ⵍⴷⵉⵏ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ ⴰⵃⵔⵉⵛ ⵏ ⵓⴱⵔⵉⴷ ⵉ ⵢⴻⵣⴷⵉⵏ ⴳⴰⵔ ⵒⴽ 16 ⴷⴻⴳ ⴰⵎⵉⵣⵓⵔ ⴷ ⵒⴽ 11 ⴷⴻⴳ ⵡⴰⵙⵉⴼ ⵏ ⵍⵖⵉⵔ (ⵓⵓⴻⴷ ⴳⵀⵉⵔ), ⵖⴻⴼ ⵢⵉⵡⴻⵜ ⵏ ⵍⵎⴻⵚⴰⴼⴰ ⵏ 5 ⵏ ⵍⴽⵉⵍⵓⵎⵉⵜⵔⴰⵜ. ⴰⵃⵔⵉⵛ-ⴰⴳⵉ ⴷ ⴰⵎⵓⵔ ⵏ ⵓⵙⴻⵏⴼⴰⵔ ⴰⵎⴻⵇⵇⵔⴰⵏ ⵏ ⵓⵙⴰⵡⴰⴹ ⵉ ⵉⵛⵓⴷⴷⴻⵏ ⴱⴳⴰⵢⴻⵜ ⴷ ⵓⴱⵔⵉⴷ ⴰⵎⴻⵇⵇⵔⴰⵏ "ⴰⴳⵎⵓⴹ-ⴰⵎⴰⵍⵓ" (ⴰⵓⵜⵓⵔⵓⵓⵜⴻ ⴻⵙⵜ-ⵓⵓⴻⵙⵜ).
ⴰⵙⵉⵡⴻⵍ ⵏ ⵜⵡⵉⵍⴰⵢⵜ ⵢⴻⵏⵏⴰ-ⴷ ⴱⴻⵍⵍⵉ ⴰⵍⴷⴰⵢ-ⴰⴳⵉ ⵢⴻⵍⵍⴰ-ⴷ ⵎⴱⴻⵄⴷ ⵎⴰ ⵡⴰⵍⴰⵏ ⴱⴻⵍⵍⵉ ⵎⴻⵕⵕⴰ ⵜⵉⴳⴳⵓⵔⴰ ⵏ ⵍⴰⵎⴰⵏ ⴷ ⵜⵃⵓⴷⴷⵓⵢⵜ ⵏ ⵢⵉⵎⵙⴻⵡⵡⴰⵇⴻⵏ ⵍⵍⴰⵏⵜ. ⴰⵃⵔⵉⵛ-ⴰⴳⵉ ⴰⵎⴰⵢⵏⵓⵜ ⴰⴷ ⵉⵄⴰⵡⴻⵏ ⵍⵖⴰⵛⵉ ⵉⵡⴰⴽⴽⴻⵏ ⴰⴷ ⴷ-ⴰⵡⴹⴻⵏ ⵙ ⵜⵖⴰⵡⵍⴰ ⵖⴻⵔ ⵓⴱⵔⵉⴷ ⴰⵎⴻⵇⵇⵔⴰⵏ ⵙⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 12 (ⵔⵏ 12), ⴰⵢⴰⴳⵉ ⴰⴷ ⵉⵙⵙⴻⴼⵇⴻⵙ ⵜⵓⴼⴼⵖⴰ ⴷⴻⴳ ⴱⴳⴰⵢⴻⵜ ⵢⴻⵔⵏⴰ ⴰⴷ ⵉⵙⵙⴻⵃⴼⴻⴹ ⵍⴱⴰⵟⴻⵍ ⵏ ⵓⴱⵔⵉⴷ ⴷⴻⴳ ⵜⴰⵎⴰ-ⵏⵏⵉ.
ⵉⵎⴻⴷⴷⴱⵔⴻⵏ ⵏⵏⴰⵏ-ⴷ ⵓⵍⴰ ⴱⴻⵍⵍⵉ ⵉⵎⴻⵀⵍⴰⵏ (ⵜⵔⴰⴼⴰⵓⵅ) ⴽⴻⵎⵎⵍⴻⵏ ⵙ ⵍⵇⴻⴷⴷ ⵉ ⵓⵃⵔⵉⵛ ⵉ ⴷ-ⵢⴻⴳⵔⴰⵏ, ⵙⴻⴳ ⵒⴽ 11 ⴰⵔ ⵙⵙⴽⴰⵍⴰ (ⵒⵓⵔⵜ) ⵏ ⴱⴳⴰⵢⴻⵜ (ⵒⴽ 00). ⴰⵙⴻⵏⴼⴰⵔ-ⴰⴳⵉ ⴰⵎⴻⵇⵇⵔⴰⵏ ⴰⴷ ⴷ-ⵢⴻⴼⴽ ⵍⵇⵓⵡⴰ ⵉ ⵜⴷⴰⵎⵙⴰ ⴷ ⵓⵏⴻⵔⵏⵉ ⵏ ⵜⵡⵉⵍⴰⵢⵜ ⵏ ⴱⴳⴰⵢⴻⵜ.
ⵏⴻⵙⵎⴻⴽⵜⴰⵢ-ⴷ ⴱⴻⵍⵍⵉ ⴰⵏⴻⵖⵍⴰⴼ ⵏ ⵢⵉⵎⴻⵀⵍⴰⵏ ⵏ ⴱⴰⵢⵔⴻⴳ, ⵎⴰⵙⵙ ⵄⴰⴱⴷⴻⵍⵇⴰⴷⴻⵔ ⴷⵊⴻⵍⵍⴰⵓⵓⵉ, ⵉ ⵢⴻⵙⵙⴻⵖⵔⴻⵜ ⵜⴰⵎⵖⵔⴰ ⵏ ⵓⵍⴷⴰⵢ-ⴰⴳⵉ ⴰⵙⵙ ⵏ ⵍⵅⴻⵎⵉⵙ ⵉⵄⴻⴷⴷⴰⵏ, ⵙ ⵜⵉⵍⵉⵏ ⵏ ⵓⵏⴻⵖⵍⴰⴼ ⵏ ⵏⵏⴻⴼⵟ ⴷ ⵍⵎⴻⵏⵊⴻⵎ, ⵎⴰⵙⵙ ⵎⵓⵀⴰⵎⴻⴷ ⵄⴰⵔⵇⴰⴱ, ⴷ ⵜⵏⴰⵖⵍⴰⴼⵜ ⵎⴰⵙⵙⴰ ⴽⴰⵔⵉⵎⴰ ⵜⴰⴼⴻⵔ, ⴷ ⵍⵡⴰⵍⵉ ⵏ ⴱⴳⴰⵢⴻⵜ, ⵎⴰⵙⵙ ⴽⴰⵎⴻⵍ ⴻⴷⴷⵉⵏⴻ ⴽⴻⵔⴱⵓⵓⵛⵀⴻ.
ⴰⵔⵏⵓ ⵖⴻⵔ
