵓⵙⵙⴰⵏ, ⵃⴻⴷⵔⴻⵏ-ⴰⵙⴻⵏⵜ 52 ⵏ ⵢⵉⵎⵎⴻⵜⵍⴻⵏ ⵏ ⵢⵉⵃⵔⵉⵛⴻⵏ ⵏ ⵜⵏⴻⵖⵍⴰⴼⵉⵏ, ⵜⵉⵎⵓⵔⵙⴰⵍ ⵏ ⵍⵇⴰⵏⵓⵏ ⴷ ⵡⵉⵏ ⵏ ⵓⵙⴻⵍⴽⴻⵏ, ⴷ ⵢⵉⵙⵇⵇⵓⵎⴰ ⵏ ⵓⵎⵛⴰⵡⴰⵔ, ⴰⴽⴽⴻⴷ ⵜⵎⵓⵔⵙⴰⵍ ⵏⵏⵉⴹⴻⵏ.
ⵏⴻⵙⵎⴻⴽⵜⵉ-ⴷ ⴱⴻⵍⵍⵉ ⵜⵉⵎⵍⵉⵍⵉⵢⵉⵏ-ⴰⴳⵉ ⵍⵍⴰⵏⵜ ⵉ ⵓⵀⴻⴳⴳⵉ ⵏ ⵜⴻⵎⵍⵉⵍⵉⵢⵉⵏ ⵏ ⵜⵙⴻⵇⵇⵓⵎⵉⵏ ⵜⵉⴼⵓⵔⴽⴰⵏⵉⵏ ⴷ ⵜⴻⵙⴻⵇⵇⵓⵎⵜ ⵜⴰⵏⴰⵎⵓⵔⵜ ⵏ ⵓⵙⴼⵓⵖⴻⵍ ⵏ ⵜⵙⵜⵔⴰⵜⴻⴶⵉⵜ ⵏ ⵜⴱⴰⵍⵍⴰⵏⵜ ⴷⴻⴳ ⵜⵓⵣⵣⵢⴰ-ⵙ ⵜⴰⵎⴻⵣⵡⴰⵔⵓⵜ ⵏ ⵓⵙⴻⴳⴳⴰⵙ 2026.
ⴰⵔⵏⵓ ⵖⴻⵔ
