ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⴰⵢ ⵓⵏⵖⵍⴰⴼ ⵏ ⵓⵙⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵎⴰⵙⵙ ⴽⴰⵎⴰⵍ ⴱⴻⴷⴷⴰⵔⵉ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵍⴷⴰⵢ ⵓⵏⵚⵉⴱ ⵏ ⴽⵓⵣ (04) ⵏ ⵜⵉⴱⵓⵔⵜⵉⵡⵉⵏ ⵜⵉⵎⴹⴰⵏⵉⵏ ⵜⵉⵎⴰⵢⵏⵓⵜⵉⵏ. ⵙ ⵡⴰⵢⴰ, ⴰⵜⵉⴳ ⵏ ⵜⴱⵓⵔⵜⵉⵏ ⵏ ⵓⵃⵔⵉⵛ-ⴰⴳⵉ ⵢⴻⵡⵡⴻⴹ 73 ⵏ ⵜⴱⵓⵔⵜⵉⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴰⵏⴰⴳⵔⴰⵡ ⴰⵎⴹⴰⵏ ⵏ ⵜⵏⴻⵖⵍⴰⴼⵜ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵢⴻⴼⴽⴰ ⴷⴻⴳ ⵜⵉⴳⵏⵉⵜ-ⴰⴳⵉ, ⵎⴰⵙⵙ ⴱⴻⴷⴷⴰⵔⵉ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⴰⵃⵔⵉⵛ ⵏ ⵓⵙⵍⵎⴻⴷ ⵓⵏⵏⵉⴳ "ⵢⴻⵊⵊⴻⵀⴻⴷ ⵙ ⴽⵓⵣ ⵏ ⵜⴱⵓⵔⵜⵉⵏ-ⴰⴳⵉ ⵜⵉⵎⴰⵢⵏⵓⵜⵉⵏ ⵉ ⵡⴰⴽⴽⴻⵏ ⴰⴷ ⵢⴰⵡⴻⴹ ⵡⴰⵜⵉⴳ ⴰⵎⴰⵜⵓ ⵖⴻⵔ 73 ⵏ ⵜⴱⵓⵔⵜⵉⵏ ⵜⵉⵎⴹⴰⵏⵉⵏ ⵉⵇⴷⴻⵛⴻⵏ. ⴰⵢⴰ ⵢⴻⵍⵍⴰ-ⴷ ⵙ ⵜⵣⵎⴰⵔ ⴷ ⵜⵎⵓⵙⵏⵉ ⵏ ⵜⵎⴻⵔⵙⴻⵍⵉⵏ ⵏ ⵓⵃⵔⵉⵛ, ⴰⵎ ⵡⴰⵎⵎⴰⵙⴻⵏ ⵏ ⵢⵉⵙⴰⵍⵍⴻⵏ ⴷ ⵢⵉⵎⵙⴻⴳⴳⵎⴻⵏ ⵏ ⵓⵏⴰⴷⵉ."
ⵢⴻⵙⴼⴻⵔⵔⴻⵯ-ⴷ ⵓⵏⵖⵍⴰⴼ ⴱⴻⵍⵍⵉ ⴰⵍⴷⴰⵢ ⵏ ⵜⴱⵓⵔⵜⵉⵏ-ⴰⴳⵉ ⵢⴻⵙⴽⴰⵏⴰⵢ-ⴷ "ⴰⵙⵡⵉⵔ ⵓⵏⵏⵉⴳ ⵏ ⵓⵙⴻⵎⴹⴻⵏ ⵉ ⵢⴻⵡⵡⴻⴹ ⵓⵃⵔⵉⵛ ⴷⴻⴳ ⵎⴰⵕⵕⴰ ⵍⴻⵇⴷⵉⵛⴻⵏ-ⵉⵙ ⵓⵙⵙⵏⴰⵏⴻⵏ ⴷ ⵡⵉⴷ ⵏ ⵓⵙⴻⴷⵎⴻⵔ." ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⴱⴻⴷⴷⴻⵍ-ⴰⴳⵉ ⵖⴻⵔ ⵓⵎⴹⴰⵏ "ⴷ ⵜⴰⵔⵉⵛⵜ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⵜⴻⴼⴼⴻⵖ ⵜⴰⵙⴻⴷⴷⴰⵡⵉⵜ ⵖⴻⵔ ⵜⵙⵓⵜⴰ ⵜⵉⵙ ⴽⵓⵣ, ⵉ ⵢⴻⵍⴷⴰⵏ ⵜⵉⴱⴱⵓⵔⴰ-ⵉⵙ ⵉ ⵜⴷⴰⵎⵙⴰ ⴷ ⵓⵎⴻⵜⵜⵉ ⵢⴻⵔⵏⴰ ⵜⴻⵇⴷⴻⵛ ⴷⴻⴳ ⵓⴼⴰⵔⵉⵙ ⴷ ⵓⵙⵓⵎⴻⵔ."
ⵎⴰⵙⵙ ⴱⴻⴷⴷⴰⵔⵉ ⵢⴻⵙⵙⴻⴽⵏ-ⴷ ⴱⴻⵍⵍⵉ ⵜⴰⵖⴻⵔⵜ-ⴰⴳⵉ ⴰⴷ ⵜⴻⴼⴽ ⵜⴰⵣⵎⴻⵔⵜ "ⵉ ⵢⵉⵏⴻⵍⵎⴰⴷⴻⵏ ⴷ ⵢⵉⵏⴰⴳⵎⴰⵢⴻⵏ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⵉⴽⵜⵉⵡⵉⵏ-ⵏⵙⴻⵏ ⴷ ⵢⵉⵙⴻⵏⴼⴰⵔⴻⵏ ⴷ ⵜⵎⴻⵔⵙⴻⵍⵉⵏ ⵜⵉⵎⴰⵢⵏⵓⵜⵉⵏ ⵢⴻⵙⵄⴰⵏ ⴰⵣⴰⵍ ⴷⴻⴳ ⵜⴷⴰⵎⵙⴰ." ⵢⴻⵏⵏⴰ-ⴷ ⴱⴻⵍⵍⵉ ⴰⴱⵔⵉⴷ-ⴰⴳⵉ ⵢⴻⵜⵜⴻⴷⴷⵓ ⴷ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵢⴻⵔⵣⴰⵏ ⴰⵙⴱⴻⴷⴷ ⵏ ⵍⵣⵣⴰⵢⴻⵔ ⵜⴰⵎⴰⵢⵏⵓⵜ ⴳⴰⵔ 2024 ⴷ 2029.
ⵜⵉⴱⵓⵔⵜⵉⵡⵉⵏ-ⴰⴳⵉ ⵜⵉⵎⴰⵢⵏⵓⵜⵉⵏ ⵜⴻⵔⵣⴰ:
- "ⴰⵊⴻⵔⵔⴻⴷ ⴰⵎⴹⴰⵏ ⵏ ⵜⵎⴻⵔⵙⴻⵍⵉⵏ ⵜⵉⴷⴰⵎⵙⴰⵏⵉⵏ": ⵉⵙⵡⵉ-ⵙ ⴷ ⴰⵙⴻⵎⴹⴻⵏ ⴷ ⵓⵙⵎⴰⵢⵏⵓ ⵏ ⵓⵙⴻⴷⵎⴻⵔ ⵏ ⵢⵉⵃⵔⵉⵛⴻⵏ ⵉⴷⴰⵎⵙⴰⵏⴻⵏ ⵏ ⵜⵙⴻⴷⴷⴰⵡⵉⵢⵉⵏ ⴷ ⵓⴼⴽⴰ ⵏ ⵡⴰⵣⴰⵍ ⵉ ⵡⴰⵢⴻⵏ ⵉ ⴷ-ⵢⴻⵜⵜⴻⴼⴼⵓⵖⵓⵏ ⵙⴻⴳ ⵓⵏⴰⴷⵉ ⵓⵙⵙⵏⴰⵏ.
- "ⵓⵥⴻⵟⵟⴰ ⴰⵣⵣⴰⵢⵔⵉ ⵏ ⵜⵎⴻⵙⵙⴻⵏⵜⵉⵜ": ⵉ ⵢⴻⴱⵯⴰⵏ ⴰⵙⵊⴻⵀⴻⴷ ⵏ ⵓⵙⵏⵓⵍⴼⵓ ⴷ ⵜⴷⴰⵎⵙⴰ ⵏ ⵜⵎⵓⵙⵏⵉ, ⵢⴻⵔⵏⴰ ⴰⴷ ⵢⴰⵡⵉ ⵢⵉⵏⴻⵍⵎⴰⴷⴻⵏ ⴷ ⵢⵉⵏⴰⴳⵎⴰⵢⴻⵏ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⵉⴽⵜⵉⵡⵉⵏ-ⵏⵙⴻⵏ ⴷ ⵢⵉⵙⴻⵏⴼⴰⵔⴻⵏ ⵉⴷⴰⵎⵙⴰⵏⴻⵏ.
- "ⵜⴰⴱⵓⵔⵜ ⵜⴰⵎⴹⴰⵏⵜ ⵏ ⵓⵎⵛⵉⵡⴰⵔ ⴰⵎⴹⴰⵏ": ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⵜⴰⵣⵎⴻⵔⵜ ⵏ ⵜⵏⴻⴼⵙⵉⵜ ⴷⴻⴳ ⵜⵙⴻⴷⴷⴰⵡⵉⵜ ⵢⴻⵔⵏⴰ ⴰⴷ ⴷⴷⵓⵏ ⴷ ⵓⴱⴻⴷⴷⴻⵍ ⵖⴻⵔ ⵓⵎⴹⴰⵏ ⵙ ⵓⴼⴽⴰ ⵏ ⵢⵉⵎⵛⵉⵡⴰⵔⴻⵏ ⵙⴻⴳ ⵡⴰⴳⴳⵓⴳ.
- "ⵜⴰⴱⵓⵔⵜ ⵜⴰⵎⴹⴰⵏⵜ ⵏ ⵓⵟⵟⴼⵓ ⵏ ⵜⵎⴻⵛⵛⵉⵟ": ⵢⴻⵇⵇⵏⴻⵏ ⵖⴻⵔ ⵡⴰⵍⴰⵍ ⴰⵎⴹⴰⵏ ⵏ ⵢⵉⵏⴻⵍⵎⴰⴷⴻⵏ ⵉ ⵡⴰⴽⴽⴻⵏ ⴰⴷ ⵙⵙⵉⵙⵀⴻⵍⴻⵏ ⵍⴻⵇⴷⵉⵛ ⵏ ⵓⵜⵛⵉⵜ ⴷⴻⴳ ⵜⵙⴻⴷⴷⴰⵡⵉⵜ.
ⴰⵔⵏⵓ ⵖⴻⵔ
