ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⴷ ⵡⵉⴷ ⵢⴻⵙⵄⴰⵏ ⴰⵣⵔⴻⴼ, ⵎⴰⵙⵙ ⴰⴱⴷⴻⵍⵎⴰⵍⴻⴽ ⵜⴰⵛⵀⵔⵉⴼⴻⵜ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵜⵡⵉⵍⴰⵢⵜ ⵏ ⴱⴳⴰⵢⴻⵜ, ⴰⵍⴷⴰⵢ ⴷ ⵓⵣⴻⵟⵟⴻⴹ ⵏ ⵡⴰⵟⴰⵙ ⵏ ⵜⵙⴻⴷⴷⴰⵔⵉⵏ ⴷ ⵜⵓⴷⴷⵙⵉⵡⵉⵏ ⵏ ⵓⵏⵏⴰⵔ-ⴰⴳⵉ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵍⵎⴻⴶⵀⵓⴷⴰⵜ ⵉ ⵢⴻⴱⵖⴰⵏ ⴰⴷ ⴷ-ⵙⵏⴻⵔⵏⵉⵏⵜ ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⵏ ⵢⵉⵎⵊⴰⵀⴷⴻⵏ ⴷ ⵓⵙⴰⵜⵉⴳ ⵏ ⵓⴳⴻⵔⵔⵓⵊ ⴰⵎⴻⵣⵔⴰⵢ ⵏ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ ⵉⴶⴻⵀⴷⴻⵏ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵢⴻⴷⴷⴰ ⴷ ⵍⵡⴰⵍⵉ ⵏ ⴱⴳⴰⵢⴻⵜ, ⵎⴰⵙⵙ ⴽⴰⵎⴰⵍ ⴻⴷⴷⵉⵏⴻ ⴽⴻⵔⴱⵓⵓⵛⵀⴻ, ⴷ ⵢⵉⵎⴹⴻⴱⴱⵔⴻⵏ ⴰⴷⵉⴳⴰⵏⴻⵏ ⴷ ⵢⵉⵎⴰⵙⵍⴰⴷⴻⵏ ⵏ ⵜⵡⴰⵛⵓⵍⵜ ⵏ ⵜⴻⴳⵔⴰⵡⵍⴰ, ⵉⵡⴰⴽⴽⴻⵏ ⴰⴷ ⴷ-ⵉⵙⴱⴻⴷⴷ ⵡⴰⵎⵎⴰⵙ ⵏ ⵔⵔⴰⵃⴰ ⵏ ⵢⵉⵎⵊⴰⵀⴷⴻⵏ ⴷⴻⴳ ⵜⵖⵉⵡⴰⵏⵜ ⵏ ⵙⵓⵓⵇ ⵍⵜⵏⴰⵢⴻⵏ. ⵉⵙⵙⴻⴽⵏⴻⴷ ⴱⴻⵍⵍⵉ ⵉⵍⴰⵇ ⴰⴷ ⴷ-ⵢⵉⵍⵉ ⵓⵙⴻⴼⵔⴻⴽ ⵢⴻⵍⵀⴰⵏ ⵉ ⵓⵟⵎⴰⵏ ⵏ ⵓⵎⵎⴰⴳⴻⵔ ⵉⴼⴰⵣⴻⵏ ⵉ ⵜⴻⴳⵔⵓⵎⵎⴰ-ⴰⴳⵉ.
ⵎⴰⵙⵙ ⵜⴰⵛⵀⵔⵉⴼⴻⵜ ⵢⴻⵏⵏⴰ-ⴷ ⴷⴻⴳ ⵜⵉⵔⵣⵉ-ⵉⵙ ⴱⴻⵍⵍⵉ ⴰⵙⴱⴻⴷⴷⵉ ⵏ ⵡⴰⵎⵎⴰⵙ-ⴰⴳⵉ ⵏ ⵢⵉⵎⴻⵥⵍⴰ ⴷ ⴰⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵓⵙⴻⴶⵀⴻⴷ ⵏ ⵡⴰⵍⵍⴰⵍⴻⵏ ⵏ ⵓⵃⵔⴰⵣ ⵏ ⵢⵉⵎⵊⴰⵀⴷⴻⵏ, ⴷ ⵜⴻⵊⵎⵉⵍⵜ ⵉ ⵡⴰⵢⴻⵏ ⵉ ⴷ-ⴼⴽⴰⵏ ⵉ ⵓⵙⵍⴻⵍⵍⵉ ⵏ ⵍⴻⵣⵣⴰⵢⴻⵔ. ⵡⴰⵎⵎⴰⵙ-ⴰⴳⵉ, ⵉ ⵢⴻⵙⵄⴰⵏ 140 ⵏ ⵡⵓⵙⵙⵓ (ⵍⵉⵜⵙ), ⴰⴷ ⵢⴻⵙⵙⵉⵡⴻⴹ ⴰⴷ ⵉⵙⴰⵍⵉ ⵜⵉⵣⴻⵎⵎⴰⵔ ⵏ ⵓⵃⵔⴰⵣ ⵏ ⵢⵉⵎⵊⴰⵀⴷⴻⵏ ⵙ ⵢⵉⵎⴻⵥⵍⴰ ⵓⴼⵔⵉⵏⴻⵏ.
ⴷⴰⵖⴻⵏ, ⴰⵏⴻⵖⵍⴰⴼ ⵉⵡⴰⵍⴰ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⵏ ⵓⵙⴻⵏⴼⴰⵔ ⵏ ⵓⵣⵉⵣⵣⴻⴷ ⵏ ⵡⴰⵎⵎⴰⵙ ⵏ ⵓⵄⵜⴰⴱ "ⵜⵓⵓⵔⵏⵓ" ⴷⴻⴳ ⵜⵖⵉⵡⴰⵏⵜ ⵏ ⵡⵓⵇⵇⴰⵙ. ⴰⵎⴽⴰⵏ-ⴰⴳⵉ ⴰⵎⴻⵣⵔⴰⵢ ⴷ ⵉⵏⴰⴳⵉ ⵖⴻⴼ ⵓⵄⴻⵏⴼⴰⴹ ⵏ ⵓⵏⴻⴽⵛⵓⵎ ⴰⴼⵔⴰⵏⵙⵉⵙ ⵎⴳⴰⵍ ⵓⵖⵔⴻⴼ ⴰⵣⵣⴰⵢⵔⵉ ⴷⴻⴳ ⵜⴰⵍⵍⵉⵜ ⵏ ⵜⴻⴳⵔⴰⵡⵍⴰ. ⵜⴰⵛⵀⵔⵉⴼⴻⵜ ⵉⵙⵔⴻⵚ ⴱⴻⵍⵍⵉ ⵉⵍⴰⵇ ⵓⵃⵔⴰⵣ ⵏ ⵓⴷⴻⵎ ⴰⵎⴻⵣⵔⴰⵢ ⴷ ⵓⵣⴰⵎⵓⵍ ⵏ ⵡⴻⵎⴽⴰⵏ-ⴰⴳⵉ ⵉ ⵓⵟⵎⴰⵏ ⵏ ⵜⵎⴻⴽⵜⵉ ⵜⴰⵖⴻⵍⵏⴰⵡⵜ.
ⵉⵡⴰⵍⴰ ⴷⴰⵖⴻⵏ ⵜⴰⵔⵔⴰⵢⵜ ⵏ ⵜⴰⵔⵇⵎⵉⵜ ⵏ ⵡⴰⵔⵔⴰⵜⴻⵏ ⴰⵎⴻⵣⵔⴰⵢⴻⵏ ⴷⴻⴳ ⵓⵙⴰⵍⴰⵢ ⵏ ⵓⵎⵊⴰⵀⵉⴷ, ⵉⵡⴰⵍⴰ-ⵜⵜ ⴷ ⴰⵍⵍⴰⵍ ⴰⵎⴰⵢⵏⵓ ⵉ ⵓⵃⵔⴰⵣ ⵏ ⵓⴳⴻⵔⵔⵓⵊ ⴰⵖⴻⵍⵏⴰⵡ ⵉ ⵜⵙⵓⵜⵉⵡⵉⵏ ⵉ ⴷ-ⵉⵜⵜⴻⴷⴷⵓⵏ. ⵢⴻⵙⵙⴻⵍⵡⴰⵢ ⴷⴰⵖⴻⵏ ⵜⴰⵊⵎⵉⵍⵜ ⵉ ⵏⴼⴰⵄ ⵏ ⵢⵉⵏⴻⵍⵎⴰⴷⴻⵏ ⵉ ⴷ-ⵓⵡⵢⴻⵏ ⵔⵔⴻⴱⴻⵃ ⴷⴻⴳ ⵜⴻⵎⵣⵉⵣⴻⵍⵜ ⵏ ⵓⵙⴱⴻⴷⴷⵉ ⵏ ⵓⵙⵎⴻⵍ ⴰⵍⵉⴽⵜⵔⵓⵏⴰⵏ ⵉⴼⴰⵣⴻⵏ ⵉ ⵓⵙⴻⵜⴼⴻⵀⵎ ⵙ ⵓⵎⴻⵣⵔⵓⵢ ⵏ ⵜⵎⵓⵔⵜ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⵜⴰⵛⵀⵔⵉⴼⴻⵜ ⵉⵙⵏⴻⴽⵏⴰⴷ ⴽⵔⴰ ⵏ ⵢⵉⵎⵊⴰⵀⴷⴻⵏ ⴷ ⵜⵡⴰⵛⵓⵍⵉⵏ ⵏ ⵢⵉⵎⴻⵖⵔⴰⵙⴻⵏ, ⵉⵡⴰⴽⴽⴻⵏ ⴰⴷ ⵜⴻⵏ-ⵉⵙⵏⴻⵎⵎⴻⵔ ⵖⴻⴼ ⵢⵉⵙⴻⴼⵍⴰⵏ ⵉⵎⴻⵇⵇⵔⴰⵏⴻⵏ ⵉ ⴷ-ⴼⴽⴰⵏ ⵉ ⵓⵡⴰⵏⴰⴽ ⴷ ⵓⵙⵍⴻⵍ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
