ⵜⴻⴽⴻⵎⵎⴻⵍ ⵜⴰⵃⴱⵓⵟ ⵜⴰⵖⴰⵔⵉⵎⵜ ⵍⴻⵅⴷⴰⵢⴻⵎ-ⵉⵙ ⴷⴻⴳ ⵓⵏⵏⴰⵔ ⴷⴻⴼⴼⵉⵔ ⵏ ⵓⴱⴻⴷⴷⴻⵍ ⵏ ⵍⵃⴰⵍ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵟⵟⴰⵙ ⵏ ⵜⵎⴻⵏⴰⴹⵉⵏ ⵏ ⵜⵎⵓⵔⵜ. ⵙⴻⵅⵔⴻⵏ ⴰⴽⴽ ⵉⵍⵍⴰⵍⴻⵏ ⵏ ⵢⵉⵎⴷⴰⵏⴻⵏ ⴷ ⵜⵛⴻⵇⵇⵓⴼⵉⵏ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⴽⵛⵓⵎ-ⵏⵙⴻⵏ ⴷ ⵓⵣⵔⵉⴱ ⵢⴻⵔⵏⴰ ⵢⴻⴼⴽⴰ ⵍⴼⴰⵢⴷⴰ.
ⵢⴻⵙⵙⴻⴼⵀⴻⵎ-ⴷ ⵓⵏⴻⵎⵀⴰⵍ ⴰⵎⴰⵡⵙⴰⵢ ⵏ ⵜⵙⴻⵇⵇⵓⴼⵜ ⵏ ⵢⵉⵙⵉⴹⴻⵏ ⴷ ⵓⵎⵢⴰⵡⴰⴹ ⴷⴻⴳ ⵜⵏⴻⵖⵍⴰⴼⵜ ⵜⴰⵎⴰⵜⵓⵜ ⵏ ⵜⴰⵃⴱⵓⵟ ⵜⴰⵖⴰⵔⵉⵎⵜ, ⵍⵎⵓⵇⴻⴷⴷⴻⵎ ⵏⴰⵙⵉⵎ ⴱⴻⵔⵏⴰⵡⵉ, ⴱⴻⵍⵍⵉ ⵜⴰⵃⴱⵓⵟ ⵜⴰⵖⴰⵔⵉⵎⵜ ⵜⴻⴼⴽⴰ ⴰⴽⴽ ⵉⵍⵍⴰⵍⴻⵏ-ⵉⵙ ⵉ ⵡⴰⴽⴽⴻⵏ ⴰⴷ ⵜⴻⴼⴽ ⵜⴰⵣⵡⴻⵔⵜ ⵉ ⵓⴽⵛⵓⵎ ⴷⴻⴳ ⵓⵏⵏⴰⵔ. ⵙⴻⵔⵔⴻⵙⵏ ⴰⵀⵉⵍⵏ ⵓⵙⵍⵉⴳⴻⵏ ⴷ ⵜⴳⴰⵡⵜⵉⵏ ⵏ ⵜⵃⴻⴷⴷⴻⵔⵜ ⵉ ⵓⵃⵓⴷⴷⵓ ⵏ ⵢⵉⵎⴷⴰⵏⴻⵏ ⴷ ⵡⴰⵢⵍⴰ-ⵏⵙⴻⵏ.
ⴷⴻⴳ ⵡⵓⴷⴻⵎ-ⴰⴳⵉ, ⵢⴻⵏⵏⴰ-ⴷ ⵓⵎⴻⵙⵍⴰⵢ-ⴰⴳⵉ ⴱⴻⵍⵍⵉ ⴷⴻⴳ 24 ⵜⵙⴰⵄⵉⵏ ⵜⵉⵏⴻⴳⴳⵓⵔⴰ, ⵍⵍⴰⵏ 3343 ⵏ ⵢⵉⴽⵛⵓⵎⴻⵏ ⴳⴰⵔ-ⴰⵙⴻⵏ: ⴰⵙⵓⴼⵖⴻⵔ ⵏ ⵢⵉⵎⵓⴹⴰⵏ, ⵉⵡⵡⴻⵜⵍⴰⵏ ⵏ ⵓⴱⵔⵉⴷ, ⴰⵊⴻⴱⴱⴻⴷ ⵏ ⵡⴰⵎⴰⵏ ⵏ ⵡⴻⴳⴷⵓ (ⵍⴰⵎⵟⴰⵔ) ⴷⴻⴳ ⵢⵉⴱⵔⵉⴷⴻⵏ ⴷ ⵢⵉⵅⴰⵎⵎⴻⵏ, ⴰⴽⴽⴻⴷ ⵓⵙⴻⵍⵍⴻⴽ ⵏ ⵢⵉⵎⴷⴰⵏⴻⵏ ⵉ ⵢⴻⵃⵚⴻⵔ ⵡⴰⵎⴰⵏ ⴷⴻⴳ ⵜⴽⴻⵔⵔⵓⵙⵉⵏ-ⵏⵙⴻⵏ.
ⵢⴻⴱⴷⴻⵔ-ⴷ ⴰⵣⴰⵍ ⵏ ⵓⴹⴻⴼⴼⴻⵔ ⵏ ⵜⵓⵏⵏⵉⵢⵉⵏ ⴷ ⵜⵎⴻⵛⵜⵓⵇⵉⵏ ⵉ ⴷ-ⵜⴻⵜⵜⴻⴼⴽⴰ ⵜⴰⵃⴱⵓⵟ ⵜⴰⵖⴰⵔⵉⵎⵜ ⴷⴻⴳ ⵍⵡⴻⵇⵜ-ⴰⴳⵉ ⵏ ⵓⴱⴻⴷⴷⴻⵍ ⵏ ⵍⵃⴰⵍ, ⴰⵎ: ⴰⴷⵓⴷⴷⴻⵔ ⵏ ⵜⴰⵣⵣⵍⴰ ⵏ ⵜⴽⴻⵔⵔⵓⵙⵉⵏ, ⴰⵙⴻⵅⴷⴻⵎ ⵏ ⵜⴼⴰⵜⵉⵜⵉⵏ ⵏ ⵡⴰⴷⴷⴰ, ⴰⵃⵔⴻⵣ ⵏ ⵡⴰⴱⵄⴰⴷ ⵏ ⵜⵃⴻⴷⴷⴻⵔⵜ ⴳⴰⵔ ⵜⴽⴻⵔⵔⵓⵙⵉⵏ, ⴷ ⵓⴱⵄⴰⴷ ⵖⴻⴼ ⵢⵉⵖⵣⴻⵔⴰⵏ.
ⵢⴻⵙⵙⵓⵜⴻⵔ ⵓⵎⴰⵙⴰⵢ-ⴰⴳⵉ ⵙⵉ ⵢⵉⵎⴷⴰⵏⴻⵏ ⴰⴷ ⵙⵙⵉⵡⵍⴻⵏ ⵉ ⵜⴰⵃⴱⵓⵟ ⵜⴰⵖⴰⵔⵉⵎⵜ ⴷⴻⴳ ⵓⵟⵟⵓⵏ ⴰⵣⴻⴳⵣⴰⵡ 1021 ⵏⴻⵖ ⵓⵟⵟⵓⵏ ⵏ ⵓⵙⴻⵍⵍⴻⴽ 14, ⵢⴻⵔⵏⴰ ⴰⴷ ⴷ-ⵎⵎⴻⵍⵏ ⴰⴽⴽ ⵉⵙⴰⵍⴰⵏ ⵖⴻⴼ ⵡⴰⵏⴷⴰ ⵢⴻⵍⵍⴰ ⵍⵅⴰⵟⴰⵔ ⴷ ⵓⴷⴻⴳ-ⵉⵙ.
ⴰⵔⵏⵓ ⵖⴻⵔ
