ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⵖⴻⴼ ⵡⴰⴽⵓⴷⴻⵏ ⵏ ⵓⵍⴷⴰⵢ ⵏ ⵡⴰⵎⵎⴰⵙⴻⵏ ⵏ ⵓⴽⴰⵢⴰⴷ ⵉ ⵓⵏⴻⴽⵛⵓⵎ ⵏ ⵢⵉⵎⴻⵙⵜⵉⵔⴻⵏ ⴷⴻⴳ ⵢⴰⴽⴽ ⵡⵓⵙⵙⴰⵏ ⵏ ⵓⴽⴰⵢⴰⴷ ⵏ ⵜⴻⴳⴻⵔⴷⴰⵙⵜ ⵏ ⴱⴰⴽⴰⵍⵓⵕⵢⴰ, ⵜⴰⵙⴻⵎⵎⵓⵏⵜ ⵏ 2026.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ "ⴷⴻⴳ ⵓⵣⴻⵏⵣⵉⵖ ⵏ ⵓⵀⴻⴳⴳⵉ ⴷ ⵜⴰⵔⵔⴰⵢⵉⵏ ⵉ ⴷ-ⵉⵜⵜⵡⴰⵟⵟⴼⴻⵏ ⵉ ⵓⵟⵎⴰⵏ ⵏ ⵜⵉⴷⴷⵉ ⵢⴻⵍⵀⴰⵏ ⵏ ⵓⴽⴰⵢⴰⴷ ⵏ ⴱⴰⴽⴰⵍⵓⵕⵢⴰ 2026, ⴰⵎⵎⴰⵙⴻⵏ ⵏ ⵓⴽⴰⵢⴰⴷ ⵉ ⵓⵏⴻⴽⵛⵓⵎ ⵏ ⵢⵉⵎⴻⵙⵜⵉⵔⴻⵏ ⴰⴷ ⵍⴷⵉⵏ ⵜⴰⵚⴻⴱⴱⵃⵉⵜ ⵙⴻⴳ 07:15 (ⴷⴻⴳ ⵡⴻⵎⴽⴰⵏ ⵏ 07:30) ⴰⵔⵎⵉ ⴷ 08:00".
ⵎⴰ ⴷⴻⴳ ⵜⵎⴻⴷⴷⵉⵜ, ⴰⵎⵎⴰⵙⴻⵏ ⴰⴷ ⵍⴷⵉⵏ "ⵙⴻⴳ 13:45 (ⴷⴻⴳ ⵡⴻⵎⴽⴰⵏ ⵏ 14:00) ⴰⵔⵎⵉ ⴷ 14:30", ⵙ ⵓⵟⵎⴰⵏ ⴱⴻⵍⵍⵉ "ⴰⵀⵉⵍ ⵏ ⵢⵉⴽⴽⴰⵢⴰⴷⴻⵏ ⴰⴷ ⵢⴻⵇⵇⵉⵎ ⴰⴽⴽⴻⵏ ⵢⴻⵍⵍⴰ ⵎⴻⴱⵍⴰ ⴰⴱⴻⴷⴷⴻⵍ".
ⵜⴰⵏⴻⵖⵍⴰⴼⵜ ⵜⴻⵙⵙⴻⴽⵜⵉ-ⴷ ⴷⴻⴳ ⵓⵙⵉⵡⴹ-ⵉⵙ "ⴰⵣⴰⵍ ⵏ ⵓⵙⴻⵔⵙⵉ ⵏ ⵜⵉⵍⵉⵡⵡⵉⵏ ⴷ ⵢⴰⴽⴽ ⵡⴰⵍⵍⴰⵍⴻⵏ ⵏ ⵜⴻⵢⵡⴰⵍⵜ ⵜⴰⵍⵉⴽⵜⵔⵓⵏⴰⵏⵜ ⵏⴻⵖ ⵡⵉⴷ ⵏ ⵓⵃⵔⴰⵣ ⵏ ⵢⵉⵙⴰⵍⴰⵏ, ⵙ ⵓⴼⵓⵙ ⵏ ⵢⵉⵎⴰⵙⵍⴰⴷⴻⵏ ⵏ ⵜⴰⵅⴻⵍⵡⵉⵜ ⵏ ⵓⵎⵎⴰⴳⴻⵔ ⴷⴻⴳ ⵓⵍⴷⴰⵢ ⵏ ⵡⴰⵎⵎⴰⵙ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵙⴻⴳ ⵜⵉⵄⴻⵇⵇⵉⴱⵉⵏ ⵉ ⴷ-ⵉⵜⵜⴰⵙⴻⵏ ⵙⴻⵍⴷ ⵓⵃⵓⵟⵟⵓ ⵏ ⵢⵉⵍⵓⴳⴰⵏ-ⴰⴳⵉ".
ⴷⴰⵖⴻⵏ, ⵜⴻⵙⵙⵉⵡⴻⵍ ⵉ "ⵢⴰⴽⴽ ⵎⴻⴷⴷⴻⵏ ⵉⵡⴰⴽⴽⴻⵏ ⴰⴷ ⵇⴰⴷⵔⴻⵏ ⵜⴰⵔⵔⴰⵢⵉⵏ-ⴰⴳⵉ ⵏ ⵓⵙⵓⴷⴷⴻⵙ ⴷ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵢⴻⵍⵍⴰⵏ ⴷⴻⴳ ⴷⴰⵅⴻⵍ ⵏ ⵡⴰⵎⵎⴰⵙⴻⵏ ⵏ ⵓⴽⴰⵢⴰⴷ, ⵉ ⵓⵟⵎⴰⵏ ⵏ ⵜⵉⴷⴷⵉ ⵢⴻⵍⵀⴰⵏ ⵏ ⵓⴽⴰⵢⴰⴷ ⴷⴻⴳ ⵍⵉⵙⴻⵔ, ⵙ ⵓⵇⴰⴷⴻⵔ ⵏ ⵜⴼⴻⴼⴻⴼⴼⵉⵜ ⴷ ⵓⵎⵎⵉⵣⵉ ⵏ ⵜⵣⴻⵎⵎⴰⵔ ⴳⴰⵔ ⵢⵉⵎⴻⵙⵜⵉⵔⴻⵏ ⵎⴻⵕⵕⴰ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
